निरगुडसर : प्रतिनिधी
कोरोनाच्या पार्श्वभूमीवर मद्यविक्री व वाहतूक बंद असतानाही आंबेगाव तालुक्यातील वडगाव कांशिबेग गावच्या हद्दीत देशी दारूची वाहतूक करणाऱ्यावर मंचर पोलिसांनी कारवाई करून २४९६ रुपये किमतीची दारू व दारू वाहतूक करणारी मारुती सुझुकी कंपनीची इको गाडी जप्त केली आहे.
याबाबत सविस्तर माहिती अशी की रविवार दि १४ रोजी ५वा.चे. सुमारास मंचर पोलीस ठाण्याचे पोलिस कॉन्स्टेबल के.एस.पाबळे ,पो.ह.मांडवे कोरोनाच्या पार्श्वभूमीवर वडगाव काशिंबेग फाटा येथे चेक पोस्टवर नाकाबंदी करत असताना मंचर वरून वडगाव काशिंबेग येथे येणारी गाडी इको एम एच ०६ ए.झेड. ४७४५ जोरात येताना दिसली त्यावेळी ही गाडी थांबवली असता गाडीतील तिघेजण पळून गेले गाडीची तपासणी केली असता गाडीमध्ये २४९६ रुपये किमतीच्या देशी दारूचे बॉक्स आढळून आले.तिथे उपस्थित असलेल्या लोकांना पळून गेलेल्या व्यक्तींची नावे विचारली असता त्यांनी किरण अरुण कळंबे, निलेश रत्नाकर कळंबे, उद्धव अशोक कळंबे ,( सर्व राहणार वडगाव काशिंबेग ता.आंबेगाव पुणे )असे सांगितले.पोलिसांनी देशी दारू चे बॉक्स व मारुती सुझुकी कंपनीची ईको गाडी ताब्यात घेतली असून सदर घटनेबाबत मंचर पोलीस ठाण्याचे पोलीस कॉन्स्टेबल कृष्णदेव पाबळे यांनी मंचर पोलीस ठाण्यात फिर्याद दिली असून पुढील तपास मंचर पोलिस करत आहेत.
