Download WordPress Themes and plugins.
Free Download Nulled WordPress Themes and plugins.
उरुळी कांचन
अखिल भारतीय मराठा महासंघ पुणे जिल्हा, भवानीशंकर सोशल फाउंडेशन, पोलीस फ्रेंड्स वेल्फेअर असोसिएशन यांच्या संयुक्त विद्यमाने श्रीक्षेत्र भुलेश्वर येथे चौथ्या श्रावणी सोमवार निमीत्ताने २५ बेलाची झाडे गडावर मंदिर परिसरामध्ये लावण्यात आली. यावेळी प्रमुख पाहुणे म्हणून अखिल भारतीय मराठा महासंघ संलग्न इतिहास संशोधन मंडळ प्रदेशाध्यक्ष प्रवीणदादा गायकवाड, व साहित्यिक लेखक दशरथ यादव, पुरंदर तालुका इतिहास संशोधन मंडळ अध्यक्ष अमित पवार हे उपस्थित होते.
दौंड तालुका मराठा महासंघ उद्योग व्यापार आघाडीचे अध्यक्ष सुरज चोरगे यांच्या वाढदिवसाच्या निमित्ताने झाडांचे सौजन्य देण्यात आले.
यावेळी पुणे जिल्हाध्यक्ष प्रशांत वांढेकर, जिल्हा युवक अध्यक्ष मयूरआबा सोळसकर, उद्योग व्यापारी आघाडी अध्यक्ष सुरज चोरगे, दौंड तालुका अध्यक्ष दिनेश गायकवाड, वकील आघाडी अध्यक्ष अजित दोरगे, विद्यार्थी अध्यक्ष समीर लोहकरे, युवक कार्याध्यक्ष श्रीकांत जाधव, उद्योग व्यापार आघाडी सचिव चंद्रकांत आहेरकर, दौंड तालुका महिला आघाडी उपाध्यक्ष रोहिणीताई दोरगे, विद्यार्थी सचिव सुरज आखाडे, हवेली तालुका अध्यक्ष अतुल मोरे, दौंड तालुका बहुजन आघाडी उपाध्यक्ष रोहित कांबळे, हवेली तालुका शेतकरी आघाडी अध्यक्ष कुंदन कुंजीर, पुरंदरचे पदाधिकारी एकनाथ खेडेकर, योगेश मोकाशी, पाटस मराठा महासंघाचे बाबा कड, देवस्थानचे पुजारी विनय गुरव हे होते.
दर श्रावण सोमवारी विविध उपक्रमाचे आयोजन केले होते. यावेळी भांडगाव येथील सौ.रोहिणीताई लक्ष्मण दोरगे यांची अखिल भारतीय मराठा महासंघ महिला आघाडी दौंड तालुका उपाध्यक्षपदी निवड करण्यात आली. त्यामध्ये पहिल्या श्रावण सोमवारी भाविकांना तुळशी रोपांचे वाटप, दुसरा श्रावणी सोमवार निमीत्ताने भाविकांना फराळ चिवडा वाटप, तिसऱ्या सोमवार निमित्ताने पोलीस पत्रकार बांधव यांच्या सोबत रक्षाबंधन व चिक्की वाटप, तर आज चौथ्या श्रावणी सोमवार निमीत्ताने बेलांचे वृक्षारोपण करण्यात आले. विविध उपक्रमाचे हे भुलेश्वर येथील सहावे वर्ष आहे. असे यावेळी जिल्हा युवक अध्यक्ष मयूर सोळसकर यांनी सांगितले.
Download WordPress Themes Nulled and plugins.