अजिंक्य चॅरिटेबल फाउंडेशन कडून स्वातंत्र्याचा अमृत महोत्सव साजरा

उरुळी कांचन

अजिंक्य चॅरिटेबल फाउंडेशन संचलित, महादेव कांचन कॉलेज ऑफ फार्मास्युटिकल एज्युकेशन अॅन्ड रिसर्च, डॉ. अस्मिता प्राथमिक माध्यमिक व उच्च माध्यमिक विद्यालय, डॉ. अस्मिता इंटरनॅशनल इंग्लिश मेडिअम स्कुल, प्रतिभाताई स्कुल ऑफ नर्सिंग, उरुळी कांचन यांच्या संयुक्त विद्यमाने स्वातंत्र्याचा अमृत महोत्सव मोठ्या उत्साहाने पार पडला. यावेळी विद्यालयाच्या प्रांगणात प्रभात फेरी, राष्ट्रीय गीत, मानवंदना, सामूहिक कवायत, नृत्य, गुणवंत विद्यार्थ्यांचा सत्कार आदी कार्यक्रमाचे आयोजन करण्यात आले होते.

उत्तराखंड चे राज्य पोलिस महानिरीक्षक आनंत शंकर ताकवले यांच्या हस्ते ध्वजवंदन करण्यात आले. यावेळी अजिंक्य चॅरिटेबल फाउंडेशनचे सचिव डॉ. अजिंक्य कांचन, ग्रामपंचायत सदस्या ऋतुजा अजिंक्य कांचन, अक्षय महाजन, मिलिंद महाजन, उमेश शाह, सावता वाघमारे, शामशेठ शेंडे, अस्मिता बहिरट, रत्नप्रभादेवी भोर, आप्पासाहेब जगदाळे, प्राचार्य, शिक्षक, कर्मचारी, विद्यार्थी, पालक मोठ्या संख्येने उपस्थित होते.