उरुळी कांचन

भाजपा ने राज्यात सत्ता स्थापन केल्याने पुर्व हवेलीमधील कार्यकर्त्यांना अत्यानंद झाला असुन तो आनंदोत्सव साजरा करण्यासाठी व पुर्व हवेलीमधील नागरिकांना आनंदोत्सवामध्ये सहभागी करुन घेण्यासाठी पुणे जिल्हा मध्यवर्ती सहकारी बँकेचे संचालक प्रदीप कंद , प्रदेश कार्यकारणी सदस्य रोहीदास उंद्रे व धर्मेंद्र खांडरे यांच्या प्रमुख उपस्थितीत रविवार दि. ३ जूलै रोजी तुळापुर – पेरणे – न्हावी – सांगवी – अष्टापुर फाटा – वाडेबोल्हाई – केसंदन – वाघोली – केसनंद – थेऊर – कदमवाक वस्ती – लोणीकाळभोर – कुंजीरवाडी व उरुळी कांचन अशी चारचाकी गाड्यांची रॅली करण्याचा निर्णय घेण्यात आला आहे.

हवेली तालुका भाजपचे अध्यक्ष संदीप भोंडवे यांनी सांगितले. पुर्व हवेली मधील सर्व भाजपा नेते , पदाधिकारी व कार्यकर्त्यांनी या चारचाकी गाड्यांच्या रॅलीमध्ये सहभागी व्हावे असे आवाहन करण्यात आले. कार्यक्रम पत्रिका सकाळी तुळापुर ९.३० ते १.०० – रॅली प्रवास असा दिनक्रम असेल. या वेळी सुनिल पाटील कांचन, शामराव गावडे, विकास जगताप, सुदर्शन चौधरी, अमित कांचन, शिवाजी महाडिक, आबासाहेब चव्हाण, सुनिल तुपे, अतुल मोरे, शुभम वलटे, सोहम जगताप, पुजा सणस आदी उपस्थित होते.

उरुळी कांचन

अष्टापुर ग्रामपंचायत कार्यालयामध्ये मल्लिकार्जुन भंडारी, जयश्री भंडारी यांच्या हस्ते व त्यांचे चिरंजीव राकेश मल्लिकार्जुन भंडारी यांच्या वतीने अष्टापुर गावाच्या विकासासाठी स्वतःचा काहीतरी हातभार लावावा म्हणून आष्टापूरचे सरपंच कविता योगेश जगताप, उपसरपंच सुभाष कोतवाल, ग्रामपंचायत सदस्य सोमनाथ कोतवाल, गणेश कोतवाल, सदस्य अश्विनी कोतवाल, अष्टापूर ग्रामस्थ गणेश सुभाष कोतवाल, महेश ढवळे यांच्याकडे रोख स्वरुपात २५ हजार रुपये देणगी दिली.

या देणगी मधून अष्टापुर गावांमधील चारही अंगणवाड्या करता लागणारे साहित्याचे वाटप अष्टापूरच्या सरपंच कविता जगताप, योगेश जगताप उपसरपंच सुभाष कोतवाल, माजी सरपंच रमेश कारभारी कोतवाल, अष्टापूरचे ग्रामपंचायत सदस्य सोमनाथ कोतवाल, ग्रामपंचायत सदस्य गणेश कोतवाल, ग्रामपंचायत सदस्य, देणगीदार, अश्विनी कोतवाल, सामाजिक कार्यकर्ते गणेश सुभाष कोतवाल, महेश ढवळे, ग्रामपंचायत कर्मचाऱ्यांच्या व देणगीदार मल्लिकार्जुन भंडारी, जयश्री भंडारी यांचे चिरंजीव महेश भंडारी व मधुबाला भंडारी यांच्या हस्ते करण्यात आले.

उरुळी कांचन

शिंदेवाडी (ता. हवेली) येथे आर्ट ऑफ लिविंग व शाश्वत विकास फाउंडेशन यांच्या संयुक्तने बहुपयोगी लक्ष्मितरु झाडाचे वृक्षलागवड करण्यात आलेली कृषी उत्पन्न बाजार समितीचे माजी सभापती प्रकाश जगताप व यशवंत सहकारी साखर कारखान्याचे माजी चेअरमन माधव काळभोर यांच्या वाढदिवसानिमित्त शिंदेवाडी येथे सव्वा दोनशे झाडे लक्ष्मीतरु लागवड करण्यात आले तसेच शेतकऱ्यांना स्वयंपूर्ण करण्यासाठी त्यांना लागवड गावांमध्ये लावून सर्व ची माहिती शेतकऱ्यांना देण्यात येत आहे तसेच गायरान जागा शेती वने तसेच इतरठिकाणी वृक्षलागवड करीत आहे.

