शिरोलीत तिथीनुसार शिवजयंती उत्साहात साजरी

राजगुरूनगर – शिरोली (ता.खेड) गेल्या अनेक वर्षापासुन एक गाव एक शिवजयंती उत्सव साजरा करण्यात येतो.गेली दोन वर्षे कोरोनामुळे शिवजयंती उत्सव छोट्या स्वरुपात साजरा केला .

यंदा कोरोना कमी झाला आणि शासनाने निर्बध हटवले. त्यामुळे शिवभक्तांनी मोठ्या उत्साहात शिवजयंती साजरी केली.किल्ले शिवनेरी गडावरुन सकाळी शिवज्योतीचे आगमन झाले .

दिवसभर विविध कार्यक्रमाचे आयोजन करण्यात आले होते.सकाळी मोरया ब्लड बँक यांच्या सहकार्याने रक्तदान शिबीर , केअरवेल हॉस्पिटल चाकण यांच्या सहकार्याने आरोग्य शिबीर आयोजित केले होते.

सायंकाळी ढोल ताशा, आकर्षक विद्युत रोषणाई सह भव्य दिव्य रथातुन छत्रपतींच्या मुर्तीची मिरवुक काढण्यात आली.

यावेळी गावातील महीला , पुरुष लहान मुले पारपांरीक वेशभुषा परीधान करुण मिरवणुकीत सहभाग घेतला होता.
छोट्या मावळ्यांनी छत्रपती शिवाजी महाराज, संभाजी महाराज यांचे काव्य सादर करुण शेवटि शिववंदना घेऊन कार्यक्रम संपन्न झाला.