Home Blog

सूरज वाजगे यांचा महिलांसाठी मोफत सप्तशृंगी देवी दर्शनाचा उपक्रम

 

नारायणगाव :- (किरण वाजगे)

 

राष्ट्रवादी युवक काँग्रेसचे तालुका अध्यक्ष सुरज वाजगे यांनी नवरात्र व कोजागिरीचे औचित्य साधून नुकतेच कोण बनणार नारायणगाव ची होम मिनिस्टर हा खास महिलांसाठी कार्यक्रम ठेवला होता या कार्यक्रमात महिलांसाठी आकर्षक बक्षीसे देखील ठेवण्यात आली होती. याशिवाय या कार्यक्रमांमध्ये सहभागी होणाऱ्या नारायणगावातील प्रत्येक महिला भगिनींना श्री क्षेत्र वनी येथील सप्तशृंगी देवीचे दर्शन मोफत करविण्याचा संकल्प केला होता. या अनुषंगाने आज सकाळी ९ वाजण्याच्या सुमारास नारायणगावचे ग्रामदैवत श्री मुक्ताई देवी ची आरती करून व दर्शन घेऊन सुमारे १००० महिला श्रीक्षेत्र वनी येथे सप्तशृंगी देवीच्या रवाना झाल्या.

 

 

याप्रसंगी माजी सरपंच योगेश पाटे, नारायणगाव येथील सरपंच पदाच्या उमेदवार डॉ. शुभदा वाव्हळ, राष्ट्रवादी युवक काँग्रेसचे तालुकाध्यक्ष सुरज वाजगे, माजी ग्रामपंचायत सदस्या अंजली खैरे, अमर भागवत, अमित कोराळे, सोनल वाजगे, माधवी वाजगे, रोहन वाजगे, कृष्णा वाजगे, विघ्नहर वाजगे, चेतन पाटे, गौतम जांभळे, साई फापाळे, अनिकेत वाजगे, प्रथमेश वाणी, धनेश वारुळे, राजेश गावडे, नवनाथ परदेशी, भरत भुजबळ तसेच हजारो महिला उपस्थित होत्या.
यावेळी डॉक्टर शुभदा वाव्हळ यांनी श्री क्षेत्र वनीला जाणाऱ्या सर्व महिलांना दर्शनासाठी तसेच प्रवासासाठी शुभेच्छा दिल्या. माजी सरपंच योगेश पाटे यांनीही सुरज वाजगे यांच्या या स्तुत्य उपक्रमाचे स्वागत करत त्यांना शुभेच्छा दिल्या.
दरम्यान नारायणगावातील महिलांना सुरज वाजगे यांनी देवदर्शन घडविल्यामुळे पॅनल प्रमुख माजी सरपंच योगेश पाटे, संतोष नाना खैरे, संतोष वाजगे, एडवोकेट राजेंद्र कोल्हे, अनिल दिवटे यांच्या नेतृत्वाखालील श्री मुक्ताबाई हनुमान ग्रामविकास पॅनल च्या गोटात आनंदाचे वातावरण निर्माण झाले आहे.

वनविभाग जुन्नर मार्फत वन्यजीव सप्ताह निमित्त सर्पदंशाबाबत कार्यक्रमाचे आयोजन

नारायणगाव :- (किरण वाजगे)

       वन्यजीव सप्ताहानिमित्त जुन्नर वनविभागाच्या वतीने वनपरीक्षेत्र जुन्नर, ओतुर, घोडेगाव, मंचर, खेड, चाकण, शिरूर येथील स्थानिक रेस्कु टीम च्या सदस्यांसाठी सर्पदंश जनजागृती कार्यशाळा शिवराय संकुल सभागृहात सहाय्यक वनसंरक्षक अमित भिसे यांच्या मार्गदर्शनाखाली आयोजित करण्यात आली होती.

   वन्यजीव सप्ताहाची सुरूवात मान्यवरांच्या हस्ते तुळशीच्या रोपाच्या पुजनाने व महात्मा गांधी व लालबहादूर शास्त्री जयंती निमित्त यांच्या प्रतिमेस पुष्पहार अर्पण करून करण्यात आली. या दरम्यान मान्यवरांचा सन्मान सहाय्यक वनसंरक्षक अमित भिसे व जुन्नरचे वनपरीक्षेत्र अधिकारी प्रदीप चव्हाण यांच्या हस्ते करण्यात आला. या उपक्रमास प्रमुख पाहुणे म्हणून विषबाधा तज्ञ डॉ. सदानंद राऊत उपस्थित होते.

