संत शिरोमणी नामदेव महाराज समाधी सोहळा कोरोनाच्या पार्श्वभूमीवर साधेपणाने साजरा

गणेश सातव,वाघोली

कोरोना विषाणूच्या पार्श्वभूमीवर पुन्हा लॉक डाऊन जाहीर झाल्यामुळे दरवर्षीप्रमाणे होणारा संत शिरोमणी नामदेव महाराज यांचा ६७० वा समाधी सोहळा यावर्षी जिल्ह्यात सार्वजनिकरित्या साजरा न करता अत्यंत साधेपणाने कसबा पेठ पुणे येथील संत शिरोमणी नामदेव महाराज मंदिरामध्ये सोशल डिस्टंसिंगचे पालन करुन व शासन नियमाप्रमाणे मोजक्या समाजबांधवांच्या उपस्थितीमध्ये साजरा करण्यात आला. समाज बांधवांनी घराबाहेर न पडता साध्या पद्धतीने हा सोहळा आपापल्या घरांमध्ये साजरा करावा असे आवाहन नामदेव समाजोन्नती परिषदेचे पुणे शहराध्यक्ष संदीप लचके व सचिव सुभाष मुळे यांनी केले.

यावेळी प्रसिद्धीप्रमुख ज्ञानेश्वर पाटेकर,राहुल सुपेकर,विजय कालेकर,मनोज बारटक्के,अरविंद हेन्द्रे हे समाज बांधव या वेळी उपस्थित होते. ह.भ.प.रुक्मिणीताई पारेकर यांनी अभंगाद्वारे वंदन केले.अँड.सागर मांढरे व विशाल पोरे यांनी आरती केले व सरतेशेवटी श्रीकांत कारंजकर यांच्या पसायदानाने कार्यक्रमाची सांगता करण्यात आली.