उरुळी कांचन

हवेली तालुक्यातील आळंदी म्हातोबा गावातील मल्हार गडाच्या पायत्याशी आसलेली रामवाडी वस्तीतील खटाटे कुटुंबातील कै,पांडूरंग खटाटे यांचे सुपुत्र व सौ कल्याणी खटाटे यांचे पती ,शहिद कंमाडो संतोष उर्फ महादेव पांडूरंग खटाटे यांच्या २१ व्या स्मृतिदिनानिमित्त त्या बोलत होत्या. यावेळी माहिती सेवा समितीचे माध्यमातून ५१ झाडांचे वृक्षारोपण करण्यात आले शहीद कमांडो संतोष खटाटे देवराई वनराई प्रकल्प साकारण्याचे चंद्रकांत वारघडे यांनी सांगितले त्यासाठी सर्व झाडे देऊन वनराई उभी करणार असल्याचे वारघडे यांनी सांगितले.

उपस्थितामध्ये प्रमुख पाहुणे म्हणून हवेली तालुक्याच्या तहसीलदार तृप्तीताई कोलते-पाटील , हवेली तालुका राष्ट्रवादी काँग्रेस अध्यक्ष दिलीप नाना वाल्हेकर, माहिती सेवा समिती महाराष्ट्र राज्य अध्यक्ष चंद्रकांत वारघडे , शिरुर तालुका माहिती सेवा समिती अध्यक्ष धर्मराज बोत्रे , हवेली तालुका माहिती सेवा समिती अध्यक्ष कमलेश बहिरट, डॉ आनंद दरक, डॉ प्रतिक वानखडे, सरपंच सोनाली जवळकर, उपसरपंच मनिषा भोंडवे, माजी सभापती सपना वाल्हेकर, हवेती महिला अध्यक्ष सुरेखा ताई भोरडे ,जिल्हा उपाध्यक्षा शोभाताई हरगुडे, मुख्याध्यापक पवार सर, संतोष जवळकर, हवेली उपाध्यक्ष शिवाजीराव भोरडे , श्रीकांत पाटोळे, वाल्मिक जवळकर, श्रीहरी काळभोर, सुनिल आप्पा जवळकर, प्रकाश जवळकर, ग्रामसेवक पवार भाऊसाहेब, तलाठी कनिजे भाऊसाहेब, अनिल जगताप, सोनाली माकर, माजी सरपंच कैलास नाना खटाटे, कल्पना खटाटे, चिंतामण वाल्हेकर, पांडूरंग आबा खटाटे,प्रमोद वाल्हेकर, तसेच सर्व मान्यवर उपस्थित होते.

गणेश‌ सातव,वाघोली

वाघोली येथील बसस्थानकाच्या विकास कामाचा आराखडा (ब्लु प्रिंट) तयार करण्यात आला आहे. जि.प.सदस्य व शिवसेना जिल्हा प्रमुख ज्ञानेश्‍वर(माऊली) कटके यांनी आयुक्‍त विक्रम कुमार यांची भेट घेत सदर आराखड्यानुसार येथील स्थानक विकसीत करण्यात यावे,अशी मागणी निवेदन देऊन केली आहे. त्यानुसार पावसाने उघडीप दिल्यानंतर हे काम सुरू करण्याबाबतचे प्रयत्न केले जातील,असे आश्‍वासन आयुक्‍तांनी दिले आहे.
वाघोली बसस्थानकाचा विकास तसेच सुशोभिकरणाचे काम लवकरच मार्गी लागेल,असे कटके यांनी सांगितले.

वाघोली ग्रामपंचायत अस्तित्वात असताना ग्रामपंचायतीच्यावतीने येथे अत्याधुनिक बसस्थानकासाठी दोन एकर जागा उपलब्ध करून दिली होती. परंतु, स्थानकात बसथांब्या व्यतिरीक्‍त अन्य कुठलेही काम अद्यापपर्यंत झालेले नाही. सतत पडणाऱ्या संततधार पावसामुळे पाणी साचून स्थानकात सर्वत्र चिखल झाला आहे. प्रवाशांना बसण्यासाठीच नव्हे तर अगदी उभे राहण्यासाठीही जागा नाही.स्थानकात येणाऱ्या रस्त्याची दुरवस्था झाली आहे. नियोजीत आराखड्या प्रमाणे स्थानकाचे कॉंक्रिटीकरण, प्रवाशांना पिण्याचे पाणी, स्वच्छता गृह,कॅंटीन अशा गोष्टी सुरू होणे अपेक्षित होते. परंतु,यामधील कोणतेच काम झालेले नाही.सदर बाब निदर्शनास आणून देत ज्ञानेश्‍वर कटके यांनी वाघोली बसस्थानक विकसीत करावे अशी मागणी केली आहे. पावसाळ्यानंतर सदर काम तातडीने सुरू करण्यात येणार असल्याचे आयुक्‍तांनी सांगितले आहे.

