उरुळी कांचन

पूर्व हवेली तालुक्यातील सोरतापवाडी गावातील सुदर्शन युवा मित्र मंडळ आयोजित ‘सोरतापवाडी गणेश फेस्टिवल’चे उद्घाटन आमदार राहूलदादा कुल, आमदार रामभाऊजी सातपुते, पुणे जिल्हा मध्यवर्ती सहकारी बँकचे संचालक प्रदीपदादा कंद यांच्या प्रमूख उपस्थिती मध्ये मोठ्या उत्साहात पार पडले. स्वागत समारंभाच्या प्रास्ताविक भाषणात मंडळाची पार्श्वभूमी व वाटचाल याबद्दल सर्व मान्यवरांना माहिती दिली.

हरित अभियान, स्वच्छता अभियान, विकासकामे, सामाजिक आणि पक्षीय कामे, पुणे कृषि उत्पन्न बाजार समितीतील नव्याने मिळालेले पद व भविष्यातील जबाबदारी सोबत सोरतापवाडी गावाला नर्सरी क्लस्टर & हब बनविण्याबाबतचा परामर्श आणि मांडणी प्रास्ताविक भाषणात कार्यक्रमाचे आयोजक हवेली तालुका कृषी उत्पन्न बाजार समितीचे संचालक सुदर्शन चौधरी यांनी केली. यावेळी पुणे जिल्हा मध्यवर्ती सहकारी बँकचे संचालक प्रदीपदादा कंद, आमदार आमदार रामभाऊजी सातपुते, आमदार राहुलदादा कुल यांनी मनोगत व्यक्त केले.

या कार्यक्रमप्रसंगी हवेली तालुका कृषी उत्पन्न बाजार समितीचे उपसभापती रविंद्रजी कंद, संचालक प्रकाशदादा जगताप, रोहीदासशेठ उंद्रे, राजारामदादा कांचन, प्रशांतदादा काळभोर, लक्ष्मण केसकर, मा.जि.प.सदस्य महादेवजी कांचन, नानासाहेब आबनावे, मा.सरपंच मिलिंदनाना हरगुडे, मा.सदस्य पु.जि.नि.समिती संतोषजी कांचन, भारतीय जनता पार्टीचे पुणे जिल्हा सरचिटणीस राहूलजी शेवाळे, भाजपचे तालुका अध्यक्ष शामभाऊ गावडे, भाजप महिला आघाडीच्या जिल्हा अध्यक्ष पुनम चौधरी, जयप्रकाश बेदरे, स्वप्नील उंद्रे, अमोल शिवले, पूर्व हवेली तालुक्यातील विविध गावचे सरपंच, उपसरपंच, ग्रामपंचायत सदस्य, विविध विकास कार्यकारी सेवा सोसायटी चेअरमन, व्हाईस चेअरमन, संचालक, आजी माजी पदाधिकारी, महिला वर्ग, तरुण वर्ग, सह सर्व सहकारी, पक्ष पदाधिकारी सोबत मित्र परिवार आणि परिसरातील नागरिक मोठ्या प्रमाणात उपस्थित होते.

कॉमेडी तडका होम मिनिस्टर खेळ पैठणीचा, महाराष्ट्र माझा लोकधारा, मोरुची मावशी नाटक, शिवलिलाताई पाटील यांचे कीर्तन, डान्स व मिमिक्री स्पर्धा, झंकार अंक्रिस्ट्रा, प्रेम करावं पण जपून नाटक, शिवानीचा नाद खुळा लावणी, सत्यनारायण महापुजा असे भरगच्च कार्यक्रम संपन्न होणार असल्याची माहिती सुदर्शन युवा मित्र मंडळचे अध्यक्ष सुहास चौधरी यांनी सांगितले.

