कुरकुंभ ,सुरेश बागल

दौंड तालुक्यातील सहजपूर फाटा ते फिल्टगार्ड कंपनी तसेच कंपनी – दहीटणे – राहू पर्यंतच्या रस्त्यावर भरपूर प्रमाणात मोठे मोठे खड्डे-साईडपटया उखडल्या आहेत. तरीही १०-१५ दिवसांच्या फरकाने वारंवार सार्वजनिक बांधकाम विभागाचे दौंडचे अभियंता माळशिखरे -यवतचे शिंदे सांगूनही अधिकारी आज – उद्या खड्डे बुजविण्याचे फक्त आश्वासन देतात. तसेच ज्या ठेकेदाराने सहजपूरफाटा ते पाटेठान पर्यंतच्या रस्त्यांचे काम ३-४ वर्षांपूर्वी ५ कोटींना घेतलें होते.

तसेच रस्त्यांच्या डागडुजीची ५ वर्ष ठेकेदारांची जबाबदारी असतानाही दुर्लक्ष केले जात आहे .तरीही सार्वजनिक बांधकाम विभागाच्या अधिकाऱ्यांनी प्रशासनाने लक्ष घालून सहजपूर फाटा ते पाटेठान-राहू पर्यंतच्या रस्त्यावरील गुडघाभर मोठे- मोठे खड्डे पडले आहेत. तरीही सहजपूर फाटा ते फिल्टगार्ड कंपनीपर्यंत मोठमोठे खड्डे असल्याने दिवसा – रात्रीच्या वेळी टु व्हीलर गाड्यांवर प्रवास करणाऱ्या शेतकरी, कामगार आणि वाटसरू लोकांना खड्डे असल्याने मोठ्या गाड्यामुळे लहान गाड्यांचा रोजच अपघात घडत आहेत त्यामुळे काही शेतकरी -कामगाराचा अपघातात जीव गेलेला आहे काही लोकांना अपंगत्व आले आहे, तरीही लवकरात लवकर रस्त्यावरील खड्डे बुजवावेत तसेच आतापर्यंत सार्वजनिक बांधकाम विभागाच्या अधिकाऱ्यांच्या दुर्लक्षामुळे आतापर्यंत ज्या ज्या लोकांना या रस्त्यावर जीव गमवावा लागला आहे त्यांना यवतच्या शिंदे साहेबांनी पाठपुरावा करून मदत मिळवून देण्यासाठी प्रयत्न करावेत. तसेच मागणी करूनही अधिकाऱ्यांनी दुर्लक्ष केले तर दौंड – यवत सार्वजनिक बांधकाम विभागाच्या अधिकाऱ्यांच्या आॅफिससमोर सामाजिक कार्यकर्ता उमेश म्हेत्रे आंदोलन करणार आहे.

उरूळीकांचन, पुणे

भारताच्या ७५व्या स्वातंत्र्य दिनाच्या निमित्ताने संत निरंकारी मिशन द्वारे ‘अर्बन ट्री क्लस्टर’ (नागरी वृक्ष समूह) अभियानाचा शुभारंभ २१ ऑगस्ट, २०२१ रोजी करण्यात आला . तेव्हापासून आजपर्यंत संपूर्ण भारतातील अनेक राज्यांच्या विविध शहरांमध्ये दिवसेंदिवस या वृक्ष लागवडीच्या संख्येमध्ये वाढ होत आहे .

या परियोजने अंतर्गत पुणे जिल्ह्यातील नानगाव ब्रँच मधील खुटबाव, लोणावळा ब्रँच मधील कामशेत, पाषाण (सुतारवाडी), कोरेगाव मुळ येथे १५००० पेक्षा अधिक वृक्ष लावण्यात आले आहेत. या वर्षी देखील मिशनच्या माध्यमातून १४ ऑगस्ट २०२२ रोजी देशाच्या विविध शहरांमध्ये अनेक नव्या ठिकाणाचा समावेश होत आहे . यादिवशी पुणे जिल्ह्यातील उरुळीकांचन येथील भवरापूर या ठिकाणच्या वननेस -वन प्रकल्पाचा शुभारंभ होत आहे. वन विभागाकडून वृक्षारोपण करण्यासाठी या ठिकाणी ५७ एकर जमीन उपलब्ध झाली असून आजच्या दिवशी आठ एकरमध्ये १५००० वृक्षांची लागवड करण्यात येणार आहे. स्थानिक ग्रामपंचायतीच्या पदाधिकाऱ्यांचा देखील या कार्यामध्ये खूप सहयोग लाभत आहे.

