रंभा चॅरिटेबल ट्रस्ट व दमानी कुटुंबीय यांच्याकडून खेड तालुक्यातील पूर्व भागात मोफत किरणा किटचे वाटप

राजगुरूनगर- मध्यंतरीच्या कोरोनाचा पार्दुभार्व वाढल्याने गरिब कुटुंबियांचा रोजगार बुडाला आहे. उपासमार होऊ होऊ नये म्हणून रंभा चॅरिटेबल ट्रस्ट व दमानी कुटुंबीय यांच्याकडून खेड तालुक्याच्या पुर्व भागात १४८ कुटुंबियांना मोफत किरणा किट वाटप करण्यात आले आहे.

निराधार महिला, अपंग व्यक्ती, पोषणाची गरज असणारी बालके, गरोदर व स्तनदा माता यांच्याबरोबरच आदिवासी, स्थलांतरित, शेतमजूर आणि भूमिहीन अशा कुटुंबांची होणारी दयनीय अवस्था लक्षात घेऊन याचाच एक भाग म्हणून ट्रस्टने दावडी गावातील ठाकर वस्ती भागात ४८ कुटुंबाना व जाऊळके बुद्रुक (ता खेड ) मधील ठाकर वस्ती, पारधी वस्तीमधील १०० कुटुंबांना धान्य वाटप करण्यात आले. एका कुटुंबास महिनाभर उपयोगी असे धान्य व स्वच्छता साहित्य किट देण्यात आले त्यामध्ये एकूण ११ जीवनावश्यक वस्तुचा समावेश आहे. या परिसरातील कुटुंबांचा सर्व्हे करून गरजू कुटूंबाची यादी बनवली गेली व त्यानुसार दिलेले हे साहित्य गुणवत्तापूर्ण व महिनाभर पुरेसे असल्यामुळे लाभार्थी कुटुंबांनी समाधान व्यक्त करित आहे.

१० किलो गहू, ८ किलो , तांदूळ २, खाद्य तेल १ किलो, हरभरा १ किलो , हरभरा डाळ १ किलो , मसूर डाळ१ किलो, दिड किलो साखर, १०० ग्रॅम चहा पावडर , २ नग कपड्याचे साबण, २ नग हात धुण्यासाठी साबण, १ पॅकेट राजगिरा लाडू या वस्तु चा समावेश आहे.

यावेळी सी एस आर कार्यक्रम व्यवस्थापक रणजित पुजारी, सदाशिव आमराळे, संतोष गव्हाणे, निलेश शिंदे, साहेबराव गाडगे, महेंद्र ओव्हाळ, सुनिल गव्हाणे, मनोज बोत्रे व राजू मुलाणी उपस्थित होते.अंगणवाडी सेविका मीनाक्षी कराळे, सुनीता केदारी यांनी जऊळके येथे किरणा येथे वाटपासाठी मदत केली.