उरुळी कांचन

पुणे जिल्हा नियोजन समितीचे सदस्य अलंकार बाळासाहेब कांचन यांच्या वाढदिवसानिमित्त विविध कार्यक्रमाचे आयोजन करण्यात आले होते. विध्यर्थी व पालकांचा उत्स्फूर्त प्रतिसाद लाभला. हवेली तालुका शिवसेना युवा नेते पुणे जिल्हा नियोजन समितीचे सदस्य व उरुळी कांचन तंटामुक्ती समितीचे अध्यक्ष अलंकार कांचन पाटील यांच्या वाढदिवसानिमित्त अलंकार कांचन मित्रपरिवाराच्यावतीने उरुळी कांचन येथील शाळेमध्ये त्यामध्ये एंजल इंग्लिश मीडियम स्कूल, स्वामी विवेकानंद विद्यामंदिर, स्वामी विवेकानंद इंग्लिश मीडियम स्कूल, उन्नती कन्या विद्यालय, डॉ सायरस पुनावाला इंग्लिश मीडियम स्कूल, आदर्श प्री प्रायमरी स्कूल, किलबिल प्री प्रायमरी स्कूल, बटरफ्लाय प्री प्रायमरी स्कूल, किड्स प्लॅनेट प्राइमरी स्कूल या शाळेमधील तीन गटांमध्ये चित्रकला स्पर्धेचे आयोजन करण्यात आलं होतं. या स्पर्धेमध्ये सहाहजार हुन जास्त विद्यार्थ्यांनी स्पर्धेत सहभाग घेतला होता.

विजेत्या विद्यार्थी स्पर्धकांना आकर्षक बक्षिसे देण्यात आली. बक्षीस वितरणाच्या कार्यक्रमाला मोठया संख्येने विद्यार्थी व पालक व शिक्षक उपस्थित होते.

महावीर मूकबधिर निवासी शाळेत खाऊ वाटप बोरमलनाथ गोशाळा येथे चारा वाटप करण्यात आले. उरुळी कांचन येथील नागरिकांची होत असलेली गैरसोयी पाहता महा-ई-सेवा केंद्र चे उद्घाटन माजी सरपंच संतोष हरिभाऊ कांचन यांच्या हस्ते करून आज वाढदिवसानिमित्त नवीन आधार कार्ड नोंदणी व दुरुस्ती चा कॅम्प घेण्यात आला.

उद्घाटन कार्यक्रमाप्रसंगी डॉ मणिभाई देसाई पतसंस्थेचे सल्लागार संतोष कांचन, सरपंच भाऊसाहेब कांचन, उपसरपंच सिमा कांचन, ग्रामपंचायत सदस्य राजेंद्र कांचन, अमित कांचन, शंकर बडेकर, युवराज कांचन, सुनिल दत्तात्रय कांचन, आदित्य कांचन, सागर कांचन, सुभाष टिळेकर, ग्रामविकास अधिकारी, सर्कल मॅडम नूरजहाँ सय्यद, तलाठी भाऊसाहेब व कर्मचारी व अलंकार कांचन पाटील मित्र परिवार तालुक्यातील शिवसेना पदाधिकारी पंचक्रोशीतील नागरिक व तरुण सहकारी मोठ्या संख्येने उपस्थित होते.

नारायणगाव :- (किरण वाजगे

छत्रपती शिवाजी महाराजांचा जगातील सर्वात मोठा पुतळा तथा स्मारक हे जुन्नर तालुक्यात उभारणार असल्याची घोषणा माजी आमदार शरद सोनवणे यांनी आज पिंपळवंडी येथील त्यांच्या रायगड या कार्यालयात केली.येथे झालेल्या पत्रकार परिषदेत बोलताना त्यांनी पत्रकारांच्या विविध प्रश्नांना उत्तरे दिली. यानुसार येत्या २९ सप्टेंबर रोजी आपण ज्या पद्धतीने सोशल मीडिया द्वारे म्हणजे समाज माध्यमांद्वारे काहीतरी मोठी घोषणा करणार असल्याचे बोलले होते. ती हीच घोषणा होती का असे विचारताच एकूण चार मोठ्या घोषणा आपण २९ तारखेला करणार होतो त्यातील फक्त एकच छत्रपती शिवाजी महाराजांच्या जगातील सर्वात मोठ्या पुतळा उभारण्याची घोषणा आज केली आहे. तसेच उर्वरित तीन महत्त्वपूर्ण व मोठ्या घोषणा २९ सप्टेंबर रोजीच करील असे त्यांनी म्हटले आहे.

