Download WordPress Themes and plugins.
Free Download Nulled WordPress Themes and plugins.
अमोल भोसले,उरुळी कांचन—प्रतिनिधी
ग्रामिण भागात सध्या मोठ्या प्रमाणात कोरोना बाधित आढळून येत आहेत. यामुळे संसर्ग बाढण्याची शक्यता लक्षात घेता त्यावर तात्काल नियंत्रण करणे व विषाणूच्या संसंर्गांत अधिक वाढ होवू नये म्हणून तात्काळ उपाय याजना आखणे आवश्यक आहे, सदर रुग्णांमुळे आपत्तीजनक परिस्थिती निर्माण होवू नये व पॉझिटीव्ह रूग्णांना तात्काळ उपचार मिळावेत म्हणून हवेली तालुक्यातील आणखी ३ खाजगी रूग्णालयातील ८० टक्के बेड, व्हेंटीलेटर्स व आयसीयू अधिग्रहीत करण्याचे आदेश हवेली उपविभागीय अधिकारी सचिन बारवकर यांनी गुरुवार ( १६ जुलै ) रोजी दिले आहेत. सदर अधिप्रहीत केलेल्या ८० टक्के बेड, व्हेटीलेंटर्स व आयसीयू मध्ये कोरोना बाधित वगळता कोणताही अन्य रुग्ण ठेवता येणार नाही. यापुर्वी तालुुुक्यातील १० रूग्णालये अधिग्रहीत करण्यात आली आहेत.
निसर्गोपचार केंद्र ( उरुळीकांचन ), लोटस हॉस्पिटल ( शेवाळेवाडी फाटा ) व योग मल्टीस्पेशालीटी हॉस्पिटल ( मांजरी बुद्रुक ) ही तीन रूग्णालये अधिग्रहीत करण्यात यावीत असे आदेश पंचायत समिती हवेलीचे गटविकास अधिकारी, तहसिलदार तसेच हडपसर व ऊरूळी कांचनचे मंडल अधिकारी व शेवाळवाडी , उरुळी कांचन, मांजरी बुद्रुक व हडपसरचे गावकामगार तलाठी यांना देण्यात आले आहेत.
यापुर्वी ८ जुलै रोजी भारत संस्कृती दर्शन ट्रस्ट, आयमॅक्स हॉस्पिटल, लाईफ लाईन हॉस्पिटल व केअर हॉस्पीटल ( वाघोली ), पल्स हॉस्पिटल ( न-हे ), महेंश स्मृती हॉस्पिटल ( शेवाळेवाडी ), प्रयागधाम हॉस्पिटल व चिंतामणी हॉस्पिटल ( कोरेगावमुळ ), श्लोक हॉस्पिटल ( शिवापूर ), शिवम हॉस्पिटल ( कदमवाकवस्ती ), नवले हॉस्पिटल ( न-हे ), विश्वराज हॉस्पिटल ( लोणी काळभोर ) ही १० रूग्णालये अधिग्रहीत करण्यात आली आहेत. यांतील एकूण १७५७ बेड, ६३ आयसीयू व २० व्हेंटीलेटर्स कोरोना रूग्णांसाठी उपलब्ध झालेली आहेत. यामध्ये वरिल ३ रूग्णालयांची भर पडली आहे. यामुळे आरोग्य विभागास बाधित व त्याचे संपर्कात आलेल्या नातेवाईक व इतरांना तात्काळ उपचार देेेण्यास मदत होणार आहे.
Download WordPress Themes Nulled and plugins.