उरुळी कांचन

वेदांचे शिक्षण प्रथमतः महर्षी वेदव्यास मुनिनी दिले. म्हणून व्यासांच्या जयंती रुपात गुरूपौर्णिमा साजरी केली जाते. व्यासपिठाचे उगमस्थान महर्षी व्यासांमुळेच प्रस्थापीत झाले. अश्या व्यासपिठावर अनेक गुरु जीवनात बहुमोल मार्गदर्शन करतात. गुरु अज्ञानातून ज्ञानाकडे, असत्यातून सत्याकडे व ह्या नस्वर जगाला चिर कालीन शांतीसाठी मार्ग दाखवितात. म्हणून गुरु हा संतकुळिचा राजा असुन शिष्यांचा प्राण विसावा असतो. जगात गुरु सारखे दैवत नाही. म्हणून जीवनात सद्गुरुची अत्यंत गरज असते. जिवन योग्य रितीने जगण्यासाठी व अत्मिक शांती साठी शास्वत मार्ग सद्गुरु दाख वितात असे मत जेष्ठ समाज सेवक डॉ रविंद्र भोळे संस्थापक अध्यक्ष डॉ मणीभाई देसाई मानवसेवा ट्रस्ट निती आयोग ह्यानी येथे व्यक्त केले.

सद्गुरु जनसेवा विकास प्रतिष्ठान संचलीत संत यादव बाबा विद्यालय येथे गुरूपौर्णिमे निमीत्ताने कार्यक्रमाचे आयोजन, शिक्षकांचा सत्कार, विद्यार्थ्यांना वह्या व शाला पयोगी वस्तुचे वाटप कार्यक्रमाचे आयोजन करण्यात आले. त्या वेळी मार्गदर्शन करताना डॉ रविंद्र भोळे यांनी मत व्यक्त केले.

प्रास्ताविकात शाळेचे मुख्याध्यापक सुरेश कांचन म्हणाले की डॉ रविंद्र भोळे ह्या परिसरातील नव्हे राज्यातील विविध क्षेत्रांतील समर्पित भावनेने कार्य करणारे कर्मयोगी, उपयोगी व्यक्तिमत्व आहे. डॉ रविंद्र भोळे प्रवचनकार, समाजसेवक असुन शाळेत अनेक वर्षा पासुन शाळेतील विद्यार्थ्यांची मोफत तपासनी, वृक्षारोपण तसेच विविध कार्यात समर्पित भावनेने कार्य केलेले आहे.

या कार्यक्रमाला गुरुदत्त विकास सेवा प्रतिष्ठान संचलीत संत यादवबाबा माध्यमिक शाळेच्या संचलीका विद्या यादव, सौ पुष्पा महाडिक, श्रीमती सारिका महाडिक, विकाश कड, श्रीमती निर्मला महाडिक, शाळेतील सर्व शिक्षक वृन्द, श्री कोपनार सर, श्री विचारे सर,श्री गायकवाड सर,श्री कुंजिर सर, श्री लान्डे , श्री आंबेकर सर, कर्मचारी, पालक, विद्यार्थी, विद्यार्थिनी उपस्थीत होते.

कुरकुंभ ;सुरेश बागल

आगामी दौंड नगरपालिका निवडणूकी संदर्भात दिनांक – १४-७-२२ रोजी दुपारी ३:०० वा. पुणे जिल्हा कॉंग्रेस कमिटी च्या आदेशाने पक्ष निरीक्षक व देहूरोड कॉंग्रेस कमिटी चे अध्यक्ष हाजीमल्लंग मारीमुत्तु व दुसरे निरीक्षक अब्दुल गफूर शेख अध्यक्ष मावळ तालुका अल्पसंख्यक कॉंग्रेस कमिटी ह्यांच्या मार्गदर्शना खाली बैठक संपन्न झाली .सदर बैठकीत सर्व शहर पदाधिकारी व इच्छुक उमेद्वार उपस्थित होते सदर बैठकीत पक्षाची तालुक्यातील माहीती तालुका अध्यक्ष विठ्ठल खराडे ह्यानी सविस्तर मांडली, शहरातील आगामी नगरपालिका संदर्भात भूमिका व रणनीति शहराध्यक्ष हरेष ओझा ह्यानि मांडली. पक्ष निरीक्षकानी कार्यकर्ता व पदाधिकारी ह्यांची भूमिका मांडून जिल्हा अध्यक्ष व वरिष्ठा ना कळवण्याचे आश्र्वासन दिले.

