युनिट ऑफ द मंथ पुरस्काराने युनिट ६ चा गौरव

गणेश सातव,वाघोली, पुणे

पुणे शहर पोलीस आयुक्तालया अंतर्गत असणाऱ्या गुन्हे शाखा युनिट- ६ ला ‘युनिट ऑफ द मंथ’ पुरस्काराने गौरवण्यात आले आहे.

पुणे पोलीस आयुक्तालयात आयोजित करण्यात आलेल्या छोटेखानी कार्यक्रमात पुणे शहर पोलीस आयुक्त अमिताभ गुप्ता यांच्या हस्ते गुन्हे शाखा युनिट ६ चे पोलीस निरिक्षक गणेश माने व सर्व पोलीस कर्मचारी वृंदांचा सदर पुरस्कार देऊन सन्मान करण्यात आला.

दर महिन्यात सर्व गुन्हे शाखांच्या कामगिरीचे मुल्यमापन करण्यात येते.केलेल्या मुल्यमापनात गुन्हे शाखा युनिट ६ ने धडाकेबाज कामगिरीच्या जोरावर पुरस्काराची मोहर उमटवली आहे.

यावेळी अप्पर पोलीस आयुक्त अशोक मोराळे,उपायुक्त श्रीनिवास घाडगे उपस्थित होते.