पुणे :  रोजगारसंधी प्राप्त करण्यासाठी संवाद  कौशल्याचा प्रभावी वापर उपयुक्त ठरतो  असे मत एक्च्युएशन टेक्नॉलॉजीस इर्मसन ऑटोसोल कंपनीच्या मनुष्यबळ व्यवस्थापिका हेमांगी  धोकटे यांनी  व्यक्त केले.  यशस्वी एज्युकेशन सोसायटीच्या इंटरनॅशनल  इन्स्टिट्यूट  ऑफ मॅनेजमेन्ट  सायन्स (आयआयएमएस) तर्फे आयोजित  सॉफ्ट  स्किल्सचे  महत्व  या विषयावरील  वेबिनारमध्ये  त्या  बोलत होत्या. यावेळी पुढे बोलताना त्या  म्हणाल्या कि, इंटरव्ह्यूला जाताना आपली वेशभूषा नीटनेटकी व व्यक्तिमत्वास  अनुरूप असावी. तसेच  आपली आवड,  छंद या   बाबी  आपल्या करिअरला पोषक  कशा ठरतील  याकडेही  प्रत्येकाने  लक्ष  द्यावे, असे सांगत त्यांनी  आपले   विद्यार्थीदशेतील  अनुभव सांगत विद्यार्थ्यांना मार्गदर्शन केले.

यावेळी वेबिनारमध्ये बोलताना टाइम्सऑफ इंडिया ग्रुपचे मुख्य मनुष्यबळ  व्यवस्थापक टिकम शेखावत

यांनी  सॉफ्ट स्किल्सचा प्रभावी वापर याबाबत मनोगत व्यक्त केले. यावेळी पुढे बोलताना ते म्हणाले कि,  नोकरीसाठी इंटरव्ह्यूला जाण्याअगोदर संबंधित  कंपनीबाबत व ज्या पदासाठी आपण नोकरीचा अर्ज करत असाल त्या पदाचे कामकाजाचे स्वरूप, जबाबदारी याबाबत  पुरेशी  माहिती करून घेणे   फायद्याचे ठरते. तसेच  इंटरव्हयु देताना तुम्हाला विचारल्या जाणाऱ्या  प्रश्नांची उत्तरे व्यक्तिगत पातळीवर न देता तुम्ही  ज्या पदासाठी अर्ज केला आहे त्या संबंधित पदावरील  व्यक्ती कशापद्धतीने त्या प्रश्नांना  उत्तरे देईल या मनोभूमिकेतून उत्तरे द्यायला हवीत असेही त्यांनी   सांगितले. तसेच प्रत्येकाने स्वतःच्या करिअरला  सहाय्यकारी ठरेल अशापद्धतीने स्वतःच्या व्यक्तिमत्वाची घडण करावी असेही नमूद केले.

याशिवाय वेबिनारच्या तिसऱ्या  वक्त्या  यशस्वी ग्रुपच्या मनुष्यबळ  व्यवस्थापिका मनिषा  खोमणे  यांनी  आपल्या मनोगतात   रेझ्युमे  व सादरीकरणाची  कौशल्ये परिणामकारक  कशी ठरू शकतात  याबद्दल मार्गदर्शन  केले, यावेळी बोलताना  त्या म्हणाल्या  कि, समोर येईल त्या आव्हानांना  सामोरे जाण्याची तयारी ठेवून कामात  बदल करायची वेळ आल्यास  तो सहजगत्या स्वीकारण्याची लवचिक मानसिकता जोपासणे  गरजेचे आहे. विशेषतः  आर्थिक संकट काळात  टिकून राहिल्याने ज्या ज्या  नवनवीन गोष्टी, बदल  हे स्वीकारावे लागतात  ते अंगिकारल्यामुळे पुढे जाऊन आपल्या  उज्वल भविष्यासाठी  असे अनुभव शिदोरी ठरतात.

या वेबिनारमध्ये  विविध व्यवस्थापन शास्त्र  महाविद्यालयांचे विद्यार्थी,प्राध्यापक  सहभागी  झाले होते, या वेबिनारसाठी समन्वयक म्हणून प्रा.अमर गुप्ता  यांनी काम पाहिले तर  आभारप्रदर्शन डॉ. वंदना मोहांती  यांनी केले.

