वडजाई येथील जिल्हा परिषद शाळेत ‘जागतिक योग दिन’ उत्साहात साजरा

गणेश सातव,वाघोली

९ वा जागतिक योगदिन वडजाई(आव्हाळवाडी,ता-हवेली) जिल्हा परिषद शाळेत उत्साहात संपन्न झाला.शाळेतील शिक्षक गणेशानंद दराडे यांनी योग व प्राणायामाची विविध प्रात्यक्षिके दाखवून विद्यार्थ्यांकडून योग कृती करून घेतली. योग पूर्वतयारी,विविध योगासने वज्रासन,बद्ध पद्मासन,मकरासन, भुजंगासन, पर्वतासन,ताडासन, मयुरासन,पवनमुक्तासन,शवासन इ.त्याचप्रमाणे अनुलोम विलोम,भसरीका,भ्रमरि इ.प्राणायाम प्रकार विद्यार्थ्यांनी मोठ्या आनंदाने केली.

मुलांच्या चेहऱ्यावर आनंद व उत्साह दिसून येत होता.यानंतर पुढेही प्रत्येक शनिवारी व्यायाम,कवायतीबरोबरचं योग व प्राणायाम सुद्धा करायचे अशी उस्फुर्त भावना विद्यार्थ्यांनी बोलावून दाखवली.मुख्याध्यापक शंकर बडे यांनी जागतिक योग दिनाच्या सर्व विद्यार्थ्यांना शुभेच्छा देऊन, दैनंदिन जीवनात योग कसा महत्त्वाचा आहे, योगामुळे आपल्या शरिर व मनाच्या शक्तीला किती फायदा होऊ शकतो याची सविस्तर माहिती दिली.