नारायणगाव (किरण वाजगे)

जालना जिल्ह्यात झालेल्या मराठा समाजावरील लाठीमार प्रकरणी सर्वत्र संताप व्यक्त होत असतानाच जुन्नर तालुक्यातील वारूळवाडी नारायणगाव येथे देखील आज रविवार दिनांक तीन रोजी दुपारपर्यंत सर्व छोट्या मोठ्या व्यापार्यांनी आपली दुकाने बंद ठेवून पोलीस व शासनाचा निषेध केला.

जीवनावश्यक वस्तू व आरोग्य विषयक तसेच मेडिकल दुकाने वगळता उस्फूर्तपणे बंद पाळण्यात आला. या बंद मुळे कोराना काळाची प्रचिती पुन्हा एकदा सर्वांना आली.

दरम्यान बंद बाबतचे आवाहन माजी सरपंच योगेश पाटे, तसेच मराठा समाजाचे प्रतिनिधी जितेंद्र गुंजाळ, महेश शिंदे, प्रवीण पवार, कैलास वाजगे, ईश्वर पाटे, संपत शिंदे आदींनी काल गावात फिरून व सर्वांना सांगून केले होते.

आज नारायणगाव येथे बाजारपेठ, बस स्थानक परिसर तसेच गावातील सर्व ठिकाणच्या दुकानदारांनी व वारूळवाडी आनंदवाडी परिसरातील व्यापाऱ्यांनी आपले व्यवहार बंद ठेवले होते.समस्त वारूळवाडीकर, नारायणगावकर व मराठा समाजाच्या वतीने व्यवहार बंदबाबतचे आवाहन करण्यात आले होते. याला सर्वांनी उत्स्फूर्तपणे प्रतिसाद दिला.
याच बातमी ची काही द्रूश्य पाठवली आहेत आपला….

नारायणगाव :- (किरण वाजगे)

जालना जिल्ह्यात झालेल्या मराठा समाजावरील लाठीमार प्रकरणी सर्वत्र संताप व्यक्त होत असतानाच जुन्नर तालुक्यातील नारायणगाव येथे देखील उद्या रविवार दिनांक तीन रोजी दुपारी बारा वाजेपर्यंत सर्व व्यापारी आपली दुकाने बंद ठेवणार आहेत. जीवनावश्यक वस्तू किंवा आरोग्य विषयक व मेडिकल दुकाने वगळता उस्फूर्तपणे बंद मध्ये सहभागी होणार आहे. याबाबतचे आवाहन माजी सरपंच योगेश पाटे, तसेच मराठा समाजाचे प्रतिनिधी जितेंद्र गुंजाळ, महेश शिंदे यांनी केले आहे.

आज नारायणगाव येथे बाजारपेठ, बस स्थानक परिसर तसेच गावातील दुकानदारांना समस्त नारायणगावकर व मराठा समाजाच्या वतीने व्यवहार बंदबाबतचे आवाहन करण्यात आले.
सर्व दुकानात जाऊन उद्याच्या बंद बाबतचे मराठा समाजाच्या वतीने आवाहन करण्यात आले याप्रसंगी भागेश्वर डेरे, आरिफ आतार, बाळा वाव्हळ, ईश्वर पाटे, संतोष दांगट, पप्पू भूमकर, निरंजन भोसले, नितीन भोर, प्रशांत वाजगे, प्रवीण पवार, कैलास वाजगे, निलेश दळवी, भाऊ श्रीवत, पिंटू दांगट, खंडेराव संते, राहुल लोखंडे, संपत शिंदे आदी कार्यकर्ते उपस्थित होते.

नारायणगाव (किरण वाजगे)

कालवा सल्लागार समितीची बैठक न घेता जुन्नर तालुक्यातील येडगाव धरणातून कुकडी डाव्या कालव्याद्वारे २२ जुलै पासून चौदाशे क्युसेक्स ने पाण्याचे आवर्तन सोडण्यात आले आहे. या निषेधार्थ शेतकरी संघटनेने येडगाव धरणावर तीव्र आंदोलन करण्याचे ठरवले होते. मात्र हा निर्णय तुर्त स्थगित करण्यात आला आहे.

येडगाव धरणाची उपयुक्त पाणी साठ्याची आजची स्थिती पाहता पाणी सोडणे हे अतिशय अन्यायकारक असल्याची भावना शेतकरी संघटनेच्या वतीने व्यक्त करण्यात आली होती. रविवार दिनांक ३ सप्टेंबर रोजी येडगाव धरण परिसरात तीव्र आंदोलन करण्यात येणार होते. मात्र पालकमंत्री चंद्रकांत पाटील यांनी कालवा सल्लागार समितीची बैठक घेण्याचे आश्वासन देऊन या घटनेवर विशेष तोडगा काढण्यात येईल असे आश्वासन दिले असल्याचे कुकडी धरण प्रकल्पाच्या अधिकाऱ्यांनी लेखी कळविले आहे.

