सिताराम काळे, घोडेगाव

– सांडपाणी व घनकचरा व्यवस्थापनाचा प्रश्न सर्वांनाच काळजीत टाकणारा आहे. समस्येचे निराकरण करण्यासाठी प्रत्येकाने स्वच्छतेचे प्रेरक म्हणून भूमिका पार पाडावी. तसेच ग्रामपंचायत पातळीवर या संदर्भामध्ये उपाययोजना करण्यात यावी अशी सुचना यावेळी पंचायत समिती सभापती संजय गवारी यांनी केली.

पंचायत समिती आंबेगाव येथील सभागृहात तालुक्यातील सरपंच, ग्रामसेवक यांचे एकदिवशीय सांडपाणी व घनकचरा व्यवस्थापन कार्यशाळेचे आयोजन करण्यात आले होते. त्यावेळी पंचायत समिती सभापती संजय गवारी बोलत होते. याप्रसंगी पंचायत समिती सदस्य राजाराम बाणखेले, गटविकास अधिकारी जालींदर पठारे, सहायक गटविकास अधिकारी जे. के. लहामटे, मेघा येडे, इनोरा कंपनीच्या समन्वयक नुतन भाजेकर, घनकचरा व सांडपाणी व्यवस्थापन तज्ञ प्रविण खंडागळे, गटसंसाधन केंद्राचे तालुका समन्वयक पंकज चौधरी, विस्तार अधिकारी हुजरे आदिंनी सांडपाणी व घनकचरा व्यवस्थापनाच्या विविध पैलुंवर चर्चा केली.

गटविकास अधिकारी जालींदर पठारे म्हणाले, शाश्वत स्वच्छतेचे वातावरण निर्माण करण्यासाठी शौचालयाच्या नियमित वापरासह गावस्तरावर सांडपाणी व घनकच-याचे शास्त्रोक्त पध्दतीने व्यवस्थापन करणे काळाची गरज असल्याचे सांगितले.

चाकण- खेड तालुक्यातील ग्रामपंचायतीचे सरपंचपद सर्वसाधारण जागेसाठी राखीव होते. सरपंचपदासाठी   भरत तरस व उपसरपंच पदासाठी संदिप बाळासाहेब पवार यांचे एकमेव अर्ज आल्याने सरपंचपदी भरत तरस तर उपसरपंचपदी संदिप पवार यांची बिनविरोध निवड झाल्याने सावरदरी ग्रामपंचायतीवर महाराष्ट्र नवनिर्माण सेनेचा झेंडा फडकला.

सावरदरी ग्रामपंचायतीच्या निवडणुकीत गोंधळजाई परिवर्तन पॅनलने ७-० ने निवडणूक जिंकत २५ वर्षांचे सत्ता परिवर्तन केले होते.

सावरदरी ग्रामस्थांनी नवनिर्वाचित सरपंच, उपसरपंच व सदस्यांचा सन्मान सोहळा आयोजित केला होता.

निवडणूक निर्णय अधिकारी म्हणून बी. जे. मांदळे व ग्रामसेवक पी. ए. आत्तार यांनी सहायक म्हणून काम पाहिले.

पुणे शहर भाजपाची कार्यकारिणी व सर्वसाधारण सभा (दि 22 )  रोजी भाजप शहर कार्यालय जे एम रोड पुणे याठिकाणी जाहीर करण्यात आली. गेल्या विधानसभा 2019 निवडणूकीत भारतीय जनता पार्टी मध्ये स्वाती सावंत यांनी प्रवेश केला होता तसेच पार्टीमध्ये सर्कीय कार्यक्रर्त्या म्हणून काम करत आहेत. पार्टीने शहर कमिटी मध्ये दखल घेऊन त्यांना महिला मोर्चा- शिक्षक शहरअध्यक्ष हि जबाबदारी दिली आहे.

