प्रेमसंबंधातून अल्पवयीन मुलीच्या गळ्यावर धारदार शस्त्राने जीवघेणा हल्ला

सुरेश बागल -कुरकुंभ ( ता. दौंड ) येथील मळद तलावा जवळील प्रेम संबंधातून अल्पवयीन मुलीच्या गळ्यावर धारदार शस्त्राने वार करून जिवे मारण्याच्या प्रयत्न करणाऱ्याला तरुणाला पोलिसांनी ग्रामस्थांच्या मदतीने पाठलाग करून ताब्यात घेतले आहे.

पुणे सोलापूर महामार्गावर अशी ही भयंकर घटना घडलेली आहे.दरम्यान या हल्ल्यात ती मुलगी बचावली असून तिला दौंड येथील खाजगी रुग्णालयात दाखल करण्यात आले आहे.

राहुल निरजे (वय २७ वर्षे रा. खटाव, जि. सांगली सध्या रा. पुणे ) असे अटक केलेल्या तरुणाचे नाव आहे.

याबाबत अशी माहिती की हे दोघेही दुचाकी वरून हडपसर येथून पुणे सोलापूर राष्ट्रीय महामार्गावरून कुरकुंभ हद्दीतील मळद तलावाजवळ आले होते.

मुलीच्या घरच्यांनी मागील दोन वर्षापासून लग्नासाठी चालढकल या दोघांमध्ये वाद झाला होता.
या वादातून या तरुणाने या मुलीच्या गळ्यावर धारदार शस्त्राने हल्ला केला. या हल्ल्यात ती मुलगी जखमी झाली आहे. त्या क्षणी मुलीवर वार करून तो तरुण पळून जात असताना ग्रामस्थांनी पाहिले व ग्रामस्थांना संशय आल्याने त्यांनी तात्काळ पोलिसांना कळविले . पोलिसांनी ग्रामस्थांच्या मदतीने पाठलाग करून उसाच्या शेतात या तरुणाला पकडले.पोलिसांनी या तरुणाला रंगेहात पकडले व या घटनेचा पुढील तपास पोलीस करत आहेत.