Download WordPress Themes and plugins.
Free Download Nulled WordPress Themes and plugins.
नारायणगाव ,किरण वाजगे
चारित्र्याचा संशय घेऊन पतीने पत्नीचा गळा दाबून खून केल्याप्रकरणी नारायणगाव पोलिसांनी एकास ताब्यात घेतले असल्याची माहिती नारायणगाव पोलिस स्टेशनचे सहाय्यक पोलीस निरीक्षक पृथ्वीराज ताटे यांनी दिली. ही घटना कांदळी, नगदवाडी (ता.जुन्नर) येथील शिंदे मळा शिवारात घडली.
संध्या सुरेश शिंदे (वय ५१) असे खून झालेल्या महिलेचे नाव आहे. सुरेश दगडू शिंदे (वय ५९ रा शिंदे मळा नगदवाडी, कांदळी) असे पोलिसांनी ताब्यात घेतलेल्या आरोपीचे नाव असून या बाबतची फिर्याद आरोपी चा मुलगा सुशांत सुरेश शिंदे (वय ३१ वर्षे रा. शिंदे मळा, नगदवाडी, कांदळी) यांनी दिली आहे.
पोलिसांनी दिलेल्या माहितीनुसार आरोपी सुरेश याला पत्नीच्या चारित्र्याबद्दल संशय होता व यावरून दोघांमध्ये अनेक वेळा भांडणे होत होती.
२ जानेवारी रोजी रात्री १२.३० च्या सुमारास पुन्हा दोघांमध्ये जोरदार भांडणे झाली आरोपी सुरेश यांनी मद्यप्राशन केले होते व त्यात त्याने चारित्र्याचा संशयाचा राग मनात धरून पत्नी संध्या चा हाताने गळा दाबून खून केला. खून केल्यानंतर आरोपी सुरेश नारायणगाव येथे येऊन एका ठिकाणी बसला होता. पोलिसांनी त्याचा तात्काळ तपास लावून ताब्यात घेतले व त्याची विचारपूस केली असता त्याने गुन्ह्याची कबुली दिली आहे. सदर घटनेचा पुढील तपास पोलिस उपनिरीक्षक सानील धनवे करीत आहे.
Download WordPress Themes Nulled and plugins.