जाहिरात
जाहिरात
Home Blog Page 3

काळुस ग्रामपंचायतीच्या सरपंचपदी धनश्री पवळे पाटील व उपसरपंचपदी यशवंत खैरे यांची बिनविरोध निवड

चाकण- काळुस गावच्या सन २०२१ ते २०२५ या कालावधीसाठी झालेल्या ग्रामपंचायत निवडणुक आमदार दिलीपराव मोहिते पाटील यांच्या विचारांने प्रेरीत होऊन लढवलेला श्री काळेश्वर ग्रामविकास पँनल चे नेतृत्व मा सरपंच श्री गणेशशेठ पवळे यांच्या शिलेदारांनी विरोधी पॅनल चा दणदणीत पराभव करीत दहा सदस्य निवडून आणले.

राजकीय दृष्ट्या लक्ष लागलेल्या काळुस ग्रामपंचायत निवडणुकीत शिवसेनेच्या सौ ज्योती केशव आरगडे यांच्या पँनल ला धुवा उडवला त्यामध्ये निवडणुकीत भोंदूबाबा आणुन गावात विधी करणी कांड केल्याने व निष्क्रिय ठरलेल्या आरगडे यांच्या वर नाराजीने गावकऱ्यांनी भरपूर मताधिक्याने विजयी केलेल्या श्री गणेशशेठ पवळे पाटील यांच्या श्री काळेश्वर पँनलला कौल दिला .

जनतेच्या सुखदुःखात सहभागी होणारे श्री काळेश्वर पँनलचे दहा उमेदवारांना निवडून दिले.राजकिय दृष्टीने महत्त्वाचे समजणार्या गावात राष्ट्रवादी काँग्रेस पार्टी व आमदार दिलीपराव मोहिते पाटील यांच्या शिलेदारांनी केलेली जनतेची कामे पहाता एक ज्योती केशव आरगडे यांना चपराकच आहे.महीला राखिव जागा आलेने सौ धनश्री गणेश पवळे यांची सरपंच तर श्री बाळासाहेब तथा यशवंत रंगनाथ खैरे उपसरपंच पदी बिनविरोध निवड झाली आहे

नवनिर्वाचीत सरपंच सौ धनश्री गणेश पवळे यांनी गावच्या विकासासाठी कटिबद्ध राहून आरोग्य रस्ते विज पाणीपुरवठा याकडे लक्ष देणार असल्याचे सांगितले.निवडणुक अधिकारी म्हणुन श्री घुगे यांनी काम पाहिले तर सरपंच उपसरपंच पदासाठी एकमेव एक एक अर्ज आल्याने निवडणूक बिनविरोध झाल्याचे निवडणूक आधिकारी यांनी घोषित केले.

या निवडणुकीत श्री काळेश्वर ग्रामविकास पँनलच्या सर्वच कार्यकर्त्यानी मनापासून निवडणूक लढवली व जिंकली हा विजय मतदारांचा विजय आहे असे सरपंच धनश्री पवळे यांनी केले.

वाकळवाडीच्या सरपंचपदी मंगल कोरडे , उपसरपंचपदी जयसिंग पवळे

राजगुरूनगर : वाकळवाडीच्या (ता. खेड) सरपंचपदी मंगल महादू कोरडे यांची बिनविरोध निवड झाली, तर उपसरपंचपदी जयसिंग किसन पवळे यांची निवड झाली, जयसिंग पवळे यांनी आपल्या प्रतिस्पर्धी उमेदवारांचा चार विरुद्ध तीन अशा मतांनी पराभव केला.

वाकळवाडी ग्रामपंचायतीची सरपंच व उपसरपंचपदाची निवड ही निवडणुकीतूनच होणार हे स्पष्ट झाले होते. त्या नुसार गुरुवार ( ता. २५ ) रोजी ग्रामपंचायतीच्या कार्यालयात सरपंच व उपसरपंच निवडीची प्रक्रिया पार पडली. सकाळी उमेदवारी अर्ज दाखल करण्याच्या कालावधीत सरपंच पदासाठी मंगल महादू कोरडे यांचा एकमेव अर्ज दाखल झाल्याने त्यांची बिनविरोध निवड निवडणूक निर्णय अधिकाऱ्यांनी जाहीर केली . उपसरपंच पदासाठी जयसिंग किसन पवळे आणि रुपाली खुशाल पवळे यांनी उमेदवारी अर्ज दाखल केले. माघारीच्या काळात कोणीही माघार न घेतल्याने निवडणूक निर्णय अधिकारी अनिल दिवे यांच्या अधिपत्याखाली निवडणूक पार पडली.

