Monday, November 30, 2020
Home Blog

जेष्ठ शिक्षक रतीलाल बाबेल राज्यस्तरीय निबंध स्पर्धेत राज्यात प्रथम

नारायणगाव (किरण वाजगे)

जुन्नर तालुका विज्ञान अध्यापक संघाचे अध्यक्ष आणि नारायणगाव येथील ग्रामोन्नती मंडळाच्या गुरुवर्य रा. प. सबनीस विद्यामंदिरातील गणित व विज्ञान विषयाचे जेष्ठ शिक्षक रतीलाल बाबेल यांनी अखिल भारतीय महात्मा फुले समता परिषदेने घेतलेल्या राज्यस्तरीय निबंध स्पर्धेत महाराष्ट्र राज्यात प्रथम क्रमांक मिळविला. राज्याचे अन्न पुरवठामंत्री छगन भुजबळ यांच्या हस्ते श्री बाबेल यांना प्रथम क्रमांकाचे बक्षीस देण्यात आले.पुरस्काराचे स्वरूप स्मृतिचिन्ह, सन्मानपत्र आणि रोख अकरा हजार रुपये असे होते.

याप्रसंगी पद्मश्री डॉक्टर तात्याराव लहाने, अखिल भारतीय महात्मा फुले समता परिषदेचे कार्याध्यक्ष बापुसाहेब भुजबळ, प्रा.हरी नरके, शिवाजीराव नलावडे, डॉ. नागेश गवळी, समाधान जेजुरकर, हर्षल खैरनार व महाराष्ट्रातील विविध भागातील असंख्य समता सैनिक उपस्थित होते.

या राज्यस्तरीय निबंध स्पर्धेचा विषय “एक दिवा संविधानाचा” असा होता. कोरोना सारख्या महामारीत जेव्हा देशभरात लोक डाऊन सुरू होते, तेव्हा ही स्पर्धा घेण्यात आली.संपूर्ण महाराष्ट्रातून जवळपास २२२० निबंध या स्पर्धेसाठी आले होते. शिक्षण क्षेत्रातील नामवंत शिक्षकांकडून निबंध तपासणी करण्यात आली.
यापूर्वीही अनेक निबंध स्पर्धेत विविध विषयावर रतीलाल बाबेल यांना राज्यस्तरीय पारितोषिके मिळालेली आहेत.

एक उत्कृष्ट वक्ते म्हणून रतीलाल बाबेल यांची पुणे जिल्ह्यात वेगळी ओळख आहे.या यशाबद्दल ग्रामोन्नती मंडळाचे अध्यक्ष प्रकाश पाटे, कार्याध्यक्ष कृषिरत्न अनिलतात्या मेहेर, कार्यवाह रवींद्र पारगावकर, उपकार्याध्यक्ष डॉ. आनंद कुलकर्णी, सहकार्यवाह अरविंद भाऊ मेहेर, मुख्याध्यापक रवींद्र वाघोले, जुन्नर तालुका विज्ञान व गणित अध्यापक संघाचे सर्व पदाधिकारी यांनी बाबेल यांचे अभिनंदन केले.

Ad 3

सह्याद्री प्रतिष्ठानच्या वतीने आयोजित करण्यात आलेल्या किल्ले बनवा स्पर्धेत चिमुकल्यांनी आकर्षक प्रतिकृती साकारत दारोदारी छत्रपतींचा इतिहास जागविला

अमोल भोसले, पुणे

पुणे-कान्हेवाडी बुद्रुक (ता. खेड) येथील सह्याद्री प्रतिष्ठानच्या वतीने आयोजित करण्यात आलेल्या किल्ले बनवा स्पर्धेत गावातील चिमुकल्यांनी आकर्षक प्रतिकृती साकारत दारोदारी छत्रपतींचा इतिहास जागविला. सुमारे पस्तीस चिमुकल्यांनी यामध्ये सहभाग घेतला होता.

प्रतिष्ठानच्या वतीने दरवर्षी लहान मुलांच्या कलाविष्काराला व्यासपीठ मिळवून देण्यासाठी या स्पर्धेचे आयोजन केले जाते. त्यामधील विजेत्यांसह सहभागी मुलांनाही रोख बक्षीसे देण्यात येते.

