कुंभार समाज युवा आघाडीच्या वतीने १२१ विद्यार्थ्यांना शैक्षणिक साहित्य वाटप

Ad 1

 

प्रतिनिधी : निरगुडसर

एक हात मदतीचा..एक हात कर्तव्याचा”म्हणत आंबेगाव तालुक्यातील कुंभार समाजातील मुलांना शैक्षणिक मदत करण्याचे आवाहन केले असता याला उत्स्फूर्त प्रतिसाद देत आंबेगाव तालुका कुंभार समाज अध्यक्ष ज्ञानेश्वर विठ्ठल चव्हाण व शरद सोमवंशी याच्या मार्गदर्शना खाली आंबेगाव तालुक्यातील आंबेगाव तालुका कुंभार समाज युवा आघाडीच्या वतीने तालुक्यातील कुंभार समाजाच्या १२१ गरजू विध्यार्थ्यांना शैक्षणिक साहित्य वाटप करण्यात आले.

कोरोनाच्या प्रादुर्भवामुळे लॉकडाऊन मध्ये विस्कटलेली आर्थिक घडी व चक्री वादळाचा बसलेला तडाखा या दुहेरी संकटामध्ये कुंभार समाज सापडला होता.त्या अनुषगाने
या समाजाच्या मुलांसाठी मदतीचा हातभार लागावा म्हणून युवक संघटनेच्या वतीने आवाहन करण्यात आले होते या आवाहनाला समाजाच्या होतकरू तरुणांनी उत्स्फूर्तपणे प्रतिसाद देत तालुक्यातील इयत्ता १ ली ते १० वी पर्यतच्या १२१ गरीब व गरजू विध्यार्थ्यांना सुमारे ४० हजार रुपयांचे शालोपयोगी साहित्य वाटप करण्यात आले.

वहीचे पान हा फक्त कोरा कागद नसून उज्वल भविष्य घडविण्याची ग्वाही असून कुंभार समाजातील मुलांना मिळालेल्या साहित्यामुळे त्यांच्या चेहऱ्यावरील आनंद हा आम्हास प्रेरणा देणारा असून या पुढील काळात कुंभार समाजातील सन २०२० मध्ये दहावी व बारावी मध्ये सर्वात्तम मार्क मिळवणाऱ्या विद्यार्थ्यांचा आंबेगाव तालुका कुंभार समाजाच्या वतीने योग्य सत्कार करण्यात येईल असे कुंभार समाज महाराष्ट्र प्रदेश अध्यक्ष सतीश दरेकर यांनी सांगितले.