 

यामध्ये जयसिंग पवळे यांनी रूपाली पवळे यांचा चार विरूद्ध तीन अशा मतांनी पराभव केला. सहायक अधिकारी म्हणून ग्रामसेविका अनिता आमराळे यांनी काम पाहिले. या निवडणुकीसाठी नवनिर्वाचीत सदस्य सोपान बबन भालेकर, शैला शशिकांत बांगर,कु.नरेंद्र संभाजी वाळुंज,कु.शिवराज्ञी धर्मराज पवळे उपस्थित होते.

विजयाची घोषणा होताच विजयी उमेदवारांच्या समर्थकांनी गूलाल व भंडाऱ्याची उधळण करत गावातून ग्रामप्रक्षिणा करत वाळकेश्वर महाराजांचे दर्शन घेतले.

… रमणकाका माळवदकर संघर्षमय आयुष्याची सांगता

नारायणगाव (किरण वाजगे)-

उत्तर पुणे जिल्ह्यातील महत्त्वाची बाजारपेठ तसेच ऐतिहासिक वारसा असलेल्या जुन्नर तालुक्यातील नारायणगाव शहरांमध्ये अनेक व्यक्तिमत्व आपल्या आदर्श कर्तुत्वामुळे नावारूपास आली त्यातील एक व्यक्ती म्हणजे स्वर्गीय रमेश दत्तात्रय माळवदकर हे होत.
स्व. रमेश माळवदकर उर्फ रमणकाका हे बालपणीच्या काळापासून ते अगदी आत्तापर्यंत म्हणजे वय वर्षे ७४ पर्यंत खडतर, संघर्षमय आयुष्य व्यथित करणारे सर्वोत्कृष्ट व्यक्तिमत्व होते. मनमिळावू, भोळा, विनम्र, सतत कार्यमग्न आणि पहिल्याच भेटीत सर्वांना आपलंसं करणारा स्वभाव ! याच स्वभावामुळे प्रचंड दांडगा अगदी घराघरात जिव्हाळ्याचा-आपुलकीचा संपर्क, सर्वांसोबत स्नेहाचे संबंध, प्रेम. बहीण भावंडापासून ते सर्व नातेवाईकांमध्ये-जनमाणसांत प्रसिद्ध, नारायणगावकरांच्या गळ्यातील ताईत म्हणजे सर्वांचे लाडके रमणकाका होत.

सुरुवातीपासूनच ज्येष्ठ बंधू कै. गजानन (भाऊ) माळवदकर यांच्या खांद्याला खांदा लावून भाऊंच्या सावलीसारखे त्यांच्या बरोबरीने रमणकाका उभे राहिले, बरोबरीने कष्ट केले. शेवट पर्यंत भाऊंचा शब्द हिच पूर्व दिशा मानून त्यांची अखंड सेवा केली. नारायणगावातील हनुमान चौक येथील ‘रमेश सुईंग मशीन‘ च्या माध्यमातून अखंडपणे शिवणकाम केले. त्याकाळात अगदी फोटोवरून कोट, जॅकेट, शर्ट-पँट तसेच ब्लाऊजचे काकांनी अनेक वर्षे शिवणकाम केले.