या घोषणेनंतर शिरूर लोकसभा मतदार संघाचे खासदार डॉ अमोल कोल्हे तसेच जुन्नर तालुक्याच्या राजकारणात महत्त्वाची भूमिका निभावणारे व शेतकऱ्यांचे जीवनमान उंचावणारे विघ्नहर सहकारी साखर कारखान्याचे चेअरमन सत्यशील शेरकर यांनी आमदार शरद सोनवणे यांच्या घोषणेचे स्वागत केले आहे. खासदार कोल्हे यांनी सोशल मीडियाद्वारे पोस्ट शेअर करून “जुन्नर चे माजी आमदार शरद दादा सोनवणे यांनी छत्रपती शिवाजी महाराजांच्या जगातील सर्वात उंच पुतळा उभारण्याच्या केलेल्या घोषणेचे आपण स्वागत करतो, या शिवकार्यात शिवजन्मभूमीचा मावळा म्हणून सदैव सहकार्य आणि साथ असेल” असं त्यांनी आपल्या पोस्टमध्ये म्हटलं आहे.

तर चेअरमन सत्यशील शेरकर यांनी “ही शान कोणाची फक्त आमच्या शिवबांची” असे म्हणून “किल्ले शिवनेरीच्या पायथ्याशी छत्रपती शिवाजी महाराजांचा जगातील सर्वात उंच पुतळा उभारण्याची अतुलनीय अलौकिक अद्वितीय अशी घोषणा माजी आमदार शरद सोनवणे यांनी केली, याचे एक शिवभक्त म्हणून मी स्वागत करतो” अशा प्रकारची पोस्ट सत्यशील शेरकर यांनी सोशल मीडियावर केली आहे.
दरम्यान विद्यमान आमदार अतुल बेनके यांनी शरद सोनवणे यांच्या भूमिकेवर आपले मत व्यक्त केले नाही. त्यांना संपर्क करण्याचा प्रयत्न केला असता संपर्क होऊ शकला नाही.

 योगेश राऊत ,पाटस

ड्रॉप रो बॉल असोसिएशन ऑफ महाराष्ट्र स्पर्धेचे आयोजन नांदवळ गणेश कृपा हॉल ता. कोरेगाव जि. सातारा या ठिकाणी संपन्न झाल्या. या राज्यस्तरीय ड्रॉप रोबॉल स्पर्धेसाठी सातारासह पुणे अहमदनगर ,भंडारा, हिंगोली, संभाजीनगर ,ठाणे ,सांगली कोल्हापूर ,सोलापूर या जिल्ह्यातील खेळाडू सहभागी झाले होते यासाठी एकूण 275 विद्यार्थी उपस्थित होते अशी माहिती प्रा कैलास महानोर यांनी दिली.

यशस्वी विद्यार्थी पुढीलप्रमाणे
१)श्रुती सुधीर टेंगले जवाहरलाल इंग्लिश मीडियम स्कूल रौप्य पदक २) कार्तिकी प्रदीप वाघमोडे शिवा व्हॅली स्कूल रौप्य पदक ३) पूर्वा कैलास महानोर मनोरमा मेमोरियल स्कूल ४) आदित्य संदीप शेळके जवाहरलाल इंग्लिश मीडियम स्कूल रौप्य पदक ५) निरंजन महेंद्र हंडाळ जवाहरलाल इंग्लिश मीडियम स्कूल कास्यपदक ६) आयुष सोनबा हंडाळ जवाहरलाल इंग्लिश मीडियम स्कूल कास्यपदक या सर्व खेळाडूंना प्रा.कैलास महानोर ,स्वप्निल भागवत सर, सचिन राऊत, सौ. रेखा महानोर यांचे मार्गदर्शन लाभले. तसेच या खेळाडूंची दिल्ली या ठिकाणी होणाऱ्या नॅशनल स्पर्धेसाठी निवड करण्यात आली