यावेळी शून्य सर्पदंश मोहीम हा प्रमुख पाहुणे डॉ. राऊत यांचा माहितीपट दाखविण्यात आला. विषारी व बिनविषारी सर्प ओळखणे,सर्पदंश झाल्यास दिसणारी लक्षणे, प्राथोमोपचार, उपचार, सर्पदंशाने होणारे दुष्परिणाम, प्रतिबंध, सर्पदंश झाल्यास काय करावे व काय करू नये याविषयी सविस्तर मार्गदर्शन पॉवरपॉईंट सादरीकरण डॉ. राऊत यांनी केले. सर्पदंशापासून होणाऱ्या मृत्यूचे प्रमाण कमी करण्यासाठी असलेल्या उपाययोजनांची सविस्तर माहिती देत डॉ. राऊत यांनी रॅपिड रिस्पॉन्स टीमची स्थापना करण्याचे आवाहन डॉ राऊत यांनी यावेळी केले. डॉ. पल्लवी राऊत यांनी यावेळी सर्पदंश झाल्यास बॅंडेजचा वापर कसा करावा याबाबत प्रात्यक्षिक दाखवून याबाबत मार्गदर्शन केले.

      स्थानिक रेस्कु टीमच्या सदस्यांनी यावेळी विविध प्रकारचे प्रश्न विचारत आपल्या शंका कुशंकांचे निरसन केले व डॉ. सदानंद राऊत यांना हॉस्पिटलमध्ये प्राथोमोपचार प्रात्यक्षिक दाखविण्याबाबत सेशन घेण्यात यावे याबाबत मागणी केली.

       सहाय्यक वनसंरक्षक भिसे यांनी वन्यजीव सप्ताहात वन्यजीवांचे महत्व अधोरेखित करत सर्पदंशा बाबतीत जागरूक राहून प्रत्येक वनपरीक्षेत्रात याबाबत माहिती देण्यासाठी सुचना दिल्या.

 या कार्यक्रम प्रसंगी वनपरीक्षेत्र अधिकारी प्रदीप चव्हाण, माणिकडोह बिबट निवारण केंद्राचे अधिकारी व कर्मचारी, जुन्नर, ओतुर, घोडेगाव, मंचर, खेड, चाकण व शिरूर वनपरीक्षेत्रातील ७ रेस्क्यु टीमचे अनेक सदस्य, वनपरीक्षेत्र जुन्नरचे वनपाल व वनरक्षक उपस्थित होते.

    या कार्यक्रमाचे सूत्रसंचा वनरक्षक रमेश खरमाळे यांनी केले तर आभार प्रदर्शन महेंद्र ढोरे, बिबट निवारण केंद्र माणिकडोह यांनी माधलेले.

पोलीस नाईक नारायण बर्डे याच्यावर पोस्को अंतर्गत गुन्हा दाखल : कायद्याचा रक्षक बनला भक्षक

नारायणगाव (किरण वाजगे)

एका अल्पवयीन शालेय विद्यार्थिनीचा पाठलाग करून तिच्याशी लज्जा उत्पन्न होईल असे वर्तन केल्याप्रकरणी जुन्नर तालुक्यातील ओतूर पोलीस स्टेशनचा कर्मचारी पोलीस नाईक नारायण भाऊसाहेब बर्डे (वय ३८ वर्ष, राहणार आकाशगंगा कॉलनी, आळेफाटा ता. जुन्नर जिल्हा पुणे) या पोलीस कर्मचाऱ्यावर पोस्को अंतर्गत म्हणजेच भा.द.वि. कलम ३५४ अ, ३५४ ड,५०९ बालकांचे लैंगिक अपराधाचे संरक्षण अधिनियम २०१२ चे कलम १२ या अंतर्गत गुन्हा दाखल करण्यात आला असून या आरोपीला अटक करण्यात आली असल्याची माहिती नारायणगाव पोलिसांनी दिली.