समाजसेवेची आवड जोपासताना, अनेकांची लग्ने जमवताना, अनेकांना नोकरी-धंद्याला जोडताना, सर्वांच्या सुखदुःखात सहभागी होताना अंतःकरणातून असलेली अध्यात्माची आवड सुद्धा काकांनी जोपासली. यामध्ये ‘हनुमान देवस्थान ट्रस्ट, हनुमान चौक‘ येथे कै. मुरलीधर (नाना) डेरे, श्री. बबन कानडे आणि तमाम सहकाऱ्यांच्या बरोबरीने तब्बल २५ वर्षे खजिनदार, उपाध्यक्ष ही पदे यशस्वीरित्या भूषविली. या माध्यमातून अतिशय चोख कारभाराद्वारे हनुमान देवस्थानची प्रामाणिकपणे, निस्पृहरित्या अखंड सेवा केली. तसेच ‘हरिस्वामी देवस्थान‘ च्या अगदी सुरुवातीच्या संस्थापक कमिटीमध्ये हिरीरीने संचालक म्हणून अनेक वर्षे काम पाहिले. उत्सवासाठी असणाऱ्या वर्गण्या असो वा देवस्थानच्या खोल्यांचे भाडे असो सर्व व्यवहार अगदी चोख पद्धतीने काकांनी पार पाडला. तसेच नारायणगाव पंचक्रोशीतील सर्वांची गुरुमाऊली परम पूजनीय अनंतघोष उर्फ मौनी बाबाजी हे रमणकाकांच्या गुरुस्थानी होते. त्याकाळात श्री. भैरवनाथ मंदिर, नारायणगाव येथे रमणकाका हे दिवाबत्ती करायला जात होते, तेव्हा त्याठिकाणी मौनी बाबाजी असताना बाबाजींना रमणकाका भजन ऐकून दाखवायचे. त्याचप्रमाणे तेव्हाच्या गावातील मंडळांच्या गणेशोत्सवात रमणकाकांचा आरती गायनात प्रामुख्याने सहभाग होता. हे सर्व सुरू असताना खऱ्या अर्थाने रमणकाकांच्या जीवनाला साथ मिळाली २ गोष्टींची. पहिली म्हणजे त्यांची पत्नी श्रीमती रजनी रमेश माळवदकर (वय ६८ वर्षे). खांद्याला खांदा लावून रमणकाकांची अखंड आयुष्यभर साथ दिली. संघर्षमय जीवनात मागे वळून न पाहता, येणाऱ्या प्रत्येक आव्हानांना, प्रत्येक संकटांना न हटता – न थांबता तोंड दिले.

जन्मतःच समाजसेवेची आवड असणाऱ्या रमणकाकांना दुसरी साथ मिळाली ती LIC ची. रमणकाकांनी चरितार्थाचे क्षेत्र सुद्धा असे निवडले की, ज्यामध्ये अहोरात्र, अखंडरुपी, खऱ्या अर्थाने समाज सेवा करता येईल. समाजसेवेरुपी हाती घेतलेल्या LIC एजंटच्या कार्यात रमणकाकांनी आपल्या आयुष्यातील सन १९८५ पासूनची आजतागायत तब्बल ३५ वर्षे अविरतपणे वाहिली. या सर्व कार्यात काकांना त्यांचे विकास अधिकारी शांताराम शेलार साहेब तसेच इतर विकास अधिकारी डी डी डोके साहेब, रघुनाथ काकडे साहेब व बाकी सर्व विकास अधिकारी, एजंट, आणि ऑफिस कर्मचाऱ्यांचे प्रचंड योगदान मिळाले. त्या काळात रमणकाका हे पहिल्या वहिल्या ५ एजंट पैकी एक होते. फक्त LIC एजंट असताना त्यांनी ३ मुलींची शिक्षणं, त्यांची लग्न तसेच मुलगा ओमकार याचे शिक्षण हे पार पाडले. मुलगा ओमकार याच्या भविष्यासाठी रमणकाकांनी प्रचंड कष्ट घेतले. त्यांच्या कष्टामुळेच ओमकार हा आज एक यशस्वी उद्योजक असून त्याने गेल्या १५ वर्षांपासून ‘स्वरसंजीवन’ नावाचा स्वतःचा, उत्तर पुणे जिल्ह्यातील पहिला अद्ययावत रेकॉर्डिंग स्टुडिओ यशस्वीपणे नावारुपास आणला आहे.

समाजसेवा, अध्यात्म, LIC चे कार्य सुरू असताना रमणकाकांनी तत्कालीन सरपंच व काकांचे परमस्नेही भीमराव खैरे, इरिगेशनचे श्री. जाधव साहेब तसेच के टी भोर यांच्या सहकार्याने खोडद रोड येथील बंधाऱ्याचे काम व अनेक रस्त्यांची कामे सुद्धा यशस्वीरित्या पार पाडली.