शेतकरी संघटनेचे नेते अंबादास हांडे, तालुकाध्यक्ष संजय भुजबळ, जुन्नर तालुका युवा अध्यक्ष प्रमोद खांडगे, उपाध्यक्ष अजित वालझाडे, अजित वाघ, सचिन थोरवे, शिवनेरी शेतकरी संघटनेचे अध्यक्ष राजेंद्र ढोमसे उपस्थित होते.

या आंदोलनाच्या पार्श्वभूमीवर उपविभागीय पोलीस अधिकारी रवींद्र चौधर यांच्यासह तालुक्यातील सर्व पोलीस स्टेशनचे पोलीस अधिकारी व कर्मचारी मोठ्या संख्येने येडगाव धरण परिसरात आज उपस्थित होते. कुकडी प्रकल्पाचे उपकार्यकारी अभियंता राजेंद्र रावळे यांनी लेखी आश्वासन आंदोलकांना दिल्यामुळे देखील आंदोलन तूर्त स्थगित करण्यात आले आहे अशी माहिती अंबादास हांडे यांनी दिली.

नारायणगाव :- (किरण वाजगे)

पांगरी माथा (ता.जुन्नर) येथील राजाराम पाटील ज्येष्ठ नागरिक आश्रमातील जेष्ठांना नारायणगाव येथील इनरव्हील क्लब च्या वतीने जीवनावश्यक भेटवस्तू नुकत्याच देण्यात आल्या.
यामध्ये बेडशीट, कपडे वाळत घालायचे स्टँड , मोठा टेबल अश्या व अन्य वस्तूरुपी मदत संस्थेच्या अध्यक्ष प्रिती शहा यांनी केली.
त्यावेळी त्यांना एक वेळच्या भोजनासाठी धनादेश स्वरूपात आर्थिक मदत तेथील संचालिका यांच्या हाती सुपूर्द केला.
येथील जेष्ठ नागरिकांनी आमच्या लेकी आल्या व आमची हृदये अत्यानंदाने भरून आली अशा भावना जेष्ठांनी व्यक्त केल्या. सर्वांनी नेहमी येऊन अशी मदत करा.असे आवाहनही त्यांनी व्यक्त करुन सर्व महिलांचे आभार मानले.

वेळोवेळी येऊन आम्ही मदत करू जेष्ठांसोबत वेळ घालवू असे आश्वासन इनरव्हील क्लबच्या वतीने शहा यांनी दिले.
कार्यक्रमाचे आयोजन अध्यक्षा प्रीती शहा, संस्थापक अंजली खैरे यांनी केले. याप्रसंगी उपाध्यक्षा सविता खैरे,सेक्रेटरी रश्मी थोरवे, खजिनदार सुनीता चासकर,एडिटर समृद्धी वाजगे नंदिनी घाडगे, स्वाती मुदगल, रुचिता वाघ,पुष्पा खरे,दर्शना फुलसुंदर,सविता मोढवे,प्रांजल भाटे व सर्व सदस्या उपस्थित होत्या.

नारायणगाव :- (किरण वाजगे)

एक राखी आपल्या भारतीय माजी सैनिकांसाठी हा रक्षाबंधनाचा कार्यक्रम नुकताच नारायणगावात उत्साहात आयोजित करण्यात आला.जिजामाता महिला नागरी सहकारी पतसंस्था मर्यादित नारायणगाव या संस्थेच्या वतीने या कार्यक्रमास जुन्नर तालुका माजी सैनिक संघाचे अध्यक्ष डी के भुजबळ, माजी सैनिक उमेश अवचट, सतीश भुजबळ, भगवान काळे, एकनाथ वाजगे, सुभाष काकडे, संतोष घोडके, श्री.बाळासो मुळे, शिवाजी पाटे, किसन ढवळे, पंढरीनाथ घोटकर, श्री तांबे, श्री थोरवे उपस्थित होते.

संस्थेच्या संस्थापिका राजश्री बोरकर, अध्यक्ष योगिनीताई खैरे, उपाध्यक्ष स्वातीताई औटी, संचालिका सुशीला विटे, सुरेखा वाजगे, ज्योतीताई गांधी, भारती खीवंसरा, पुष्पाताई खैरे, शितल ठुसे, डॉ.पल्लवीताई राऊत अनुपमा पाटे, नीता बोरकर, छाया केदारी, सुवर्णा मेहेर, अरुणा वाघुले, सविता वाबळे, शिला शेलार या महिला भगिनींनी माजी सैनिकांना राखी बांधून रक्षाबंधनाचा कार्यक्रम मोठ्या उत्साहाने साजरा केला. या कार्यक्रमाचे सूत्रसंचालन ऍड.शमीम इनामदार यांनी केले व संस्थेच्या अध्यक्षा योगिनी खैरे यांनी उपस्थित्यांचे आभार मानले.