पुणे :- पुणे विभागातील 10 हजार 455 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 16 हजार 469  झाली आहे. तर ॲक्टीव रुग्ण 5 हजार 269आहे. विभागात कोरोनाबाधीत एकुण 745 रुग्णांचा मृत्यू झाला आहे. तसेच 264 रुग्ण गंभीर असून उर्वरीत निरीक्षणाखाली आहेत. पुणे विभागामध्ये बऱ्या होणा-या रुग्णांचे प्रमाण 63.48 टक्के आहे, तर मृत्यूचे प्रमाण 4.52 टक्के आहे,अशी  माहिती विभागीय आयुक्त डॉ.दीपक म्हैसेकर यांनी दिली.

            यापैकी पुणे जिल्हयातील 12  हजार 919  बाधीत रुग्ण असून कोरोना बाधित 8  हजार 125  रुग्ण बरे होवून घरी गेले आहेत. ॲक्टीव रुग्ण संख्या 4 हजार 259 आहे. कोरोनाबाधित एकूण 535 रुग्णांचा मृत्यू झाला आहे. तसेच 264 रुग्ण गंभीर असून उर्वरित निरीक्षणाखाली आहेत. पुणे जिल्हयामध्ये ब-या होणा-या रुग्णांचे प्रमाण 62.89 टक्के आहे. तर मृत्यूचे प्रमाण 4.14 टक्के इतके आहे.

            कालच्या बाधीत रुग्णांच्या संख्येच्या तुलनेत  पुणे विभागात बाधीत रुग्णांच्या संख्येमध्ये एकूण 576 ने वाढ झाली आहे. यामध्ये पुणे जिल्ह्यात 530, सातारा जिल्ह्यात 21, सोलापूर जिल्ह्यात 24, कोल्हापूर  जिल्ह्यात 1 अशी रुग्ण संख्येमध्ये वाढ झालेली आहे.

            सातारा जिल्हयातील 766 कोरोना बाधीत रुग्ण असून 560 बाधित रुग्ण बरे होवून घरी गेले आहेत.        ॲक्टीव रुग्ण 171 संख्या  आहे. कोरोनाबाधित एकूण  35  रुग्णांचा मृत्यू झाला आहे.

            सोलापूर जिल्हयातील 1 हजार 811 कोरोना बाधीत रुग्ण असून 996 बाधित रुग्ण बरे होवून घरी गेले आहेत. ॲक्टीव रुग्ण संख्या 655 आहे. कोरोना बाधित एकूण  160 रुग्णांचा मृत्यू झाला आहे.

            सांगली जिल्हयातील कोरोना बाधीत 247 रुग्ण असून 130 बाधित रुग्ण बरे होवून घरी गेले आहेत.       ॲक्टीव रुग्ण 110 संख्या  आहे. कोरोना बाधित एकूण 7  रुग्णांचा मृत्यू झाला आहे.

            कोल्हापूर जिल्हयातील  कोरोना बाधीत 726 रुग्ण असून 644 बाधित रुग्ण बरे होवून घरी गेले आहेत.   ॲक्टीव रुग्ण संख्या 74 आहे. कोरोना बाधित एकूण 8  रुग्णांचा मृत्यू झाला आहे.

            आजपर्यत विभागामध्ये एकुण 1 लाख 24 हजार 612 नमूने तपासणीसाठी पाठविण्यात आले होते, त्यापैकी 1  लाख 20 हजार 314  नमुन्यांचा अहवाल प्राप्त झाला आहे. तर 4  हजार 297 नमून्यांचा अहवाल प्रतीक्षेत आहे. प्राप्त अहवालांपैकी 1  लाख 3 हजार 585 नमून्यांचा अहवाल निगेटीव्ह असून 16 हजार 469  नमून्यांचा अहवाल पॉझिटिव्ह आहे.        

( टिप :- दि. 17 जून 2020 रोजी दुपारी 3.00 वा. पर्यंतच्या आकडेवारीनुसार )

पुणे, दि.17 : कोरोनाच्या पार्श्वभूमीवर रुग्णालयाच्या आढावा घेण्यासाठी वैद्यकीय अधिकाऱ्यांचे पथक तयार करा, अशा सूचना विभागीय आयुक्त डॉ. दीपक म्हैसेकर यांनी दिल्या.

            कोरोना विषाणू प्रार्दुभाव निर्मूलन आढावा बैठक विभागीय आयुक्त डॉ. दिपक म्हैसेकर यांच्या अध्यक्षतेखाली विभागीय आयुक्त कार्यालयात घेण्यात आली. यावेळी ते बोलत होते. बैठकीस जिल्हाधिकारी नवल किशोर राम, महानगरपालिका आयुक्त शेखर गायकवाड, साखर आयुक्त सौरभ राव, अतिरिक्त आयुक्त शांतनू गोयल, आदिवासी संसोधन व प्रशिक्षण संस्थेच्या आयुक्त पवनीत कौर, सहायक धर्मादाय आयुक्त नवनाथ जगताप, उपायुक्त संजयसिंह चव्हाण, महापालिकेच्या सहायक आरोग्य प्रमुख डॉ. संजीव वावरे, सहायक वैद्यकीय अधिकारी डॉ. मनीषा नाईक आदि उपस्थित होते.

