डॉ.रणजित थोरात व परिवर्तन सोशल फाउंडेशन तर्फे दौंड तालुक्यात आर्सेनिक अलबम 30 गोळ्यांच्या 25000 बॉटल चे वाटप

Ad 1

दिनेश पवार-दौंड(प्रतिनिधी)

दौंड तालुक्यात वाढत्या कोरोना च्या प्रादुर्भावा वरती प्रशासन योग्य ती उपाययोजना करत आहेत, प्रशासनाकडून वेगवेगळ्या योजना राबवून कोरोना परिस्थिती कमी करण्याचा प्रयत्न केला जात आहे, यासाठी आता तालुक्यातील स्वयंसेवी संस्था ही सामाजिक बांधिलकी जोपासण्यासाठी पुढे आलेल्या आहेत,यामध्ये डॉ.रणजीत थोरात व परिवर्तन सोशल फाउंडेशन यांच्या संयुक्त विद्यमाने दौंड शहर व तालुक्यातील कोरोना परिस्थिती आटोक्यात आणण्यासाठी सुमारे 25000 बॉटल आर्सेनिक अलबम 30 या होमियोपॅथी रोगप्रतिकारक शक्ती वाढवणाऱ्या गोळ्यांचे वाटप करण्यात येत आहे,4 व्यक्तींसाठी एक बॉटल असे प्रत्येक घरोघरी जावून हे वाटप केले जात आहे, आतापर्यंत देऊळगाव राजे,नाथाची वाडी,खुटबाव,कुरकुंभ, हिंगणीबर्डी,काळेवाडी,मलठण, लोणारवाडी,मळद,दौंड शहर,दौंड शुगर,बोरिबेल येथील नागरिकांना या गोळ्यांचे वाटप करण्यात आले आहे,दौंड शुगर या ठिकाणी वाटप करताना पुणे जिल्हा परिषद सदस्य वीरधवल बाबा जगदाळे यांच्या हस्ते करण्यात आले.

दौंड च्या ज्या-ज्या भागात कोरोना रुग्ण सापडत आहेत तेथील परिस्थिती आटोक्यात आणण्यासाठी या फाउंडेशन तर्फे हा उपक्रम राबविण्यात येत आहे, यामुळे ग्रामीण भागातील जनतेला आधार मिळत आहे, सर्वजन नित्यनियमाने दिलेल्या पद्धतीने म्हणजे 3 गोळ्या रोज उपाशीपोटी सलग 3 दिवस सर्वांसाठी, त्यानंतर प्रत्येक 8 दिवसांनी 3 गोळ्या सकाळी उपाशीपोटी 1 दिवस या गोळ्या घेतात,या सामाजिक उपक्रमांमुळे डॉ.रणजीत थोरात आणि त्यांच्या फाउंडेशन चे आभार मानले जात आहे