सदर बैठकीत पर्यावरण जिल्हाध्यक्ष तन्मय पवार,शहर उपाध्यक्ष अतुल थोरात,सरचिटणीस विठ्ठल शिपलकर, अल्पसंख्यक उपाध्यक्ष सुरेश क्षिरसागर व पदाधिकाऱ्यांनी आपले म्हणने मांडले .बैठकीचे सूत्र संचालन व प्रस्तावना अतुल जगदाळे ह्यानी केले .
कार्येक्रमाचे आयोजन शहर अध्यक्ष हरेष ओझा व सहकर्यानी केले.

आठवडे बाजारच्या दिवशी रस्त्यालगत बसणाऱ्या भाजीविक्रत्यांमुळे होतेयं वाहतूक कोंडी.

भौतिक सुविधा कोमातं(सुविधांचा अभाव),पावती विना वसूली मात्र होतेयं जोमातं.

गणेश सातव,वाघोली

गेले काही दिवसांपासून वाघोली परिसरात संततधार पाऊसाने जोर धरला असल्याने परिसरात ठिकठिकाणी पाणी साठून राहिल्याने दलदल निर्माण झाली आहे.वाघोलीचे बाजार मैदान व भाजी मंडई परिसरही याला अपवाद राहिला नाही.भाजीमंडई परिसरात यामुळे चिखल,गाळ व कुजलेल्या भाज्यांचे साम्राज्य निर्माण झाले आहे.त्यातचं बाजार मैदान व सिमाभिंतीलगत वारंवार टाकण्यात येणाऱ्या कचऱ्यामुळे भटकी कुत्री व डुक्करांनी परिसरात आपली वसाहत निर्माण केली आहे.यामुळे बाजारात येताना नागरिकांना जीव मुठीत धरून ये-जा करावी लागत आहे.

अश्या अवस्थेमुळे “काय तो वाघोलीचा बाजार,काय तो बाजारातील चिखल,काय ते कचरा व घाणीचे साम्राज्य,एकदम ओकेचं!” अशी नागरिकांवर उपहासात्मक बोलण्याची वेळ आली आहे.

या सर्वात मात्र शेतकरी,खरेदीसाठी येणारे नागरिक,महिलावर्गाचे मात्र प्रचंड हाल होत असल्याचे पहायला मिळत आहे.या मंडई परिसरात कायमचं सामान्य सुविधांची वणावा असल्याने ऐन पाऊसाळ्यात शेतकरी,भाजीविक्रेते,नागरिकांना उघड्यावरचं लघुशंकेसाठी जावे लागत असल्याचे चित्र पहायला मिळत आहे.

दर मंगळवारी आठवडे बाजाराच्या दिवशी पुणे-नगर महामार्गासह आव्हाळवाडी रस्त्यावर मोठ्या प्रमाणात विक्रेते आपला माल विकायला बसत असल्याने वाहतुक समस्येचा मोठा प्रश्न या ठिकाणी निर्माण होतो.दुर्दैवाने तांत्रिक बिघडामुळे एखाद्या वाहनाचा ब्रेक लागला नाही अथवा मोठ्या गर्दीत नजरचुकीने वाहनांचा थोडा जरी धक्का लागला तर मोठा अपघातही होऊ शकतो.

साधारण १ वर्षापूर्वी जवळपास २२ गावांसह वाघोली हे गाव पुणे महानगरपालिका क्षेत्रात समाविष्ट झाले.ऐवढ्या दिवसांनंतर हि वाघोलीच्या भाजीमंडई परिसरात साधे स्वच्छता गृहाचे बांधकाम महानगरपालिकेचा संबंधित विभाग करु शकला नाही? हि खेदाची बाब आहे.पावती विना होत असणारी ‘बेकायदेशीर वसूली’ मात्र अधिकारी व कर्मचाऱ्यांच्या आशिर्वादाने जोमात सुरु असल्याची कुणकुण मात्र ऐकायला मिळत आहे.

तातडीने संबंधित विभागाने वाघोली भाजी मंडई व आठवडे बाजार मैदान परिसरातील समस्यांची दखल घेऊन मंडई परिसरात झालेल्या दलदलीच्या ठिकाणी मुरुम टाकावा व आजुबाजुला साचलेला कचरा उचलून स्वच्छता करावी. त्याचबरोबर किमान स्वच्छता गृह,पाणी अश्या भौतिक सुविधा तरी नागरिकांच्या व विक्रेत्यांच्या सोयीसाठी राबवाव्यात अशी मागणी सर्व सामान्य नागरिकांकडून होत आहे.