महाराष्ट्र मध्ये सुरेश जी पलुस्कर आर्ट ऑफ लिव्हिंगचे साधक यांनी गेले २२ वर्ष या लक्ष्मीतरुचे महत्त्वपूर्ण अभ्यास करुन त्यामध्ये नावीन्यपूर्ण काम केलं आहे आणि त्याचा उपयोग आता शेतकऱ्यांना प्रत्यक्ष होत आहे. खाद्य तेलामध्ये गाव स्वयंपूर्ण करणे आर्थिक दृष्ट्या स्वयंपूर्ण कॅन्सर मुक्त भारत स्वयंपूर्ण शेती स्वयंपूर्ण शेतकरी अशा विविध माध्यमातून या लागवडीचा उपयोग मोठ्या प्रमाणात केला जात आहे. श्री श्री रविशंकर यांच्या माध्यमातून तसेच शाश्वत विकास फाउंडेशनच्या माध्यमातून वृक्ष लागवडीचे मोठ्या कार्यक्रमात घेतला आहे. येत्या २०२२ मध्ये एक लाख लाख वृक्ष लागवड वृक्ष हाती घेतले आहे तसेच शिंदेवाडी, पिंपळेगाव, भवरापूर, नायगाव- पेठ, प्रयागधाम, हिंगणगाव, आळंदी म्हातोबा अशी ८० गावे खाद्य तेलामध्ये स्वयंपूर्ण करण्यासाठी आर्ट ऑफ लिविंग तर्फे फार मोठा काम चालू आहे.

महाराष्ट्रातील दुष्काळी भागात वृक्ष लागवड करण्यासाठी आम्ही प्रयत्न करत आहोत कोणाचाही वाढदिवस असो त्यांची माहिती आम्ही लक्ष्मितरू वृक्षलागवड करून जनजागृतीचे काम करत आहोत.

योगेश राऊत ,पाटस

केंद्रीय यंत्रणाचा गैरवापर करून राज्यातील महाविकास आघाडीचे सरकार पाडण्याचा केलेला डाव उधळून लावण्यासाठी सत्तापिपासू भाजपा व शिवसेनेतील बंडखोर गद्दारां विरुद्धचा लढा बळकट करण्यासाठी पक्ष प्रमुख तथा महाराष्ट्र राज्याचे लोकप्रिय मुख्यमंत्री मा.उद्धव साहेब ठाकरे यांचे समर्थनार्थ मंगळवार दि.२८ रोजी स. १० वा. शिवसेना जिल्हाप्रमुख महेश पासलकर यांचे नेतृत्वाखाली शिवसेना मध्यवर्ती कार्यालय चौफुला येथून दौंड तालुक्यातील वाखारी, केडगाव, चौफुला, वरवंड ,पाटस या गावामधून मार्गक्रमण करित दौंड शहरापर्यंत हजारो शिवसैनिकांच्या उपस्थितीत भव्य बाईक रॅली काढण्यात आली.

यावेळी शिवसैनिकांनी हातात भगवे झेंडे फडकावून तालुक्यातील चौका चौकामधून निष्ठेला साथ..! गद्दारीला लाथ..! पाठीवर आमच्या बाळासाहेबांचा हात..! जागवले मावळे..! पेटवला वनवा..! गद्दारांना नमवून फडकवणार भगवा..! जय भवानी जय शिवाजी ! मुख्यमंत्री उद्धवसाहेब ठाकरे आगे बढो ! हम तुम्हारे साथ है … शिवसेना अंगार है…बाकी सब भंगार है… या घोषणा देऊन दौंड तालुक्यातील परिसर दणाणून सोडला.

रॅलीमधील दरम्यान वरवंड व पाटस येथील छत्रपती शिवाजी महाराज यांच्या पुतळ्याला पुष्पहार अर्पण करण्यात आला. व दौंड शहरातून रॅली काढत डॉ. बाबासाहेब आंबेडकर यांच्या पुतळ्याला पुष्पहार अर्पण करून छत्रपती शिवाजी महाराज चौकात महाराजांच्या पुतळ्याला हार अर्पण करून रॅलीचा समारोप करण्यात आला. यावेळी शिवसेना जिल्हाप्रमुख महेशदादा पासलकर, शिवसेना उपजिल्हाप्रमुख अनिल तात्या सोनवणे, शरद सुर्यवंशी,दौंड शहर प्रमुख आनंद पळसे यांनी मनोगत व्यक्त केले

यावेळी सहभागी पदाधिकारी व शिवसैनिकांनी …आम्ही कोणाचे समर्थक नाही …तर शिवसैनिक आहोत.‌‌..केलाच जयघोष तर आम्ही शिवसेनेचा जयघोष करू. गुवाहाटी मध्ये जाऊन पक्षाशी गद्दारी केलेल्या बंडखोरांच्या समर्थकांची निष्ठा त्यांच्या नेत्यांबरोबर विकली आहे. आम्ही शिवसैनिक नेहमी पक्षप्रमुख उद्धव साहेब ठाकरे यांच्या सोबत राहू असा विश्वास यावेळी उपस्थित शिवसैनिकांनी व्यक्त केला.