दरम्यान हा पोलीस कर्मचारी गैरकृत्य करताना सीसीटीव्ही कॅमेऱ्यामध्ये कैद झाल्यामुळे ही घटना उघडकीस आली. खाकी वर्दीतल्याच जबाबदार इसमाने अशा प्रकारे उमलत्या कळीवर अन्याय करावा असा प्रकार घडला आहे.

पोलीस अधीक्षक पुणे ग्रामीण अंकित गोयल यांनी या घटनेची दखल घेऊन आरोपीला सेवेतून तात्काळ निलंबित करावे अन्यथा नारायणगाव पोलीस ठाण्यावर महिलांचा मोर्चा काढू असा इशारा येथील महिला संघटनांनी दिला आहे. दरम्यान सहाय्यक पोलीस निरीक्षक महादेव शेलार यांनी दिलेल्या माहितीनुसार ही अल्पवयीन मुलगी सोमवार (दि. २ ) रोजी दुपारी एक वाजण्याच्या सुमारास येडगाव कोल्हे मळा रस्त्याने खाजगी क्लास मधून पायी घरी चालली होती. आरोपी नारायण बर्डे यांने तुला शंभर रुपये देतो मोटरसायकलवर बस असा आग्रह धरला. मात्र मुलीने नकार दिल्याने त्याने मुली सोबत तिला लज्जा उत्पन्न होईल असे वर्तन केले. घरी जाऊन मुलगी रडू लागली व तिने घटनेची माहिती आपल्या आजीला सांगितली सीसीटीव्हीच्या आधारे मुलीच्या पालकांनी आरोपीचा तात्काळ शोध घेतला असता त्याच परिसरात हा आरोपी आढळून आला. स्थानिक नागरिकांच्या मदतीने आरोपीला चांगलाच चोप देण्यात आला आणि पोलिसांच्या स्वाधीन करण्यात आले. मुलीच्या वडिलांनी दिलेल्या फिर्यादीनुसार रात्री उशिरा ओतूरचा पोलीस नाईक नारायण बर्डे याच्यावर भारतीय दंड विधान कलम व बाल लैंगिक अत्याचार यानुसार गुन्हा दाखल करण्यात आला आहे. या घटनेच्या पुढील तपास पोलीस उपनिरीक्षक विनोद धुर्वे करित आहेत.

दरम्यान आपल्याला बेदम मारहाण झाल्याचे सांगत हा पोलीस नारायणगाव येथील खैरे हॉस्पिटल मध्ये दिनांक दोन रोजी ऍडमिट झाला होता. रात्री उशिरा उपचार करून त्याला सोडण्यात आले. या आरोपीला आज खेड येथील सत्र न्यायालयात हजर केले असता न्यायालयाने त्याला दोन दिवस पोलीस कोठडी सुनावली आहे. अशी माहिती पोलीस उपनिरीक्षक विनोद धुर्वे यांनी दिली.
या घटनेची गंभीर दखल घेऊन आरोपीला पोलीस सेवेतून तात्काळ निलंबित करावे अशी मागणी सर्वच पक्षांच्या नेत्यांनी केली आहे

साईराम मित्र मंडळाकडून सर्व धर्म समभाव अशी गणरायाला प्रतिज्ञा

कुरकुंभ : सुरेश बागल

कुरकुंभ ( ता .दौंड ) येथे साईराम मित्र मंडळ येथे गणरायाचे मोठ्या उत्साहात थाटामाटात स्वागत केले जाते. यावर्षी आगळा वेगळा उपक्रम म्हणून गणरायासाठी सर्व गणेश भक्तांकडून एक प्रतिज्ञा केलेली आहे.

मी प्रतिज्ञा करतो कि,मी माझ्याकडून कोणत्याही धर्माचा अपमान होईल असं वागणार नाही,मी सर्व धर्मांना सन्मानपूर्वक वागणूक देईल,माझे विचार सर्व धर्म समभाव आहेत मी माझ्या मोबाईल वर चुकून किंवा जाणीवपूर्वक एखाद्या धर्माबद्दल चुकीची किंवा त्या गोष्टीवरून समाजाला त्रास होईल अशी आक्षेपार्य पोस्ट आली तर मी ती पोस्ट किंवा व्हिडीओ लगेचच डिलीट करेल.माझे गाव एकजूट आहे आणि ते टिकवण्याची जबाबदारी आज माझ्यावर आली आहे म्हणून ते टिकवण्याचा आज मी संकल्पपूर्वक निर्धार करीत आहे . असे सांगून धन्यवाद जय हिंद जय महाराष्ट्र अशी घोषणा साईराम गणेश मित्र मंडळा कडून करण्यात आली.

