परप्रांतीय ट्रॅक्टरवरील कर्णकर्कश साऊंडच्या आवाजाचा नागरिकांना त्रास

राजगुरुनगर : शेतीकामाच्या नावाखाली बाहेरच्या तालुक्यांतून आलेल्या अनेक ट्रॅक्टर चालकांनी वेगवेगळ्या गावांमध्ये आपले बस्तान बसवले असून रस्त्यावरुन जाता येताना मोठमोठ्या व कर्णकर्कश आवाजात गाणी वाजवत रस्त्यावरील सुरक्षितता धोक्यात आणली आहे.

कोरोना काळात विद्यार्थ्यांना घरच्या घरी ऑनलाइन व ऑफलाईन अभ्यास करावा लागत असून या ट्रॅक्टर वरील गाण्यांमुळे विद्यार्थ्यांना,आजारी व्यक्तीना व वयोवृदधांना देखील नाहकच त्रास होत आहे.पोलिस
प्रशासनाने गावोगावच्या पोलिस पाटील व ग्राम पंचायतींच्या माध्यमातून अशा ट्रॅक्टर चालकांचा शोध घेऊन अशांवर ध्वनिप्रदुषण कायद्यानुसार कारवाई करावी व ट्रॅक्टरवरील साऊंड सिस्टीम जप्त करून ताब्यात घ्याव्यात अशी जनतेची मागणी आहे.