आयुष्यभर खडतर संघर्ष असताना सुद्धा नेहमी आनंदाची उधळण करणाऱ्या रमणकाकांचे ८ फेब्रुवारी २०२१ रोजी पुणे येथे अल्पशा आजाराने दुःखद निधन झाले. त्याच्या मागे पत्नी, ३ मुली, १ मुलगा, सून आणि नातवंडे आहेत.

जी हृदयात राहत होती ती एक मूर्ती होती,
जी जगण्याची प्रेरणा देत होती ती एक कीर्ती होती,

ती पवित्र मूर्ती म्हणजे ‘रमणकाका’..!
आज त्यांचा मोलाचा सहवास हरवला, त्यांच्या अचानक जाण्याने आप्त स्वकीय सारे पोरके झाले. ईश्वर त्यांच्या आत्म्यास चिरशांती देवो हीच प्रार्थना..!

शून्यातून विश्व नमुनी, अमर जाहले जीवनी”
स्वर्गीय ‘रमणकाका माळवदकर’ या पुन्हा परतूनी..!

रेटवडी ग्रामपंचायतीच्या सरपंचपदी गौरी पवार ; उपसरपंचपदी निलम हिंगे यांची बिनविरोध निवड

राजगुरूनगर- रेटवडी ( ता. खेड ) ग्रामपंचायतीच्या सरपंचपदी सौ गौरी नवनाथ पवार तर उपसरपंचपदी सौ निलम सुभाष हिंगे यांची बिनविरोध निवड करण्यात आली.रेटवडी ग्रामस्थांनी आपल्या गावाचा गावकारभाऱ करण्यासाठी नवीन सदस्यांना संधी दिली होती व अकरा जागांपैकी आठ जागा बिनविरोध निवडून दिले होते

सरपंच व उपसरपंचपदाची निवडणूक बुधवार ( ता. 24 ) रोजी ग्रामपंचायतीच्या कार्यालयात झालेल्या निवडणूकीसाठी सरपंच पदासाठी सौ गौरी नवनाथ पवार यांनी तर उपसरपंच पदासाठी सौ निलम सुभाष हिंगे यांनी आपले उमेदवारी अर्ज दाखल केले. मात्र अर्ज भरण्याच्या मुदतीत दोन्ही जागांसाठी प्रत्येकी एकच उमेदवारी अर्ज आल्याने निवडणूक निर्णय अधिकारी श्री संतोष रोडे यांनी सरपंचपदी सौ गौरी पवार व उपसरपंच पदी सौ निलम हिंगे या उमेदवारांची बिनविरोध निवडीची घोषणा केली. त्यावेळी ग्रामपंचायत सदस्य श्री दिलीप डुबे ,श्री किरण पवार , श्री शांताराम शिंदे ,सौ सुनंदा पवार ,सौ माया थिटे उपस्थित होते.

तसेच ग्रामविकास अधिकारी श्री आर टी सात्रस , तलाठी भाऊसाहेब श्री आरदवड , पोलीस अधिकारी घोडे साहेब , पोलीस पाटील उत्तमराव खंडागळे , तंटामुक्ती अध्यक्ष मंगेश वाबळे ,मा उपसरपंच नवनाथ पवार ,सुभाष हिंगे , अतुल थिटे , राजू जाधव , अनिल पवार ,शंकर काळे , शरद वाबळे , संजय हिंगे , विलास थिटे , रामदास रेटवडे ,माणिक रेटवडे ,चेअरमन संतोष डुबे , निवृत्ती पवळे , विलास पवार , संजय पवार , कैलास हिंगे ,सतीश वाबळे , युवराज गोपाळे ,विलास पवळे ,रामदास देशमुख , चेअरमन सुरेश रेटवडे ,योगेश रेटवडे , चंद्रकांत पवळे व इतर अनेक ग्रामस्थ उपस्थित होते .सरपंच व उपसरपंच यांच्या निवडीनंतर सर्व ग्रामस्थांच्या वतीने त्यांचा श्री रोकडोबा महाराजांच्या मंदिरात सत्कार करण्यात आला

गोसासी ग्रामपंचायतीच्या सरपंचपदी संतोष गोरडे तर उपसरपंचपदी धोंडीभाऊ शिंदे यांची बिनविरोध निवड

राजगुरूनगर- गोसासी ( ता.खेड) ग्रामपंचायतीच्या सरपंचपदी संतोष अनंता गोरडे तर उपसरपंचपदी धोंडीभाऊ बाळू शिंदे यांची बिनविरोध निवड झाली.

