घोडेगाव – मोसीन काठेवाडी

आंबेगाव तालुका विद्या विकास मंडळ संचालित जनाता विद्या मंदिर घोडेगाव येथे सकाळ सोशल फाउंडेशन,सूर्यदत्ता ग्रुप ऑफ इन्स्टिट्यूट पुणे यांचे वतीने भागशाळा सालगाव व श्री मुक्ताई प्रशाला पिंपळगाव घोडे येथील मुलींना एकूण पंधरा सायकलींचे मोफत वाटप करण्यात आले.

सदर कार्यक्रमासाठी प्रमुख पाहुणे म्हणून संजय चोरडिया, संस्थापक अध्यक्ष सूर्यदत्त ग्रुप ऑफ इन्स्टिट्यूट पुणे,स्नेहल चोरडिया,राहुल गरुड,वरिष्ठ व्यवस्थापक सकाळ सोशल फाउंडेशन व विशाल सराफ एन आय इ सकाळ सहव्यवस्थापक हे उपस्थित होते.कार्यक्रमाच्या अध्यक्षस्थानी संस्थेचे अध्यक्ष तुकाराम काळे होते.सदर कार्यक्रमासाठी संस्थेचे उपाध्यक्ष शामशेठ होनराव,संस्थेचे कार्याध्यक्ष व समन्वय समितीचे चेअरमन राजेश काळे, न्यू इंग्लिश मीडियम स्कूलचे चेअरमन बाळासाहेब काळे, संस्थेचे विद्यमान सचिव अक्षय काळे,संस्थेचे संचालक अजित काळे,जयसिंग काका काळे हे उपस्थित होते.

तसेच आंबेगाव तालुका पंचायत समितीच्या गटशिक्षणाधिकारी सविता माळी उपस्थित होत्या. कार्यक्रमाचे प्रास्ताविक व सूत्रसंचालन पर्यवेक्षक अनिल काळे सर यांनी केले तर आभार मुख्याध्यापक अविनाश कळंबे सर यांनी मानले.

मोसीन काठेवाडी, घोडेगाव

मंचर येथील साई सेंट्रल मॉल,साई फर्निचरचे मालक उद्योजक तसेच शरद सहकारी बँकेचे संचालक,नर्मदे हर परिवाराचे सदस्य अजयशेठ घुले यांनी नर्मदे हर परिवारा मार्फत आंबेगाव तालुका विद्या विकास मंडळ संचालित जनता विद्या मंदिर शाळेतील विद्यार्थ्यांसाठी नविन डेस्क भेट दिला आहे.

या प्रंसगी आंबेगाव तालुका विद्या विकास मंडळाचे अध्यक्ष तुकाराम काळे,नर्मदे हर ग्रुपचे संस्थापक अध्यक्ष विनोद काळे सर,उद्योजक धनंजय काळे,घोडेगावचे उपसरपंच सोमनाथ काळे, गजानन नाना काळे,महेश बोराडे, संजय मावळे ,रमेश काळे,मोसीन काठेवाडी,उदय नांगरे,आतुल गडकरी,सिध्देश काळे,सुजल काळे, प्राचार्य अविनाश काळंबे,उपप्राचार्य धनंजय पातकर,उपप्राचार्य अनिल काळे सर, शाम वाघमारे आदि सह शालेय विदयार्थी उपस्थित होते.

आंबेगाव ,मोसीन काठेवाडी

आंबेगाव तालुक्यातील निगडाळे येथील जिल्हा परिषद प्राथमिक शाळेतील आदिवासी विद्यार्थ्यांनी प्रोजेक्टरच्या माध्यमातून ‘चांद्रयान -३’ मोहिमेच्या लँडींगचा ऐतिहासिक क्षण अनुभवला.
भारतीय अंतराळ संशोधन संस्थेच्या (इस्रो) बहुचर्चित ‘चांद्रयान -३’ मोहिमेच्या लँडरने चंद्राच्या दक्षिण धुव्रावर सॉफ्ट लँडींग केले.हा ऐतिहासिक क्षण पाहता यावा यासाठी येथील शाळेत प्रोजेक्टरची व्यवस्था करण्यात आली होती.

