Download WordPress Themes and plugins.
Free Download Nulled WordPress Themes and plugins.
योगेश राऊत ,पाटस
दौड तालुक्यातील पडवी फाटा येथे रस्ता विचारण्याच्या बहाण्याने मोटारसायकल आडवी लावून दुचाकी चालकास मारहाण करून सोन्याचे दागिने व मोबाईल चोरून घेऊन गेलेल्या एका अट्टल गुन्हेगाराला स्थानिक गुन्हे शाखेच्या पोलिसांनी भवानीनगर येथून २४ तासाच्या आत अटक करून बेड्या ठोकल्या आहेत . त्याच्याकडून सुमारे ४५ हजार रुपयांचा मुद्देमाल हस्तगत करण्यात आला आहे .
उर्फ सागर सूर्यवंशी ( वय २८ रा . केडगाव ता . दौंड ) आणि काका वायाळ ( रा . बिरोबावाडी ता . दौंड ) अशी दोघांची नावे असून यातील सोन्या उर्फ सागर सूर्यवंशी याला पोलिसांनी ताब्यात घेतले आहे .
पोलिसांनी दिलेल्या माहितीनुसार , शनिवारी ( ता . १५ ) संध्याकाळी सात वाजण्याच्या सुमारास पडवी ( ता . दौंड ) येथील पडवी फाटा या ठिकाणी दोन अज्ञात व्यक्तींनी एका मोटरसायकल चालकास त्यांच्याजवळील मोटारसायकल आडवी लावली . आणि रस्ता विचारण्याच्या बहाण्याने दोन अज्ञात व्यक्तीनी गळ्यावर , डावे हातावर , मनगटावर वार करून गंभीर जखमी करून त्याच्याजवळ असलेले मोबाईल , सोन्याची चैन , अंगठी , चोरून घेऊन , गेले होते . या प्रकरणी अज्ञात चोरट्यांविरोधात यवत पोलीस ठाण्यात गुन्हा दाखल करण्यात आला होता .
स्थानिक गुन्हे शाखेचे पथक यवत पोलीस ठाण्याच्या हद्दीत गस्त घालीत असताना ,पोलीस हवालदार निलेश कदम व गुरुनाथ गायकवाड यांना एका खबऱ्याकडून माहिती मिळाली की , सदरचा गुन्हा हा सोन्या उर्फ सागर सूर्यवंशी व काका वायाळ यांनी केला आहे व यातील आरोपी सोन्या उर्फ सागर सूर्यवंशी हा भवानीनगर येथील मेहुणा राजू भोसले याच्याकडे असल्याची खात्रीशीर माहिती मिळाली . दरम्यान , मिळालेल्या माहितीच्या आधारे सदर आरोपीला भवानीनगर या ठिकणावरून ताब्यात घेऊन त्याच्याकडून पोलिसांनी ४५ हजारांचा मुद्देमाल जप्त करण्यात आला आहे . सदर गुन्हयाची उकल २४ तासात उघडकीस आणली असून सदर आरोपी सूर्यवंशी हा सराईत गुन्हेगार असून त्याच्यावर यवतपोलीस ठाण्यात ३ तर भिगवण पोलीस ठाण्यात १ गुन्हा दाखल आहे .
सदरची कामगिरी यवत पोलीस ठाण्याचे वरिष्ठ पोलीस निरीक्षक नारायण पवार , पोलीस उपनिरीक्षक संजय नागरगोजे , पोलीस हवालदार निलेश कदम , गुरूनाथ गायकवाड , पोलीस नाईक , महेंद्र चांदणे , पोलीस नाईक , रामदास जगताप , पोलीस नाईक , निखिल रणदिवे , पोलीस शिपाई मारुती बाराते यांच्या पथकाने केली आहे
Download WordPress Themes Nulled and plugins.