यावेळी नारायण गणपत पुरी,कल्याणी संदिप गोगावले, एकनाथ लक्ष्मण गोरडे, अश्विनी गोरक्ष गोरडे,सारिका अमर गोरडे,बायडा बाई कचरू पडवळ,निर्मला विठ्ठल गोरडे हे सर्व ग्रामपंचायत सदस्य उपस्थित होते.निवडणूक निर्णय अधिकारी म्हणून व्ही जी विटे यांनी काम पाहिले,ग्रामसेवक अजित पलांडे ,तलाठी प्रतिभा कसबे यांचे त्यांना सहकार्य लाभले.

शिरुर नगरपरिषदेच्या बांधकाम समितीच्या सभापतीपदी अभिजीत पाचर्णे

अमोल भोसले,उरुळी कांचन

शिरुर नगरपरिषद विविध विषय समित्यांच्या सभापती पदाची बिनविरोध निवड करण्यात आली. सभागृहनेते प्रकाश धारिवाल व नगराध्यक्षा वैशाली वाखारे यांच्या हस्ते नवनिर्वाचित सभापतींचा सत्कार करण्यात आला.

शिरुर नगर परिषदेवर शिरूर शहर विकास आघाडीची सत्ता आहे. विकास आघाडीच्या बैठकीत सभापती पदाच्या नावांची निवड करण्यात आली. यानुसार आज झालेल्या निवडणूक प्रक्रिया दरम्यान अर्ज दाखल करण्यात आले.

विविध विषय समित्यांच्या सभापतीपदासाठी एकमेव अर्ज दाखल झाल्याने निवडणूक निर्णय अधिकारी लैला शेख यांनी बिनविरोध निवड जाहीर केली.उल्लेखनीय काम केल्याबद्दल धारिवाल यांनी स्वच्छता वैद्यकीय व सार्वजनिक आरोग्य व पाणीपुरवठा जलविकास व विद्युत समितीच्या सभापतीपदी अनुक्रमे विठ्ठल पवार व मुजफ्फर कुरेशी यांना पुन्हा संधी दिली. पवार यांना तिसऱ्यांदा तर कुरेशी यांना दुसऱ्यांदा सभापतीपद बहाल करण्यात आले आहे. मुख्याधिकारी महेश रोकडे, नवनिर्वाचित सभापती, सदस्यांसह नगरसेवक मंगेश खांडरे, निलेश गाडेकर आदी यावेळी उपस्थित होते.

समिती,सभापती व सदस्यांची नावे पुढील प्रमाणे
नियोजन व विकास समिती सभापती – प्रकाश रसिकलाल धारीवाल. सदस्य – विजय बालचंद दुगड, संजय दत्तात्रय देशमुख, उज्वला वैभव वारे, नितीन मच्छिंद्र पाचरणे,सार्वजनिक बांधकाम समिती, सभापती – अभिजीत गणेश पाचर्णे. सदस्य, संगीता महेंद्र मल्लाव, विनोद प्रकाश भालेराव, संजय दत्तात्रय देशमुख, नितीन मच्छिंद्र पाचर्णे. स्वच्छता, वैद्यकीय व सार्वजनिक आरोग्य समिती, सभापती – विठ्ठल प्रभू पवार. सदस्य, उज्वला अभय बरमेचा, मनीषा यशोधन कालेवार, पूजा निलेश जाधव, संदीप ज्ञानदेव गायकवाड.पाणीपुरवठा जलविकास व विद्युत समिती सभापती- मुजफ्फर यासीन कुरेशी. सदस्य, विजय बालचंद दुगड, सुरेखा संतोष शितोळे, सुनीता पोपट कुरंदळे, संदीप ज्ञानदेव गायकवाड. शिक्षण समिती सभापती – सचिन गुलाब धाडीवाल. सदस्य, रोहिणी किरण बनकर,उज्वला अभय बरमेचा, संगीता महेंद्र मल्लाव,नितीन मच्छिंद्र पाचर्णे,महिला व बालकल्याण समिती सभापती – ज्योती चंद्रकांत लोखंडे उपसभापती अंजली मयुर थोरात. सदस्य – मनीषा यशोधन कालेवार, सुरेखा संतोष शितोळे, रोहिणी किरण बनकर, संदीप ज्ञानदेव गायकवाड.

