पोलिसांनी पकडलेल्या ट्रकमधील वाळूची रातोरात झाली क्रश्ड खडी

शिक्रापूर : तळेगाव ढमढेरे ता. शिरूर येथील महसूल विभागाच्या ताब्यातील अन्नधान्य गोडाऊनमधील वाळूचे चार ट्रक चोरीला गेल्याचे प्रकरण ताजे असतानाच आता पुन्हा शिरूर तालुक्यातील शिक्रापूर पोलीस स्टेशनमध्ये लावण्यात आलेल्या वाळूच्या ट्रक मध्ये वाळू ऐवजी रातोरात वाळूच्या जागेवर क्रश्ड अर्थात बारीक खडी आल्याची जादू घडली असल्याचा धक्कादायक प्रकार समोर आला आहे. या प्रकारामुळे शिरुर तालुक्यात महसुल आणि पोलिसांचे चाललय तरी काय हा प्रश्न निर्माण झाला आहे.

शिक्रापूर ता. शिरूर येथे २२ जुलै रोजी पहाटेच्या सुमारास अवैध्य रित्या वाळू वाहतूक करणारा एम एच १४ एच जि ७२९१ क्रमांकाचा ट्रक स्थानिक गुन्हे अन्वेषण विभागाच्या पथकाने पकडून शिक्रापूर पोलिसांच्या ताब्यात दिला होता, तर याबाबत शिक्रापूर पोलीस स्टेशन येथे लेखी स्वरुपात माहिती देखील स्थानिक गुन्हे अन्वेषण विभागाच्या पथकाने सदर ट्रक चालकाचे नाव देखील पोलिसांना दिले होते, यांनतर पोलिसांनी

याबाबत महसूल विभागाला कल्पना दिल्यानंतर शिरुरच्या तहसीलदार लैला शेख यांच्या आदेशाने शिक्रापूर गाव कामगार तलाठी अविनाश जाधव यांनी या गाडीत वाळू असल्याबाबत पंचनामा केला असल्याची माहिती मिळाली आहे. परंतु आता शिक्रापूर पोलीस स्टेशन मध्ये उभ्या असलेल्या गाडीमध्ये या वाळूच्या जागेवर चक्र क्रशंड असल्याचे दिसून येत आहे त्यामुळे पोलीस स्टेशन मध्ये रातोरात वाळूची क्रशंड खडी झाली कशी हा प्रश्न निर्माण झाला आहे. तसेच अद्याप पर्यंत याबाबत कोणताही गुन्हा शिक्रापूर पोलीस स्टेशनमध्ये दाखल नाही. परंतु पोलीस स्टेशनमध्ये उभ्या असलेल्या ट्रक मध्ये वाळू ऐवजी क्रशंड दिसून येत असल्याने आच्छर्य व्यक्त होत आहे, याबाबत बोलताना सदर प्रकाराबाबत कोणतीही माहिती नसून वाळू व्यावसायिकांनी त्यांचा दंड चुकविण्यासाठी ट्रक मध्ये वाळूच्या वर क्रशंडचा थर दिला असावा असा अंदाज पोलिसांनी वर्तविला आहे परंतु पोलीस स्टेशन मध्ये असे प्रकार होत असताना पोलिसांच्या साथीमुळेच शक्य असल्याचे बोलले जात आहे तर याबाबत शिरूरच्या तहसीलदार लैला शेख यांच्याशी संपर्क साधला असता सदर वाहन पोलीस स्टेशनमध्ये उभे आहे त्यामुळे याबाबत काय ते पोलिसांनाच माहिती आम्ही काही सांगू शकत नाही असे तहसीलदार लैला शेख यांनी सांगितले.

Previous articleअखिल भारतीय मराठा महासंघ करणार संपूर्ण दौंड निर्जंतुकीकरण केले जाणार
Next articleपत्रकारांवर चुकीचे गुन्हे दाखल होऊ नयेत अशी” जुन्नर तालुक्यातील पत्रकारांची मागणी