            विभागीय आयुक्त डॉ. म्हैसेकर म्हणाले, कोविड-19 च्या अनुषंगाने रुग्णांवर उपचार करीत असलेल्या रुग्णालयांचे लेखापरीक्षण करणे गरजेचे आहे. काही खाजगी रुग्णालय कोरोना बाधित रुग्णांवर उपचार करीत नसल्याच्या तक्रारी प्राप्त होत आहेत. तसेच काही खाजगी रुग्णालय कोरोना बाधित रुग्णांवर उपचार केल्यानंतर वाढीव दर आकारणी करीत असल्याच्याही तक्रारी प्राप्त झाल्या आहेत. याबाबी गंभीर असून कायद्याचे उल्लघंन करण्याऱ्या आहेत. रुग्णांवर उपचाराअंती देण्यात येणाऱ्या वैद्यकीय देयकांची तपासणी करण्यासाठी पाच अप्पर जिल्हाधिकाऱ्यांची नेमणूक करण्याबरोबरच कोरोना बाधित रुग्णांवर उपचार नाकारणाऱ्या रुग्णालयांवर कायदेशीर कारवाई करण्याच्या सूचनाही डॉ. म्हैसेकर यांनी यावेळी दिल्या.

            या बैठकीत कोवीड-19 च्या अनुषंगाने परिस्थिती नियंत्रणात आणण्यासाठी करण्यात येणाऱ्या उपाययोजनांबाबत चर्चा करण्यात आली. 21 मे रोजीच्या शासन निर्णयानुसार खाजगी रुग्णालयातील 80 टक्के खाटा आरक्षित करणे. त्याचबरोबर रुग्णालयातील उपलब्ध असलेले बेडस्, व्हेंटिलेटर, आयसीयू बेड, खाजगी रुग्णालयात आरक्षित असलेले विलगीकरण कक्ष तसेच रुग्णालयात रुग्णांवर उपचार केल्यानंतर देण्यात येणाऱ्या खर्चाबाबतचा आढावाही घेण्यात आला.

अतुल पवळे पुणे
कोरोनाच्या पाश्वभूमीवर सगळीकडे लाॅकडाऊन करण्यात आले होते. तेव्हापासून एन डी ए प्रशासनाने अहिरे गाव व जवळपासच्या सगळ्या वाड्यांना व नागरिकांना त्यांच्या हद्दीतून जा ये करण्यास काही कडक नियम घातले आहे. आता संपूर्ण देशात नियमांमध्ये शिथिलता करण्यात आल्या आहेत, तरी प्रशासन मात्र जुन्याच नियमानुसार चालत आहे. वेळेची बंधन देखील पूर्वीचीच लावत आहे. या भागातील लोक शेतकरी असल्याने त्यांना बि बियाणे व शेतीसंबंघी काही खरेदी करायची असल्यास सकाळी यावं लागत आहे, परंतु परत जाण्यासाठी मात्र संध्याकाळपर्यंत थांबावे लागत आहे. या सगळ्याचा नागरिकांना त्रास सहन करावा लागत आहे, यासाठी शिवसेनेच्या वतीने नितीन वाघ माजी पंचायत समिती सदस्य यांनी पुणे जिल्हाधिकारी व तहसीलदार यांना निवेदन दिले, यामध्ये वेळेच बंधन वाढविण्यासाठी मागणी केली व नियमांमध्ये शिथिलता देण्याबाबत विनंती केली आहे.

अतुल पवळे पुणे
प्रभाग क्रमांक १७मधील नवशांती निकेतन सोसायटी, मिरॅकल हौसिंग सोसायटी, चैतन्य पार्क सोसायटी येथील आवारात मोठ्या प्रमाणात ५ते ६ दिवसापासून कचरा असल्याची तक्रार मनसेचे चिंचवड विधानसभा उपविभाग अध्यक्ष प्रविण माळी यांच्याकडे तेथील स्थानिक नागरिकांनी केली. याची दखल घेऊन प्रविण माळींनी संबंधित अधिकार्यांशी बोलून तक्रारीचे निवारण केले व अधिकार्यांनी एक तासाच्या आत ३ घंटागाड्या पाठवून तेथील समस्या सोडविण्यासाठी सहकार्य केले.