सौ. स्वाती सावंत ह्या अनेक सामाजिक संस्था मध्ये गेल्या अनेक वर्षापासुन सामाजिक कामात सर्कीय आहे, पती ॲड. संजय सावंत पाटील यांच्या कडे पुणे जिल्हा कायदा आघाडी- जिल्हाअध्यक्ष पदाची जबाबदारी आहे तसेच ॲड. संजय सावंत हे गेली 15 वर्षे सामाजिक क्षेत्रात सक्रिय असतात त्यांच्या सोबत सौ. स्वाती सावंत कायमच वेगवेगळ्या सामाजिक कार्यात सहभागी होतात.

सौ. स्वाती सावंत यांनी सभेला संबोधले व सर्वाना विश्वास दिला पक्ष संघटन वाढवत आसताना येणाऱ्या महानगरपालिका निवडणूकीच्या पार्श्वभूमी वर मोठ्या प्रमाणात महिला शिक्षकांचे संघटन करु आशी ग्वाही दिली. तसेच पुढील काळात सर्व शिक्षकांच्या समस्या व सुविधा साठी सरकार कडुन न्याय मिळवुण देण्याचा प्रयत्न करु.

पुणे शहर भाजपाची कार्यकारिणी शहर कार्यालय याठिकाणी जाहीर करण्यात आली. प्रमुख कार्यकारीणी, मोर्चा अध्यक्ष व सरचिटणीस तसेच आघाड्यांचे संयोजक व सहसंयोजक, शहर व जिल्हा कार्यकारणी सदस्य, विशेष निमंञित यांना नियुक्तीपत्र देण्यात आली.

याप्रसंगी पुण्यनगरी चे भारतीय जनता पार्टी शहर अध्यक्ष मा.आमदार जगदीशजी मुळीक, उपाध्यक्ष मा.धनंजय जाधव, उपाध्यक्ष डाँ श्रीपाद ढेकणे, महाराष्ट्र प्रदेश उपाध्यक्ष महिला मोर्चा प्रणिताताई चिखलीकर तसेच पुणे शहर संपुर्ण कमिटी, महिला मोर्चा अध्यक्षा स्थायी समिती सदस्य अर्चनाताई पाटील, वडगाव शेरी विधानसभा अध्यक्ष मा. संतोष खांदवे, पुणे शहराचे सर्वच विधानसभा मतदारसंघाचे अध्यक्ष उपस्थित होते, इत्तर मान्यवरांच्या उपस्थित कार्यक्रम पार पडला..

सोमनाथ टोपे,चाकण: खेड तालुक्यातील मोई येथील भैरवनाथ विविध कार्यकारी सहकारी सोसायटीच्या तज्ञ संचालकपदी खेड तालुका राष्ट्रवादी काँग्रेसचे उपाध्यक्ष श्री मारुती एकनाथ येळवंडे व विशाल गवारी यांची निवड करण्यात आली.

सोसायटीचे नवनिर्वाचित अध्यक्ष पै समीरदादा गवारे यांच्या अध्यक्षतेखाली तज्ञ संचालक निवडण्यात आले. या वेळी सोसायटीचे ह्यईसचेयरमन व संस्थेचे सर्व संचालक यांच्या हस्ते दोन्ही संचालकांचा सत्कार करण्यात आला.

या कार्यक्रमाच्या वेळी भाजपाचे नेते व आदर्श गाव मोईचे माजी आदर्श सरपंच राहुलदादा गवारे , ग्रामपंचायत सदस्य किरण गवारे गोरखबाप्पू गवारे , ग्रामपंचायत सदस्य व उद्योजक देविदास मेदनकर गावातील असंख्य तरुण वर्ग कोरोनाचे सर्व नियम पाळून उपस्थित होते. सोसायटीच्या दोन्ही तज्ञ संचालकांचा निवडीबद्दल आदर्श गाव मोई ग्रामस्थांच्या वतीने सचिव निलेश देशमुख यांच्या मार्गदर्शनाखाली सत्कार करण्यात आला.

राजगुरूनगर- या वर्षी कोरोना महामारीच्या पार्श्वभूमीवर राजगुरुनगर व पुणे च्या दुबईतील शिवरायांच्या मावळ्यांनी “शिवराय मनामनात, शिवजयंती घराघरात” शिवजयंती साजरी करण्यात आली होती .