यावर्षी घेण्यात आलेल्या स्पर्धेत रुद्र अंकुश मांजरे, विराज गणेश कोबल, श्रीकांत विठ्ठल आंबेकर यांनी अनुक्रमे प्रथम, द्वितीय व तृतीय क्रमांक पटकावला. याशिवाय वृषाली शंकर कोबल, तेजल संजय गायकवड, विपुल संतोष सांडभोर, श्रेयस दत्तात्रय कोबल, रितेश विलास कोबल, पार्थ मिलिंद कोबल, किरण बाळासाहेब मांजरे, आयुष संतोष पवार, राज विकास कोबल, वेदांत शामराव आंबेकर, मनिष दिपक नाईकडे, सक्षम प्रविण आंबेकर, सोहम उल्हास रणपिसे, आर्यन निलेश कोबल, वैष्णवी जयराम मंडलिक या सहभागींना उत्तेजनार्थ बक्षिसे देण्यात आली.

संस्थेचे पदाधिकारी व कार्यकर्ते संतोष सावंत, विनोद कोबल, जयसिंग मंडलिक, रविंद्र थोरात, प्रवीण मांजरे, प्रमोद सहाणे, विलास कोबल, योगेश खाडे, कुंडलिक कोबल, संतोष पवार यांनी स्पर्धेचे संयोजन व किल्ल्यांचे परिक्षण केले.

Ad 3

एमटीडीसीचे कोयनानगर निवासस्थान होणार पर्यटकांसाठी खुले

पुणे- महाराष्ट्र पर्यटन विकास महामंडळाचे सर्व कर्मचाऱ्यांनी “स्वच्छता हीच सेवा” हे ब्रीद उराशी बाळगून टाळेबंदीच्या कठीण काळातही काम करुन परिसर आणि खोल्या सुसज्ज आणि स्वच्छ ठेवल्या आहेत. उपहारगृह आणि अनुषंगिक बाबींची काटेकारेपणे स्वच्छता आणि निर्जंतुकिकरण करण्यात आले आहे. आसपासचा परिसर स्वच्छ ठेवत आहोत. त्याचबरोबर पर्यटक निवासांसाठी विविध निर्जंतुकीकरणाच्या उपाययोजना साधारणतः पुढील 2 वर्षासाठी करणार असुन पर्यटकांना एम. टी. डी. सी. ची निवासे ही आरोग्यासाठी उत्तम असण्याची खात्री देण्यात येत आहे. शरिराचे तापमान मोजणारी यंत्रणा, सॅनिटाईज करणारे स्प्रे, ऑक्सीमिटर अशी खास व्यवस्थाही करण्यात आली आहे. येणाऱ्या पर्यटकांना तातडीच्या वैद्यकिय कारणांसाठी सुविधा उपलब्ध करून देण्यात येणार असुन सर्व कर्मचाऱ्यांची वैद्यकिय तपासणी आली आहे. सर्व कर्मचाऱ्यांना मास्क, फेस शिल्ड, हॅन्ड ग्लोव्हज, सॅनिटायझर देण्यात आलेले आहेत. तसेच सोशल डिस्टंन्सिंग आणि कोरोना बाबतची खबरदारी याचे प्रशिक्षण देण्यात आले आहे.

एमटीडीसीचे पुणे विभागातील कोयना अभयारण्य आणि धरण क्षेत्राच्या परिसरात असलेले पर्यटक निवास कोयना लेक, कोयनानगर डिसेंबर महीन्याच्या पहील्या आठवडयात पर्यटकांसाठी खुले करण्यात येणार आहे. निसर्गरम्य परिसर असलेले पर्यटक निवास कोयना लेक मधुन कोयना धरणाचे नयनरम्य दृश्य आणि निसर्गसौंदर्य डोळयांना सुखावत आहे. पर्यटक निवास कोयना लेक येथे 2 लोकनिवासासह 22 खोल्या (कॉटेज रूम्स, बंगलो, फॅमिली रुम्स आणि डिलक्स रुम्स) असुन महीला व पुरुषांसाठी स्वतंत्र लोकनिवासाची सोय आहे. अत्यंत रमणीय अशा या परिसरात उत्कृष्ट आणि रुचकर भेजनासाठी उपहारगृहाची व्यवस्था करण्यात आली आहे. प्रशस्ता वाहनतळ आणि मन मोहुन टाकणारे हिरवेगार लॉन ही पर्यटक निवास कोयना लेक ची वैशिष्टये आहेत.