यावेळी साईराम मित्र मंडळाचे
अध्यक्ष – साहिल मुलाणी,
उपाध्यक्ष – आकाश निंबाळकर,
खजिनदार- सागर भागवत,
सह- खजिनदार – अरबाज खान,
सचिव – ऋषिकेश डहाळे, कार्याध्यक्ष – सरताज मुलानी आणि अन्य गणेश भक्त मोठ्या प्रमाणात उपस्थित होते.

मोदक बनवणे स्पर्धेत रुचिरा मोरे व सुषमा जगताप ठरल्या अव्वल

नारायणगाव :- (किरण वाजगे)

गणेशोत्सवाच्या निमित्ताने नारायणगाव येथील श्री गणेशोत्सव मंडळ, वाजगेआळी व रोटरी क्लब नारायणगाव यांच्या वतीने मोदक स्पर्धेचे आयोजन करण्यात आले होते. या स्पर्धेत रुचिरा आदेश मोरे व सुषमा योगेश जगताप यांनी प्रथम क्रमांक मिळवला.

या स्पर्धेसाठी नारायणगाव वारूळवाडी परिसरातील अनेक महिला भगिनींनी रुचकर, स्वादिष्ट मोदक बनवून आणले होते. मोदक बनविताना त्याची चव, तो कशापासून बनवला आहे, कोणते पदार्थ मोदक बनवताना वापरले आहे तसेच स्पर्धेमध्ये मोदक मांडताना कशाप्रकारे सजावट केली आहे या पद्धतीने गुणांकन करण्यात आले. या स्पर्धेसाठी सोन्याची नथनी, चांदीचे मोदक, पैठणी साड्या व गृह उपयोगी वस्तू अशी विविध प्रकारची बक्षीसे ठेवण्यात आली होती.

स्पर्धेच्या पारितोषिक वितरण प्रसंगी माजी जिल्हा परिषद सदस्या आशाताई बुचके, विकास सोसायटीचे अध्यक्ष संतोषनाना खैरे, उपाध्यक्ष किरण वाजगे दिलीप गांजाळे उर्मिला खानविलकर, मंजुश्री हाडके, राजेश मनोहर वाजगे, जितेंद्र वाजगे, माजी उपसरपंच संतोष वाजगे, अध्यक्ष मुकेश वाजगे, तेजस वाजगे, निलेश गोरडे आदी मान्यवर उपस्थित होते.
स्पर्धेचे परीक्षण सुरेखा वाजगे, शितल ठुसे, रेखा ब्रम्हे मॅडम, तेजस्विनी वालझाडे, वर्षा गांधी, प्रिया घोडेकर, प्रिया कामत, वीणा वाजगे यांनी केले.
कार्यक्रम यशस्वी करण्यासाठी विक्रांत क्रीडा मंडळातील सदस्य तसेच वाजगेआळी महिला मंडळाने विशेष परिश्रम घेतले.

पारंपरिक वेषभूषा व ढोल ताशाच्या कडकडाडात जिजाऊ सखी मंच च्या बाप्पांचे विसर्जन

आळेफाटा :- (किरण वाजगे)

लेझीम, ढोल ताशांच्या पारंपारिक वाद्याबरोबरच महिलांनी फेटे बांधून आकर्षक पद्धतीने केलेली नऊवारी साड्यांची वेशभूषा, तसेच ट्रॅक्टरवर सजवलेल्या रथामध्ये आळेफाटा येथील जिजाऊ सखी मंचच्या गणरायाचे सातव्या दिवशी उत्साहात विसर्जन करण्यात आले.

या प्रसंगी छत्रपती हायस्कूल, सनी क्रीडा मंडळ पिंपळवंडी, हिरकणी महिला लेझीम पथक, दुर्गामाता महिला पथक वडगाव आनंद, व नारायणगाव येथील विक्रांत क्रीडा मंडळाचे आकर्षक ढोल ताशा पथक मिरवणुकीत सहभागी झाले होते . आळेफाटा बस स्थानक चौकात मिरवणूक आल्यानंतर तेथे सहाय्यक पोलीस निरीक्षक बडगुजर, महिला उपनिरीक्षक रागिनी कराळे, तसेच ३० सप्टेंबर रोजी सेवानिवृत्त होणारे पोलीस हवालदार फलके व विविध क्षेत्रात यशस्वी झालेल्या महिलांचा सन्मान करण्यात आला.