संत निरंकारी मिशनचे श्री.ताराचंद करमचंदानी पुणे झोनचे क्षेत्रीय प्रभारी, सेवादलाचे क्षेत्रीय संचालक, संयोजक तसेच स्थानिक प्रबंधक यांच्या मार्गदर्शनाखाली सेवादलचे स्थानिक अधिकारी व स्वयंसेवक यांनी अथक परिश्रम करुन वृक्षारोपणासाठी जमिनीचे सपाटीकरण करणे, खड्डे खोदणे तसेच पाणी पुरवठ्याची व्यवस्था करण्याचे कार्य गेले आठ दिवस करत आहेत. संत निरंकारी मिशनचे सेवादार वृक्षांची लागवड केल्यानंतर सतत तीन वर्षे त्यांची देखभाल करतील. त्यामध्ये वृक्षांचे रक्षण, खत व पाण्याची उचित व्यवस्था इत्यादिंचा समावेश आहे.

हे सर्व विदित आहे की, संत निरंकारी मिशन हे एक विश्वस्तरीय आध्यात्मिक व्यासपीठ आहे जे सर्वांभूती निराकार ईश्वराची अनुभूती बाळगून प्रेम, सहिष्णुता व सद्भावपूर्ण एकत्वाच्या विचारधारेमध्ये विश्वास बाळगते. मिशनमार्फत पर्यावरण सुरक्षेसाठी सातत्याने कार्य करण्यात येत आहे. वेळोवेळी देशभर वृक्षारोपण व त्यांचे संरक्षण, जल संरक्षण, घनकचरा प्रबंधन (Waste Management) आणि प्लास्टिकचा उपयोग न करणे यांसारख्या अभियानांमध्ये पुढाकार घेत आले आहे.

नारायणगांव ,किरण वाजगे

कुरण (ता. जुन्नर) येथील जयहिंद इंटरनॅशनल स्कुलच्या विद्यार्थ्यांनी बनविलेल्या राख्या धामनखेल येथील नंदनवन या दिव्यांग मुलांच्या आश्रमाला भेट देण्यात आल्या.

शाळेच्या वतीने राबविण्यात आलेल्या राखी बनवा या उपक्रमांतर्गत ३५० राख्या तयार करण्यात आल्या होत्या. या उपक्रमातून दिव्यांग विद्यार्थी व सामान्य विद्यार्थ्यांमध्ये एक प्रकारचा बंध निर्माण होतो. तसेच शाळेय विद्यार्थ्यांमध्ये सामाजिक भावनांचा विकास होतो म्हणून असे सहशालेय उपक्रम राबविणे आवश्यक आहे, असे मत जयहिंद इंटरनॅशनल स्कुलचे प्राचार्य डॉ. किरण पैठणकर यांनी व्यक्त केले.

या उपक्रमासाठी सुप्रिया पांडे तसेच सर्व शिक्षक व शिक्षकेतर कर्मचाऱ्यांचे सहकार्य लाभले. विद्यार्थ्यांनी राबविलेल्या या उपक्रमाकरीता संचालिका अंजली गुंजाळ, इंदूमती गुंजाळ, डॉ. शुभांगी गुंजाळ व मुख्य कार्यकारी अधिकारी डॉ. डी. एस. गल्हे यांनी शुभेच्छा दिल्या.

दिनेश पवार ,दौंड

उपविभागीय पोलीस अधिकारी कार्यालय दौंड,दौंड पोलीस स्टेशन व यवत पोलीस स्टेशन यांच्या संयुक्त विद्यमाने स्वातंत्र्याच्या अमृत महोत्सवी वर्षानिमित्त हर घर तिरंगा अभियानातंर्गत आयोजित दहा किमी धावण्याच्या स्पर्धेत पोलीस कर्मचारी अमीर शेख यांनी प्रथम क्रमांक पटकावला,बोरावके नगर ते दौंड शुगर या दरम्यान झालेल्या या स्पर्धेत 50 पोलिसांनी यात 5 पोलीस अधिकारी,दोन महिला कर्मचारी यांनी भाग घेतला होता.

या स्पर्धेत अमीर शेख यांनी प्रथम,संदीप जाधव द्वितीय,सुभाष डोईफोडे तृतीय यांनी क्रमांक पटकावले,विजेत्यांना दौंड मधील प्रसिद्ध हृदयरोग तज्ञ डॉ.डी.एस.लोणकर यांच्या हस्ते पारितोषिक देण्यात आले.यावेळी दौंड पोलीस स्टेशनचे पोलीस निरीक्षक विनोद घुगे, यवत पोलीस स्टेशनचे पोलीस निरीक्षक नारायण पवार व पोलीस कर्मचारी उपस्थित होते

उरुळी कांचन

हवेली तालुक्यातील शिंदेवाडी येथील गायरानावर हवेली तालुक्याच्या तहसीलदार तृप्ती कोलते-पाटील यांच्या हस्ते लक्ष्मितरू वृक्षाचे वृक्षारोपण करुन वृक्ष लागवड करण्यात आले. नारळी पौर्णिमा आणि रक्षाबंधन या सणाचे औचित्य साधून शाश्वत विकास फाउंडेशन ग्रामपंचायत शिंदेवाडी ग्रामपंचायत हिंगणगाव कृषी विभाग महसूल विभाग यांच्या अधिकारी आणि कर्मचाऱ्यांनी २५१ वृक्षांचे वृक्षारोपण केले.

