Download WordPress Themes and plugins.
Free Download Nulled WordPress Themes and plugins.
नारायणगाव ( किरण वाजगे )
शिरूर लोकसभा मतदार संघाचे खासदार डॉ अमोल कोल्हे यांच्या नारायणगाव येथील कार्यालयासमोर मराठा क्रांती मोर्चाच्या वतीने आज घोषणाबाजी करत आंदोलन करण्यात आले.
पिंपरी-चिंचवड येथील मराठा समाज बांधवांनी मराठा क्रांती मोर्चाच्या कार्यकर्त्यांच्या वतीने ‘एक मराठा लाख मराठा ‘ म्हणत आपल्या मागण्या व मराठा आरक्षणासाठी सारथी व मराठा समाजाच्या प्रलंबित मागण्यासाठी आज दुपारी १ वाजण्याच्या सुमारास नारायणगाव येथील खासदार कोल्हे यांच्या कार्यालयासमोर कोल्हे मळा येथे हे आंदोलन केले.
जेष्ठ नेते व सामाजिक कार्यकर्ते मारूती भापकर यांनी या आंदोलनाचे नेतृत्व केले.
सर्वोच्च न्यायालयाने मराठा आरक्षणाला स्थगिती दिल्यानंतर मराठा क्रांती मोर्चाच्या वतीने राज्यभरात आक्रोश मोर्चा आंदोलन सुरू आहेत. राज्यातील मंत्री, खासदार व आमदार यांच्या निवासस्थानी जाऊन ही आंदोलने शांततेत सुरु आहेत. या आंदोलनाद्वारे मराठा सामाजाच्या मागण्या मांडण्यात येत आहेत.
याच पार्श्वभूमीवर आज राष्ट्रवादी काँग्रेसचे शिरुर लोकसभा मतदार संघाचे खासदार व अभिनेते डॉ.अमोल कोल्हे यांच्या जन्मगावात असलेल्या कार्यालयावर मराठा क्रांती मोर्चाच्या कार्यकर्त्यांनी घोषणाबाजी करत निवेदन दिले. खासदार कोल्हे यांचे बंधू व माजी पंचायत समिती सदस्य दिलीप कोल्हे यांनी हे निवेदन स्वीकारून मराठा समाजाला आरक्षण मिळण्यासाठी खासदार डॉ.अमोल कोल्हे पाठपुरावा करतील असे दिलीप कोल्हे यांनी यावेळी सांगितले.
Download WordPress Themes Nulled and plugins.