पंतप्रधान नरेंद्र मोदी यांच्या वाढदिवसानिमित्त बकोरी येथील देवराई-वनराई प्रकल्पात वृक्षारोपण

गणेश सातव,वाघोली

देशाचे पंतप्रधान नरेंद्र मोदी यांच्या वाढदिवसाचे औचित्य साधून भारतीय जनता पक्ष,हवेली यांच्यावतीने बकोरी येथील माहिती सेवा समितीच्या देवराई-वनराई प्रकल्पावर २०० पर्यावरण पूरक स्थानिक वृक्षांची लागवड करण्यात आली.

यात वड,पिंपळ,पुत्रंजीवा, ताम्हण,जांभूळ, बेल,बकुळ आदी वृक्षांचे रोपन उपस्थित मान्यवरांच्या हस्ते व कार्यकर्त्यांच्या उपस्थितीत करण्यात आले.

यावेळी हवेली तालुका भारतीय जनता पक्षाचे नवनिर्वाचित अध्यक्ष संदिपआप्पा भोंडवे,भा.ज.प प्रदेश कार्यकारणी सदस्य गणेश कुटे,वाघोली ग्रामपंचायत सदस्य व पक्षाच्या सहकार आघाडीचे जिल्हा उपाध्यक्ष जयप्रकाश सातव,वाघोली भा.ज.प शहराध्यक्ष केतन जाधव,माहिती सेवा समितीचे चंद्रकांत वारघडे,महिला पदाधिकारी यांच्या सह बहुसंख्य कार्यकर्ते उपस्थित होते.