काळूसमध्ये सिंजेंटा कंपनीतर्फे मधूमका (स्वीटकॉर्न) पीक चर्चासत्राचे आयोजन

चाकण- खेड तालुक्यातील टेमगिरवाडी (काळूस) येथे सिंजेंटा कंपनीमार्फत मधूमका (स्वीटकॉर्न) या पिकाच्या आधुनिक वाणाचे चर्चासत्र आयोजित करण्यात आले. येथील प्रगतशील शेतकरी व माजी सरपंच गोरक्ष टेमगिरे यांच्या शेतात सिंजेंटा कंपनीच्या टॅंग – ७५ या आधुनिक वाणाची लागवड केली होती. पिकाची गुणवत्ता, उत्तम नियोजन व व्यवस्थापनाबाबत जाणून घेण्यासाठी खेड, आंबेगाव व शिरूर तालुक्यातील अनेक शेतकरी या चर्चासत्राला उपस्थित होते.

यावेळी सिंजेंटा कंपनीतील वरिष्ठ अधिकारी दिनेश निचत, अरुण देशमुख व तुषार डावखर यांनी शेतकऱ्यांना मार्गदर्शन केले. याप्रसंगी कृषी सहाय्यक माने, भूमी ऍग्रो प्रोसेसिंगचे रुपेश अरगडे व विक्रेते अशोक काळे हे देखील उपस्थित होते.

महाराष्ट्र कृषी उद्योग समूहाचे दत्ता भानापुरे, वेताळ कृषी सेवा केंद्राचे सुनील दौंडकर, सौरभ तांगडकर व विशाल पाटील यांनी कार्यक्रमाचे आयोजन केले. सर्व शेतकऱ्यांनी नवीन वाणाबद्दल समाधान व्यक्त केले. संपत टेमगिरे यांनी आभार व्यक्त केले.