मिरवणूक यशस्वी करण्यासाठी जिजाऊ सखी मंच च्या संचालिका वैशाली देवकर, वैशाली जाधव, अनिता वाणी, मनीषा सोनवणे, पुनम हाडवळे, दिपाली गडगे, अनुराधा सुपेकर, वर्षा गुंजाळ, हेमा बांगर, निशा शेट्टी, लता वाव्हळ, वृषाली नरवडे, मंगल तितर, मनीषा चोरडिया, सोनल गांधी, अमृता गडगे, पुनम गुगळे, प्रियांका गडेवाल, प्रांजल भाटे, सुंदर ताई कुऱ्हाडे, हेमलता जाधव अनिता कोकाटे आदी महिलांनी परिश्रम घेतले.

स्वर्गीय कै.सखुबाई यशवंत फलके फाऊंडेशन मार्फत जिल्हा परिषद प्राथमिक शाळेतील विद्यार्थ्यांसाठी सामाजिक उपक्रम

घोडेगाव – मोसीन काठेवाडी

जिल्हा परिषद प्राथमिक शाळा घोडेगावच्या सर्व विद्यार्थ्यासाठी कैलासवासी सौ.सखुबाई यशवंत फलके फाउंडेशन तर्फे गणेशोत्सवानिमित्त श्री गणपतीच्या मूर्ती बनवणे या उपक्रमासाठी सर्व विद्यार्थ्यांना मोफत श्री गणेश मूर्ती उपलब्ध करून देण्यात आल्या व त्यासाठी वॉटर कलर उपलब्ध करून देण्यात आले.याबद्दल श्री धनंजय यशवंत फलके उपसरपंच ग्रामपंचायतअमोंडी व प्रोपरायटर हॉटेल आशिर्वाद तसेच संचालक कैलासवासी सखुबाई यशवंत फलके फाऊंडेशन यांचे अभार मानण्यात आले.श्री गणेश मुर्ती रंगविणे यात सर्व इयत्तांमधील एक ते चार क्रमांकाच्या विद्यार्थ्याना पारितोषिक वितरण करण्यात आले.

यावेळी आंबेगाव शाहीर संघटना अध्यक्ष श्री सखाराम घोडेकर सामाजिक कार्यकर्ते श्री खंडूशेठ घोडेकर श्री . विलासकाका मुथियान, शाहीर नामदेव घोडेकर, अलका चासकर सर्व शिक्षकवृंद उपस्थित होते .श्री अमोल डोके यांनी सर्व विदयार्थ्याना केळी वाटप केल्या.विद्यार्थ्यानी श्रीगणेशाची सामुदायिक आरती केली.मराठा मित्र मंडळ सार्वजनिक गणेशोत्सव यांचे सहकार्य लाभले.

विश्व हिंदू परिषदच्या षष्ठी पूर्ती आणि साबाजी बुवा गणेशोत्सव मंडळाच्या ७५ व्या वर्ष पूर्तीच्या निमित्ताने फदालेवाडी येथे रक्तदान शिबीर

आंबेगाव, मोसीन काठेवाडी

विश्व हिंदू परिषदच्या षष्ठी पूर्ती आणि साबाजी बुवा गणेशोत्सव मंडळाच्या ७५ व्या वर्ष पूर्तीच्या निमित्ताने विश्व हिंदू परिषद बजरंग दल घोडेगाव प्रखंड – शाखा फदालेवाडी आणि साबाजी बुवा गणेशोत्सव मंडळ फदालेवाडी यांच्या संयुक्त विद्यमाने आयोजित भव्य रक्तदान शिबिर आणि आरोग्य तपासणी शिबिर मंडळाच्या गणपतीची पूजा आरती करून फलक पूजन केले त्या नंतर प्रतिमा पूजन करून रक्तदानास सुरुवात झाली.

