घोडेगाव परीसरामध्ये विना मास्कचे फिरताना आढळल्यास दंडात्मक कारवाई करणार- प्रदिप पवार

सिताराम काळे- राज्यामध्ये कोरोना विषाणुचा प्रादुर्भाव दिवसेंदिवस वाढत असल्याने घोडेगाव व घोडेगाव परीसरामध्ये नागरिक विना मास्कचे फिरताना आढळल्यास त्यांच्याकडून दंड वसुल करण्यात येणार असल्याचे सहायक पोलीस निरीक्षक प्रदिप पवार यांनी सांगितले.

कोरोनाचा संसर्ग रोखण्यासाठी नागरिकांनी सुरक्षित अंतर व मास्क घालणे या नियमांचे पालन करण्याच्या सूचना प्रशासनाकडून दिल्या जात आहेत. तरीही अनेक ठिकाणी नियमांचे पालन केले जात नसल्याचे दिसून येत आहे. तसेच अनेकजण मास्क न घालता बाहेर फिरताना दिसत आहेत. त्यामुळे पोलीसांकडून मास्क न घालणा-यांवर कारवाईला दि. १८ (गुरूवार) पासून पुन्हा जोरदार सुरवात करणार असून त्यांच्याकडून दंड वसुल करण्यात येणार आहे. याबाबतची माहिती नागरिकांना ध्वनीक्षेपकाव्दारे सहायक पोलीस निरीक्षक प्रदिप पवार यांनी दिली आहे.