रिमझिम पावसाच्या सरीवर सरी पडत होत्या या पावसाचा आनंद घेत तहसीलदार तृप्ती कोलते-पाटील व सर्व कर्मचाऱ्यांनी वृक्षारोपण करण्याचा आनंद घेतला. यावेळी महिलांनी वृक्षांना राखी बांधून वृक्षारोपण केले.

यावेळी वृक्षारोपण कार्यामध्ये अनमोल सहकार्य करणाऱ्या मान्यवरांचा सन्मान तहसीलदार तृप्ती कोलते-पाटील यांच्या हस्ते करण्यात आला.

यावेळी स्टार महाराष्ट्र न्यूजचे संचालक अशोक घावटे , उपसंपादक राजेंद्र शिंदे, ग्रीन फाउंडेशनचे अध्यक्ष अमित जगताप, मंडलाधिकारी नूरजहाँ सय्यद, शिंदेवाडीचे सरपंच संदीप जगताप, भवरापुरचे सरपंच सचिन सातव, सांगवीचे सरपंच नरसिंग लोले, हिंगणगावच्या सरपंच विद्या सागर थोरात, मंडल कृषी अधिकारी गणेश सुरवसे, कृषी अधिकारी नीलम कासारे, शिंदेवाडीच्या ग्रामसेविका मोनिका माझीरे, हिंगणगावच्या ग्रामसेविका सुवर्णा लोंढे, आर्ट ऑफ लिविंगचे साधक अजित रणसिंग, अष्टापुरचे तलाठी सुधीर जायभाय, कोरेगावमूळचे तलाठी प्रदीप जवळकर, सोरतापवाडीचे तलाठी निवृत्ती गवारी, शाश्वत विकास फाउंडेशनचे सदस्य रघुनाथ हरपळे, विजय थोरात, राहुल थोरात, जयमाला जगताप यांच्यासह शाश्वत फाउंडेशन अध्यक्ष प्रभाकर जगताप यांच्यासह ग्रामस्थ उपस्थित होते.

उरुळी कांचन

९ ऑगस्ट ७५ व्या आमृत महोत्सवी आदिवासी दिन संपूर्ण देशात आनंदाने साजरा करण्यात आला. भारत देशाला स्वातंत्र्य मिळवून देण्यात आदिवासींचे योगदान फार मोलाचे आहेत असे मत केंद्रीय मंत्री नितीन गडकरी यांनी व्यक्त केले.राज्यस्तरीय आदिवासी सांस्कृतिक महोत्सव व गुणगौरव कार्यक्रम आदिवासी विकास विभाग नागपूर येथील कार्यक्रमात भारताचे केंद्रीय मंत्री नितीन गडकरी प्रमुख पाहुणे म्हणून बोलत होते.

या वेळी महाराष्ट्रामध्ये व देशात उल्लेखनीय काम करणाऱ्या लोकांचा सन्मान केंद्रीय मंत्री ना. नितीन गडकरी व आदिवासी आयुक्त रविंद्र ठाकूर, यांच्या हस्ते आदिवासी समाजसेवक व साहित्यिक नामदेव ज्ञानदेव भोसले यांना सन्मानित करण्यात आले. सत्कार स्विकारताना नामदेव भोसले व शेवराई ज्ञानदेव भोसले,भास्कर भोसले, ॠतुजा भोसले, शोभा भोसले हे उपस्थित होते.

स्वातंत्र्याचा ७५ व्या वर्धापन दिनानिमित्त ९ ऑगस्ट हा दिवस जागतिक आदिवासी दिनाचे औचित्य साधून आदिवासी मंत्रालय महाराष्ट्र शासन यांनी हा कार्यक्रम आयोजित केला होता “मराशी” या पुस्तकाद्वारे भारतातील आदिवासी पारधी भाषा लिखित स्वरूपात आणले व आदिवासींसाठी हिताचे उल्लेखनीय भरीवदार काम साहित्यिक नामदेव भोसले यांनी केले आहे, म्हणून नामदेव भोसले, भास्कर भोसले यांना सन्मानित करण्यात आले.