शिरूर तालुक्यातील एका सरपंचावर फसवणुक व ॲट्रॉसिटीचा गुन्हा;राजकीय वर्तुळात खळबळ

Free Download Nulled WordPress Themes and plugins.

शिरूर तालुक्यातील पोलिसांच्या रेकॉर्डवरील गुन्हेगार असलेल्या टाकळी भीमा ता. शिरूर या गावचा सरपंच तसेच भारतीय जनता पार्टीचे सरपंच आघाडीचे शिरूर तालुका अध्यक्ष रवींद्र दोरगे व त्याच्या पत्नी आणि वडिलांवर जमिनीच्या व्यवहारात फसवणूक करून जातीवाचक शिवीगाळ केल्याप्रकरणी शिक्रापूर पोलीस स्टेशन येथे फसवणुक व ॲट्रॉसिटीचा गुन्हा करण्यात आला आहे. रवींद्र दोरगे याचेवर यापूर्वी देखील फसवणूक व आदी प्रकारचे गुन्हे दाखल असून अनेक बँकांचे कर्ज देखील थकविल्याबाबत नोटीस प्रसिद्ध झालेल्या आहेत.

यापूर्वीच्या अनेक गुन्ह्यांमध्ये सरपंच रवींद्र दोरगे हा फरार होता मात्र वारंवार गुन्हे दाखल होऊन देखील शिक्रापूर पोलिसांना दोरगे याला अटक करण्यात यश आलेले नव्हते तर आता तरी शिक्रापूर पोलीस रवींद्र दोरगे याला अटक करणार का याकडे तालुक्याचे लक्ष लागलेले आहे. तर शिरूर तालुक्यातील सरपंचावर फसवणुक व ॲट्रॉसिटीचा गुन्हा दाखल झाल्याने राजकीय वर्तुळात खळबळ उडाली आहे.