शिवराय मनामनात, शिवजयंती घराघरात’ हा कार्यक्रम दुबई मधे आयोजन केले प्रत्येकाने घरोघरी मावळ्यांनी व शिवभक्तांनी आनंदाने शिवजयंती साजरी केली .

यामध्ये साईनाथ मांजरे, संदीप कड, अमोल थिगळे , रघुनाथ संगळे पाटील ,अनवर खान, हरीश दौडकर ,दादा पवळे ,विशाल ढमाले, संतोष होले ,अनिकेत कोकरे, अभिजीत देसाई, संदीप निमसे,अभिनदन टावरे ,आजु चोरघे सहभागी झाले होते. तसेच कोरोना महामारी पासून स्वतःचे आणि कुटुंबाचे संरक्षण करण्यासाठी स्थानिक शासनाचे नियम पालनाचे आवाहन करून भारतील व महाराष्ट्र राज्यातील पोलीस ,आरोग्य कर्मचाऱ्यांचा उल्लेख मावळे असा करत, महामारी दरम्यान त्यांनी घेतलेल्या परिश्रमाची प्रशंसा करण्यात आली.

सिताराम काळे

– महाराष्ट्र शासन शालेय शिक्षण विभाग समग्र शिक्षा उपक्रमांतर्गत महाराष्ट्र प्राथमिक शिक्षण परिषदेने सन २०२०-२१ साठी पुणे जिल्हा परिषदेच्या ३ हजार ७२४ शाळांना ३ कोटी ६९ लाख १० हजार रूपये संयुक्त शाळा अनुदान मंजुर झाले असुन यातील ७० टक्के रक्कम तालुका स्तरावर वितरीत करण्यात आली आहे.

समग्र शिक्षा अंतर्गत २०२०-२१ वार्षिक कार्ययोजना व अंदाज पत्रकास प्रकल्प मान्यता मंडळाच्या १८ जुन २०२० च्या बैठकीमध्ये संयुक्त शाळा अनुदान उपक्रमास मंजुरी मिळाली आहे. सर्व शिक्षा अभियान, राष्ट्रीय माध्यमिक शिक्षा अभियान व शिक्षकांचे शिक्षण या केंद्रपुरस्कृत योजनांचे एकत्रीकरण करून समग्र शिक्षा अभियान ही योजना सन २०१८-१९ पासून सुरू करण्यात आली आहे. सदरचे संयुक्त शाळा अनुदान हे शासकीय आदिवासी विभागांकडून चालविलेल्या आश्रमशाळा, समाजकल्याण विभागाकडून चालविलेल्या शाळा, विदयानिकेतन तसेच स्थानिक स्वराज्य संस्थेच्या शाळांसाठी मंजुर आहे.

शाळांची रंगरंगोटी, स्टेशनरी, चार्ट, तक्ते, आराखडा, बोलक्या भिंती असणा-या शाळा तयार करण्यासाठी तसेच आधुनिक पध्दतीने दिले जाणारे शिक्षण, संगणकाचा वापर, इंटरनेट, भौतिक सुविधांची उपलब्धता यासाठी या निधीचा उपयोग होणार आहे. तसेच १० टक्के निधी स्वच्छ कार्य योजना या उपक्रमावर खर्च करण्याचे बंधन घालण्यात आले आहे.

समग्र शिक्षा निधीमुळे जिल्हा परीषद शाळांना उर्जितावस्था प्राप्त झाली आहे. सरकारी शाळांसाठी हे अनुदान गरजेचे आहे. संयुक्त शाळा अनुदान मंजुर झाल्याने पायाभुत सुविधांची दुरूस्ती करण्यास मदत होणार आहे. मात्र छोटया शाळांसाठी मिळणारे अनुदान तुटपुंजे आहे. यासाठी महाराष्ट्र प्राथमिक शिक्षण परिषदेकडे पाठपुरावा करणार असल्याचे पुणे जिल्हा शिक्षक संघाचे माजी अध्यक्ष दत्तात्रय वाळुंज यांनी सांगितले

सिताराम काळे ,घोडेगाव

आंबेगाव तालुक्याच्या पश्चिम आदिवासी भागातील जांभोरी येथील संतोष मुरलीधर केंगले यांची एमपीएससी परीक्षेतून पोलिस उपनिरीक्षकपदी निवड झाली आहे. पुणे शहर पोलीस दलात कार्यरत आहे.