यावेळी शाळेतील शिक्षक संतोष थोरात यांनी विद्यार्थ्यांना चांद्रयान मोहीमे बद्दल माहिती सांगितली.चांद्रयान-3 विक्रम लँडरच्या साहाय्याने प्रज्ञान रोव्हर चंद्राच्या दक्षिण धुव्रावर सॉफ्ट लँडींग केल्यावर विद्यार्थ्यांनी व शिक्षकांनी तिरंगा झेंडा फडकावत व टाळ्या वाजवून ‘भारत माता की जय’, ‘वंदे मातरम्’ अशा घोषणा दिल्या.रोव्हर चंद्राच्या पृष्ठभागावर उतरल्यामुळे तेथील माहिती गोळा करुन चंद्राची रहस्य उलगडण्यास मदत होणार असल्याची माहिती विद्यार्थ्यांना यावेळी शाळेच्या मुख्याध्यापिका शोभा जाधव यांनी सांगितली.

घोडेगाव – मोसीन काठेवाडी

घोडेगावचे ग्रामदैवत श्री राजा हरिश्चंद्र महादेव सप्ताह निमित्त महिला भगिनींचे ज्ञानेश्वरी पारायण संपन्न झाले. या वेळी त्यांना ज्ञानेश्वरी ठेवण्याकरता नर्मदे हर परिवारा कडून व्यासपीठ देण्यात आले.

यावेळी नर्मदेहर ग्रुपचे संस्थापक अध्यक्ष विनोद काळे सर, उदयोजक धनूशेठ काळे, प्रतिष्ठीत व्यापारी गजानन नाना काळे, बेल्हापूरकर ज्वेलर्सचे मालक निलेश बेलापूरकर,संजय मावळे, पोपटभाऊ काळे,शाम तात्या काळे,बाळासाहेब आनंदराव तसेच नर्मदेहर परिवाराचे सदस्य स्थानिक नागरिक भाविक – भक्त मोठ्या संख्येने उपस्थित होते.

आंबेगाव ,मोसीन काठेवाडी

आंबेगाव तालुका विदया विकास मंडळ संचालित जनता विद्या मंदिर कनिष्ठ महाविद्यालय घोडेगाव येथे राष्ट्रीय क्रीडा दिन मोठ्या उत्साहात साजरा करण्यात आला.

यामध्ये सकाळच्या पहिल्या सत्रात ज्यांचा जन्मदिवस म्हणून हा दिन साजरा केला जातो ते हॉकी या खेळाचे जादूगार मेजर ध्यानचंद यांच्या प्रतिमेचे पूजन महाविद्यालयाचे ज्येष्ठ प्राध्यापक राऊळ सर आणि महाविद्यालयाचे उपप्राचार्य धनंजय पातकर सर यांच्या हस्ते करण्यात आले.दुसऱ्या सत्रामध्ये दिव्य ज्योती जागृती संस्थान या आध्यात्मिक संस्थेच्या माध्यमातून जे सामाजिक उपक्रम राबविले जातात त्या अंतर्गत आरोग्य आणि दैनंदिन जीवनातील ताणतणावाचे व्यवस्थापन या विषयावर दिव्य ज्योती जागृती संस्थान दिल्ली (शाखा चाकण) या संस्थेच्या साध्वी मांगल्या भारतीजी यांनी दैनंदिन जीवनातील ताणतणाव या विषयावर प्रयोगात्मक कार्यशाळा घेतली

. या कार्यक्रमासाठी आ. ता. वि. वि. मंडळ घोडेगाव, या शैक्षणिक संस्थेचे समन्वय समितीचे चेअरमन, राजेशशेठ काळे यांनी अध्यक्षस्थान भूषविले. कार्यक्रमाचे प्रास्ताविक शितल पवार यांनी केले, तर आभार उजागरे यांनी मानले. कार्यक्रमाचे नियोजन फलके, कदम सर,कर्पे मॅडम,चव्हाण मॅडम,रंजना काळे मॅडम यांनी केले.