दावडीच्या सरपंचपदी संभाजी घारे उपसरपंचपदी राहुल कदम यांची बिनविरोध निवड

राजगुरूनगर- खेड तालुक्यातील राजकीय दृष्ट्या महत्त्वाचे असलेल्या दावडी ग्रामपंचायतीच्या सरपंचपदी संभाजी घारे, तर उपसरपंचपदी राहुल कदम यांची बिनविरोध निवड करण्यात आली आहे.

या वेळी नवनिर्वाचित सदस्य राणी डुंबरे पाटील, माधुरी खेसे, पुष्पा होरे, धनश्री कान्हुरकर, अनिल नेटके, संतोष सातपुते यांच्यासह श्री महालक्ष्मी ग्रामविकास परिवर्तन पॅनेलचे प्रमुख सचिन नवले, माजी सरपंच सुरेश डुंबरे पाटील, भाऊसाहेब होरे, मारुती बोत्रे, साहेबराव दुंडे, हिरामण खेसे, तुकाराम गाडगे, संतोष गावडे, केरभाऊ म्हसाडे, पांडुरंग दुंडे, रुपेश घारे, संगीता होरे, ऋषिकेश बेल्हेकर, राहुल सातपुते, बाळासाहेब कान्हूरकर, रामदास बोत्रे, अतुल सातपुते, उपस्थित होते.

निवडणूक निर्णय अधिकारी म्हणून सीताराम तुरे यांनी काम पाहिले. निवडणूक प्रक्रियेसाठी तलाठी सतीश शेळके, ग्रामसेवक तानाजी इसवे, पोलिस पाटील आत्माराम डुंबरे पाटील, बिट अंमलदार पोलिस संतोष मोरे यांनी सहकार्य केले.

दावडीच्या सरपंचपदी संभाजी घारे उपसरपंचपदी राहुल कदम यांची बिनविरोध निवड

राजगुरूनगर- खेड तालुक्यातील दावडी ग्रामपंचायतीच्या सरपंचपदी संभाजी घारे, तर उपसरपंचपदी राहुल कदम यांची बिनविरोध निवड करण्यात आली आहे.

या वेळी नवनिर्वाचित सदस्य राणी डुंबरे पाटील, माधुरी खेसे, पुष्पा होरे, धनश्री कान्हुरकर, अनिल नेटके, संतोष सातपुते यांच्यासह श्री महालक्ष्मी ग्रामविकास परिवर्तन पॅनेलचे प्रमुख सचिन नवले, माजी सरपंच सुरेश डुंबरे पाटील, भाऊसाहेब होरे, मारुती बोत्रे, साहेबराव दुंडे, हिरामण खेसे, तुकाराम गाडगे, संतोष गावडे, केरभाऊ म्हसाडे, पांडुरंग दुंडे, रुपेश घारे, संगीता होरे, ऋषिकेश बेल्हेकर, राहुल सातपुते, बाळासाहेब कान्हूरकर, रामदास बोत्रे, अतुल सातपुते, उपस्थित होते.

निवडणूक निर्णय अधिकारी म्हणून सीताराम तुरे यांनी काम पाहिले. निवडणूक प्रक्रियेसाठी तलाठी सतीश शेळके, ग्रामसेवक तानाजी इसवे, पोलिस पाटील आत्माराम डुंबरे पाटील, बिट अंमलदार पोलिस संतोष मोरे यांनी सहकार्य केले.

कनेरसर ग्रामपंचायतीच्या सरपंचपदी सुनीता केदारी यांची बिनविरोध निवड

राजगुरूनगर- कनेरसर (ता. खेड) येथील ग्रामपंचायतीच्या सरपंच पदी कुलस्वामिनी ग्रामविकास पॅनेलच्या सुनीता दत्तात्रय केदारी यांची बिनविरोध निवड झाली आहे. अनुसूचित जमाती साठी सरपंच पद राखीव व त्या प्रवर्गातील केदारी या एकमेव सदस्य होत्या.निवडणूक निर्णय अधिकारी म्हणून संजय जमदाडे यांनी काम पाहिले.

कुलस्वामिनी ग्रामविकास पॅनेलचे ग्रामपंचायत सदस्य उमेश दौंडकर, सीमा दौंडकर, सुरेखा दौंडकर, रेश्मा म्हसुडगे यावेळी उपस्थित होते.

