आंबेगाव तालुक्यातील १४ गावे झाली कोरोनामुक्त

Ad 1

 

निरगुडसर : प्रतिनिधी

आंबेगाव तालुक्यातील कोरोना बाधित व्यक्तिंनी उपचारास उत्तम प्रतिसाद दिला असून आतापर्यंत ३७ रुग्ण बरे होऊन घरी गेले आहेत तर उर्वरित ६ रुग्ण ही लवकरच बरे होऊन घरी जातील असे आरोग्य विभागाच्या वतीने सांगण्यात आले आहे.आंबेगाव तालुक्यातील सतरा गावांमध्ये कोरोना चे रुग्ण आढळून आले होते यातील आता १४ गावे कोरोना मुक्त झाले आहेत

आंबेगाव तालुक्यात गेल्या दोन-तीन दिवसात कोरोना रुग्णांची वाढ झाली नसून एकूण ३७ रुग्ण बरे झाले आहेत आतापर्यंत तालुक्यात ४४ कोरोना पॉझिटीव्ह व्यक्तिंची नोंद झाली असून यातील आतापर्यंत ३७ रुग्ण बरे होऊन घरी गेले आहेत.व नारोडी येथील एक रुग्ण मयत झाला आहे.त्यानंतर दि ११ रोजी पारगाव येथील १ व दि १२ रोजी निरगुडसर येथील ५ व अवसरी बुद्रुक येथील १ असे एकूण ७ रुग्ण बरे होऊन घरी गेले आहेत तर उर्वरित वडगाव येथील १ ,गिरवली येथील ४,व चपटेवाडी येथील १ असे सहा रुग्ण रुग्णालयात उपचार घेत आहेत. उर्वरित सहा रुग्ण उपचारांना प्रतिसाद देत असून त्यांची प्रकृती उत्तम आहे त्यामुळे तेही लवकरच बरे होऊन घरी येतील व आंबेगाव तालुका कोरोना मुक्त होईल अशी आशा तहसीलदार रमा जोशी,गटविकास अधिकारी जालींदर पठारे व तालुका आरोग्य अधिकारी डॉ. सुरेश ढेकळे यांनी व्यक्त केली आहे.

आंबेगाव तालुक्यातील साकोरे, शिनोली, जवळे, पिंगळवाडी, वळती, घोडेगाव, एकलहरे, उगलेवाडी, नारोडी, पेठ ,मंचर, पारगाव, निरगुडसर, अवसरी बुद्रुक, ही चौदा गावे करुणा मुक्त झाली असून उर्वरित वडगाव, गिरवली, चपटेवाडी येथील सहा रुग्णावर उपचार सुरू असून पुढील काही दिवसात हे रुग्ण देखील बरे होऊन घरी येतील व आंबेगाव तालुका कोरणा मुक्त होईल अशी भावना तालुक्यातील नागरिकांनी व्यक्त केली आहे.