खासदार ,आमदार यांच्या फंडातून वारूळवाडी गावातील विकासकामांसाठी २० लाखांचा निधी

नारायणगाव,किरण वाजगे

खासदार डॉ अमोल कोल्हे व आमदार अतुल बेनके यांच्या निधीतून २० लक्ष रुपये खर्चाच्या वारूळवाडी येथील कॉलेज रोड वर पेव्हिंग ब्लॉक बसविण्याचे भूमिपूजन खासदार डॉ. कोल्हे व आमदार बेनके यांच्या हस्ते करण्यात आले .

यावेळी विघ्नहर कारखान्याचे संचालक संतोष खैरे , युवा नेते अमित बेनके , जिल्हा नियोजन सदस्य विकास दरेकर , उद्योजक संजय वारुळे ,सुजित खैरे ,गणेश वाजगे ,सरपंच राजेंद्र मेहेर ,उपसरपंच माया डोंगरे , माजी सरपंच जंगल कोल्हे, गुलाबसेठ नेहरकर, ग्रामपंचायत सदस्य स्नेहल कांकरिया , ज्योती संते , राजश्री काळे, संगीता काळे, शुभांगी कानडे ,रेखा ब्रह्मे ,सचिन वारुळे, विकास फुलसुंदर, रवी साळुंके, अविनाश घोलप, गणेश वाजगे, अतुल आहेर, जयेश कोकणे, आदी उपस्थित होते .

खा कोल्हे म्हणाले की, पुणे – नाशिक सेमी हाय स्पीड रेल्वे प्रकल्पा करीता १०३ गावांपैकी ७० गावांची मोजणी प्रक्रिया पूर्ण झाली आहे , येत्या सहा महिन्यात रेल्वेच्या कामास प्रारंभ होईल. रेल्वे झाल्यावर फूड प्रोसेस , कोल्ड स्टोरेजला चालना मिळणार आहे . जुन्नर तालुक्यात मिनी फूड पार्क चा प्रस्ताव असून त्यासाठी आपण आणि आमदार अतुल बेनके हे प्रयत्नशील आहोत. तसेच पुणे-नाशिक महामार्गावरील कोंडी दूर करण्यासाठी चांडोली, चाकण, मोशी या ठिकाणी सहापदरी रस्ता करण्यात येणार आहे . पुणे शहराचा विस्तार वाढत असल्याने पुढील काळात मेडीसिटी प्रकल्पासह जुन्नर , आंबेगाव आणि खेड तालुके हे ट्विनसिटी म्हणून ओळखले जातील असा विश्वास खा .डॉ .अमोल कोल्हे यांनी व्यक्त केला .

दरम्यान वारूळवाडी ग्रामपंचायतच्या वतीने विविध मागण्याचे निवेदन खा . डॉ. कोल्हे यांना दिले . कार्यक्रमाचे प्रास्ताविक ज्योती संते यांनी केले तर आभार सरपंच राजेंद्र मेहेर यांनी मानले.