या प्रसंगी विश्व हिंदू परिषद भिमाशंकर जिल्हा मंत्री संतोषजी खामकर ,विश्व हिंदू परिषद भिमाशंकर जिल्हा अध्यक्ष प्रशांत काळे, विश्व हिंदू परिषद घोडेगाव प्रखंड मंत्री प्रशांतभाऊ साबळे,विश्व हिंदू परिषद घोडेगाव प्रखंड सहमंत्री सुरजभाऊ धराडे , बजरंग दल मंचर प्रखंड सहसंयोजक अमोल भाऊ शेवाळे,माऊली नाना बोऱ्हाडे, माजी जिल्हा परिषद सदस्य जनाबाई उगले,पुरुषोत्तम फदाले, टी. एस. ग्राम. पतसंस्था व्हा. चेअरमन , भरत फदाले,ग्रामपंचायत सदस्य योगेश फदाले , श्रीकांत फदाले, संदेश फदाले , शुभम फदाले , राजेश फदाले , किरण फदाले , विश्वनाथ फदाले , रुपेश फदाले , प्रकाश फदाले , सुभाष फदाले , साहिल फदाले , सतिश बोऱ्हाडे , निलेश फदाले, अभिषेक फदाले, बाळासाहेब फदाले, अनिल फदाले,अक्षय फदाले, प्रणाल फदाले, मनोज बोऱ्हाडे,मनोज भोजने,श्याम फदाले,दत्ता फदाले,प्रयाग फदाले,रोहन फदाले , ओमकार फदाले,सागर फदाले,प्रज्वल फदाले,प्रतीक फदाले,सुजल फदाले,विजय फदाले , संदीप फदाले दत्ता फदाले , मयूर फदाले , सुशांत फदाले , विक्रम फदाले , सिद्धेश्वर फदाले,तसेच समस्त ग्रामस्थ फदालेवाडी आदींची उपस्थिती होती सदर कार्यक्रमात ५१ रक्तदात्यांनी सहभाग नोंदविला होता. कार्यक्रम यशस्वी रित्या संपन्न झाला.

कलासंस्कृतीच्या माध्यमातून महिलांच्या ढोल ताशां पथकास गणेशोत्सव निमित्त मागणी सर्वत्र कौतुकचा वर्षाव

उरुळी कांचन

गणेशोत्सवाची चाहूल लागली की ढोल ताशांचे गजर कानावर पडू लागतात. उत्सवाच्या एक-दोन महिने आधीच कित्येक ठिकाणांवर ढोल ताशा पथकांचा सराव सुरू होतो. मग गणरायाचं आगमन असो किंवा विसर्जन या ढोल ताशांच्या आवाजानं वातावरण भारावून जातं. हवेली तालुक्यातील उरुळी कांचन व परिसरातील महिलांच्या विशेषतः ग्रामीण भागात ढोल ताशांचा डंका पुणे शहरातील लक्ष्मी रस्त्यावर वाजु लागला. उरुळी कांचन परिसरातील १५० महिला एकत्र येऊन कला वाद्य महिलांचे ढोल ताशा पथकाची स्थापना केली. पथकात उच्च शिक्षित डॉक्टर, वकील, शिक्षक, अभियांत्रिकी, गृहिणी, युवतीचा समावेश आहे.

कलासंस्कृती गुप्रच्या संकल्पनेतून महिलांचे ढोलपथक सुरु झाले आहे. संस्कृतीची जोपासना व्हावी शिवकालीन वारसा जपण्यासाठी स्थापना झाल्याचे पथकाच्या वतीने सांगण्यात आले. पथकात वाघोली, लोणी काळभोर, यवत, सहजपूर, कोरेगावमुळ, खामगाव, पाटेठान परिसरातील महिला व युवती आहेत.

प्रशिक्षक म्हणून निखिल धुमाळ, प्रणील पवार काम पाहत आहे. यावेळी ज्योती झुरंगे, सविता कांचन, शिल्पा पाटील, सुरेखा कांचन, योगिता टिळेकर, त्रिवेणी कांचन, नीता खराडे, दिपाली टिळेकर, रोहिणी गाडे, रुपाली चौधरी, रेखा चौधरी, शुभांगी मेमाणे, स्वाती चौधरी, अनिता चौधरी, विजया कोलते, कल्पना वाडेकर, वनिता चांदगुडे, वर्षा ढमढेरे, शारदा गोगावले, रेखा तुपे, साक्षी वाळेकर या सह अनेक युवती, गृहिणी, महिलांचा उस्फुर्त प्रतिसाद मिळत आहे. पुरातन काळाशी नाते सांगणाऱ्या ढोल-ताशा, शंख-झांजा आणि ध्वजाशी घट्ट नाळ असणाऱ्या ढोल-ताशा पथकांनी आपल्या वादनातून एका अर्थाने आपली सांस्कृतिक ओळख निर्माण केली आहे. अशा पथकांचे श्री गणेशापुढील लयबद्ध-तालबद्ध वादन ऐकणे ही जणू पर्वणीच.