यावेळी सरंपचपदी निवड झाल्याबद्दल ग्रामस्थांचे वतीने दिलीपराव माशेरे,जवाहर दौंडकर, प्रशांत म्हसुडगे यांनी सौ.सुनीता केदारी यांचा सत्कार केला.

 यमाई देवी मंदिरात सभा झाली.सरपंच केदारी यांनी गावच्या विकासासाठी कार्यरत राहिल अशी ग्वाही दिली. माजी उपसरपंच जवाहर दौंडकर यांनी स्वागत केले तर माजी ग्रामपंचायत सदस्य दिलीपराव माशेरे यांनी आभार मानले.

कुलस्वामिनी ग्रामविकास पॅनेलचे बापु दौंडकर, सुहास दौंडकर ,कार्यकर्ते तसेच ग्रामस्थ मोठ्या संख्येने उपस्थित होते.सरपंचपद कुलस्वामिनी ग्रामविकास पॅनेलला मिळाल्याने सत्तेची सूत्रे हाती आली असून ग्रामस्थांची विकासाची अपेक्षापूर्ती झाली पाहिजे.

कमान ग्रामपंचायतीच्या सरपंचपदी योगेश नाईकरे ; उपसरपंचपदी मोनिका नाईकरे यांची बिनविरोध निवड

राजगुरूनगर- कमान ( ता. खेड ) ग्रामपंचायतीच्या सरपंचपदी भैरवनाथ ग्रामविकास जनसेवा पॅनेलचे योगेश पोपट नाईकरे तर उपसरपंचपदी मोनिका विश्वनाथ नाईकरे यांची बिनविरोध निवड करण्यात आली. कमान ग्रामस्थांनी आपल्या गावाचा गावकारभाऱ करण्यासाठी नवीन सदस्यांना संधी दिली होती व निवडणूकही जोमात झाली होती.

सरपंच व उपसरपंचपदाची निवड हि निवडणुकीतूनच होणार असे संकेत होते व त्याप्रमाणे झालेही तसेच. बुधवार ता. 24 रोजी ग्रामपंचायतीच्या कार्यालयात झालेल्या निवडणूकीसाठी सरपंच पदासाठी योगेश पोपट नाईकरे व अमोल ज्ञानेश्र्वर नाईकरे यांनी तर उपसरपंच पदासाठी मोनिका विश्र्वनाथ नाईकरे व अश्विनी बाजीराव नाईकरे यांनी आपले उमेदवारी अर्ज दाखल केले. मात्र माघारीच्या मुदतीत अमोल नाईकरे व अश्विनी नाईकरे यांनी आपले उमेदवारी अर्ज मागे घेतल्याने निवडणूक निर्णय अधिकारी प्रकाश नामदेव पवार यांनी सरपंचपदी योगेश नाईकरे व उपसरपंच पदी मोनिका नाईकरे या उमेदवारांची बिनविरोध निवडीची घोषणा केली.

या वेळी वरील उमेदवारांसह नवनिर्वाचीत सदस्य सतिष बबनराव नाईकरे, मच्छिंद्र गोपाळ रोकडे, पुष्पा तान्हाजी नाईकरे, इंदुबाई गणेश नाईकरे व सुनिता राजेंद्र निर्मळ हे सर्व सदस्य उपस्थीत होते. सहाय्यक निवडणूक निर्णय अधिकारी म्हणून ग्रामसेवक रविंद्र पाटिल यांनी काम पाहिले. उपस्थीत ग्रामस्थांनी पुष्पवर्षाव करत आनंद व्यकत् केला. यावेळी फौजी सुनिल नाईकरे, सुरेश नाईकरे, भरत नाईकरे, संदिप मुळूक, अशोक नाईकरे, भानुदास नाईकरे, गोविंद रोकडे, नामदेव जाधव, हरिभाऊ नाईकरे, वैभव नाईकरे, दामोधर नाईकरे यांसह नागरिक उपस्थित होते. खेड पोलीस स्टेशनचे ए. पी. वंजारी यांनी चोख बंदोबस्त ठेवला होता.

20,829FansLike
0FollowersFollow
68,557FollowersFollow
0SubscribersSubscribe