वडील मुरलीधर, भाऊ व पत्नी यांचा त्यांच्या यशात सहभाग आहे. वडीलांच्या अपार कष्टातून झालेले हे चीज आहे. पोलीसमध्ये त्यांनी १० वर्षे सेवा केली आहे. त्यांच्या नियुक्तीमुळे गावक-यांना सुध्दा अभिमान असल्याचे त्यांचे मित्र मारूती केंगले यांनी सांगितले.

माजी सरपंच मारूती केंगले, सखुबाई केंगले, ग्रामविकास फाउंडेशनचे अध्यक्ष पुनाजी पारधी, माजी सैनिक मुरलीधर केंगले, हनुमान सामाजिक प्रतिष्ठान तरूण मंडळ जांभोरी गावठाण, ग्रामविकास प्रतिष्ठाण नांदूरकीचीवाडी व समस्त ग्रामस्थ यांनी त्यांचे अभिनंदन केेले आहे.

शिक्रापुर -पुण्याजवळील केसनंद येथे राहणारा टिकटॉक (Tik-Tok) स्टार समीर गायकवाड याने रविवारी घरातील पंख्याला साडीच्या साहाय्याने गळफास घेत आत्महत्या केल्याची धक्कादायक घटना घडली. रविवारी सायंकाळच्या सुमारास ही घटना घडली. प्रेमप्रकरणातून त्याने हे टोकाचं पाऊल उचलल्याची प्राथमिक माहिती आहे

पुणे शहराजवळील वाघोलीतील केसनंद रस्त्यावरील मिकासा सोसायटीत टिकटॉक स्टार समीर मनीष गायकवाड (वय 22) राहातो. तिथे त्याने रविवारी सायंकाळच्या सुमारास राहत्या घरात पंख्याला साडीच्या मदतीने गळफास लावला, अशी माहिती लोणीकंद पोलिसांनी दिली आहे. त्याच्या आत्महत्येचे नेमके कारण समजू शकले नाही. याप्रकरणी त्याचा चुलत भाऊ प्रफुल्ल गायकवाड याने लोणीकंद पोलीस ठाण्यात फिर्याद दिली आहे.

समीरने आत्महत्या केल्याचं कळताच प्रफुल्ल गायकवाडने लोणीकंद पोलिसांना याची माहिती दिली. त्यानंतर समीरला खाली उतरवून तात्काळ लाईफ लाईन रुग्णालयात दाखल करण्यात आले. मात्र, तिथे डॉक्टरांनी त्याला मृत घोषित केले. त्याने आत्महत्या का केली याचं कारण अद्याप स्पष्ट झालेलं नाही.

शिक्रापूर-पुणे जिल्ह्याच्या शिरुर तालुक्यातील पिंपळे खालसा गावामध्ये झालेल्या विविध विकास कामांची दखल घेत महाराष्ट्र शासनाच्या ग्रामविकास विभागाच्या वतीने पुणे जिल्हा परिषदेच्या माध्यमातून देण्यात येणारा आर. आर. पाटील सुंदर गाव पुरस्कार योजनेतून तालुका स्मार्ट ग्राम पुरस्कारा सह दहा लाख रुपये निधी देऊन गावाला गौरविण्यात आले आहे.

महाराष्ट्र महाराष्ट्र शासनाच्या ग्रामविकास विभागाच्या वतीने पुणे जिल्हा परिषदेच्या माध्यमातून देण्यात येणारा आर. आर. पाटील सुंदर गाव पुरस्कार मिळविण्यासाठी गावातील सर्व माजी सरपंच, ग्रामपंचायत सदस्य व ग्रामस्थांनी प्रयत्न सुरु केले यावेळी ग्रामपंचायतच्या माध्यमातून तसेच सिएसआर फंडातून गावामध्ये ग्राम स्वच्छता अभियान, हागणदारी मुक्त गाव, अंतर्गत रस्ते यांसह आदी उपक्रम राबविण्यात आले, त्यांनतर गावाला महाराष्ट्र शासनाच्या ग्रामविकास विभागाच्या वतीने पुणे जिल्हा परिषदेच्या माध्यमातून देण्यात येणारा आर. आर. पाटील सुंदर गाव पुरस्कार तसेच दहा लाख रुपये निधी देण्यात आला.