पद्मश्री मणिभाई देसाई महाविद्यालयात खाद्यभ्रमंती स्पर्धेचे आयोजन

उरुळी कांचन

महात्मा गांधी सर्वोदय संघ संचलित, पद्मश्री मणिभाई देसाई महाविद्यालय उरुळी कांचन येथे गणेश उत्सवानिमित्त सांस्कृतिक विभागाच्या वतीने खाद्यभ्रमंती स्पर्धेचे आयोजन करण्यात आले. स्पर्धेचे उद्घाटन महाविद्यालयाचे प्राचार्य डॉ.बाळासाहेब भगत यांच्या हस्ते करण्यात आले. खाद्यभ्रमंती स्पर्धेत २५ स्टॉल लावण्यात आले होते. १०० विद्यार्थ्यांनी सहभाग घेतला.

त्यामध्ये प्रथम क्रमांक -अवंती जाधव ग्रुप, द्वितीय क्रमांक -निकिता जाधव ग्रुप, तृतीय क्रमांक -साहिल खेडेकर ग्रुप आणि प्रांजली यादव ग्रुप, चतुर्थ क्रमांक- सुप्रिया थडके ग्रुप, उत्तेजनार्थ- विवेक साळुंखे ग्रुप आणि प्रतीक्षा मूल्या ग्रुप यांनी मिळविले. या स्पर्धेचे परीक्षण प्रा. सुजाता गायकवाड, प्रा.सौरभ साबळे, डॉ.अमोल बोत्रे, प्रा.अनुप्रिता भोर, प्रा. प्रणिता फडके, प्रा.वैशाली चौधरी, श्री मोरेश्वर बगाडे यांनी केले. या स्पर्धेच्या नियोजन समितीत डॉ.आप्पासाहेब जगदाळे, डॉ.कमरुन्नीसा शेख, प्रा. प्राजक्ता थोरात, प्रा.गौरी ताकवणे, प्रा.प्रदीप ढवळे, प्रा.वृषाली हिंगणे, प्रा.कल्पना जराड, प्रा.ऋतुजा काळगावकर, प्रा.ऐश्वर्या जाधव, प्रा जेबा तांबोळी, प्रा.ज्ञानेश्वर पिंजारी, प्रा.दिपाली चौधरी, प्रा. डॉ.अर्चना कुदळे, प्रा.कोमल गोते, प्रा.स्नेहल गोते, प्रा.रवींद्र मुंडे, प्रा.भाऊसाहेब तोरवे, प्रा.रोशनी सुंदराणी, प्रा.रोहिणी शिंदे, प्रा.अश्विनी भालेराव, प्रा.रोहित बारवकर, प्रा.बंडू उगाडे, प्रा.अनुजा झाटे, प्रा.प्रतीक्षा कोद्रे, प्रा.रामचंद्र बारटक्के, प्रा.सारिका ढोणगे, प्रा.प्रियांका गोलांडे, प्रा.मेघना जाधव यांनी काम पाहिले.

या कार्यक्रमाला खाद्यभ्रमंती समन्वयक म्हणून प्रा. विजय कानकाटे, कार्यालयीन अधीक्षक प्रदीप राजपूत, सांस्कृतिक विभाग प्रमुख प्रा. शुभांगी रानवडे यांनी काम पाहिले. महाविद्यालयाचे प्राचार्य डॉ. बाळासाहेब भगत, उपप्राचार्य डॉ.अविनाश बोरकर, डॉ.समीर आबनावे, डॉ. निलेश शितोळे यांचे मार्गदर्शन लाभले. विशालदीप महाडिक, बापू जगताप, नवनाथ कांचन, वाघमारे यांचे सहकार्य लाभले. महाविद्यालयातील सर्व प्राध्यापक वृंद व शिक्षकेतर कर्मचारी यांचे मोलाचे सहकार्य लाभले.