या आधी देखील तत्कालीन गृहराज्यमंत्री दिवंगत आर. आर. पाटील यांच्या संकल्पनेतून सुरु झालेल्या महात्मा गांधी तंटामुक्ती अभियान मोहिमेत महात्मा गांधी तंटामुक्त गाव पुरस्काराने पिपंळे खालसाला सन्मानीत करण्यात आले आहे.महाराष्ट्राचे उपमुख्यमंत्री अजित पवार यांच्या हस्ते माजी सरपंच समीर धुमाळ व ग्रामविकास अधिकारी शीतल भालसिंग यांनी हा पुरस्कार नुकताच स्विकारला.

याप्रसंगी पुणे जिल्हा परिषदेच्या अध्यक्षा निर्मला पानसरे, उपाध्यक्ष रणजीत शिवतारे, सभापती प्रमोद काकडे, बाबुराव वायकर, आमदार सुनील शेळके, जिल्हा परिषदेचे मुख्य कार्यकारी अधिकारी आयुष प्रसाद, अतिरिक्त मुख्य कार्यकारी अधिकारी भारत शेंडगे, उपमुख्यकार्यकारी अधिकारी संदीप कोहिनकर यांसह आदी मान्यवर उपस्थित होते.

गणेश सातव, वाघोली

वाघोली(ता-हवेली )येथे स्वराज्य निर्माते छत्रपती शिवाजी महाराज यांची जयंती मोठ्या उत्साहात साजरी करण्यात आली. पुणे-नगर महामार्गालगत असणाऱ्या व वेशीजवळ असणाऱ्या छत्रपती शिवाजी महाराज यांच्या पुतळ्याला पुष्पहार घालून अनेक राजकीय,
सामाजिक संघटना व क्षेत्रातील मान्यवरांनी अभिवादन केले.वाघोली मुस्लिम वेलफेअर असोसिएशनच्यावतीनेही जामा मस्जिद परिसरात शिवप्रतिमेला अभिवादन करुन शिवजयंती साजरी केली.

छत्रपती शिवाजी महाराजांनी अठरापगड जातीतील मावळ्यांना एकत्र करुन स्वराज्याची स्थापना केली.छत्रपती शिवाजी महाराजांच्या काळात स्त्री-पुरुष,गरिब-श्रीमंत, असा भेदभाव न होता सर्व जाती धर्मातील लोकांना समान न्याय मिळत होता.अनेक मुस्लीम धर्मिय मावळे स्वराज्याच्या निर्मिती व रक्षणात पुढे होते.काही तरुण महाराजांचे अंगरक्षक होते,तर काही जण घोडदळ,पायदळाचे प्रमुख होते.नव्हे नव्हे तर अनेकांनी वेळप्रसंगी आपल्या जीवाची बाजी लावून महाराजाच्या आज्ञेचे इमानेइतबारे निष्ठेने पालन केले होते.

वाघोलीत अनेक तरुण मंडळे,प्रतिष्ठानच्यावतीने शिवजयंती साजरी होत असताना मुस्लिम वेलफेअर असोसिएशनही मागे राहिले नाही.असोसिएशन व जामा मस्जिद ट्रस्टच्यावतीने राष्ट्रपती पुरस्कारप्राप्त सेवानिवृत्त पोलीस निरीक्षक जान मोहम्मद पठान यांच्या मार्गदर्शनाखाली सर्व कार्यकर्त्यांनी शिवजन्मसोहळा मोठ्या उत्साहात साजरा केला.

यावेळी छत्रपती शिवाजी महाराजांच्या प्रतिमेला अभिवादन करण्यासाठी मोठ्या संख्येने कार्यकर्ते उपस्थित होते.