पर्यटन क्षेत्र खुले झाल्याने डेस्टीनेशन वेडींग, प्री-वेडींग फोटो शुट यांना बहर आला आहे. एम. टी. डी. सी. ची सर्वच पर्यटक निवासे ही समुद्रकिनारे, ऐतिहासिक ठिकाणे, निसर्गरम्य डोंगर रांगा आणि थंड हवेच्या ठिकाणी आहेत. त्यामुळे सदरच्या ठिकाणी डेस्टीनेशन वेडींग, प्री-वेडींग फोटो शुट, रिसेप्शन म्हणजे पर्यटकांसाठी पर्वणीच आहे. प्रत्येकजण आपल्या आयुष्यातील अनमोल क्षण कायमस्वरुपी यादगार करण्यासाठी एम. टी. डी. सी. च्या निसर्गरम्य पर्यटक निवास आणि परिसरात येत आहेत. महामंडळानेही अशा हौशी पर्यटकांसाठी सवलती जाहीर केल्या आहेत. त्यानुसार पर्यटक निवासातील व्यवस्थापकांनाच सदर बाबत अधिकार देण्यात आलेले आहेत. त्यामुळे आगामी काळात डेस्टीनेशन वेडींग, प्री-वेडींग फोटो शुट, रिसेप्शन फोटोशुट, कार्पोरेट कंपन्यांच्या बैठका आणि “वर्क फ्रॉम नेचर” यांना महामंडळाच्या पर्यटक निवासामध्ये खास सवलत देण्यात येणार असल्याने पर्यटकांमध्ये उत्साही वातावरण आहे.

दरम्यान, सध्याच्या वातावरणात पर्यटकांना आयुर्वेदीक आणि नैसर्गिक खाद्यपदार्थ आणि वातावरण उपलब्ध करुन देण्यात येणार आहे. पर्यटकांना स्वच्छ आणि रमणीय समुद्रकिनारे, ऐतिहासिक गड-किल्ले, प्राचीन मंदीरे आणि संस्कृती, हिरवागार निसर्ग, अप्रतिम खाद्यपदार्थ यांची मेजवानी देण्यासाठी तसेच मावळत्या वर्षाला निरोप आणि नवीन वर्षाचे उत्साही स्वागत करण्यासाठी महामंडळ पर्यटकांची आतुरतेने वाट पहात आहे.

पर्यटकांना पर्यटन विषयक सुविधा, खाद्यपदार्थांची माहीती, आसपासच्या निसर्गाची माहीती, स्थानिक खेळ, परंपरा, सांस्कृतिक कार्यक्रम, वन्यजीव, वृक्षवल्ली, तसेच महामंडळामार्फत पर्यटकांसाठी घेण्यात येणारी खबरदारी, सुरक्षिततेच्या उपाययोजनायांची माहीत वेबसाईट आणि Whats app ग्रुप च्या माध्यमातुन देण्यात येत आहे.

पर्यटक निवासात आलेल्या पर्यटकांचे स्वागत करुन त्यांना सॅनिटायझर वापरण्यास विनंती करण्यात येते, तदनंतर पर्यटकांचे शरीराचे तापमान आणि ऑक्सीजन यांची नोंद घेण्यात येते, पर्यटकांची मागिल प्रवासाची माहीती घेवुन त्यांची नोंद घेतली जाते. पर्यटकांच्या समोर त्यांना देण्यात येणाऱ्या सुटचे सॅनिटायझेशन केले जाते आणि तदनंतरच पर्यटकांना रुम देण्यात येते. कोरोना आजाराविरुध्द सर्व प्रकारची खबरदारी घेण्यात येत आहे. तथापि, पर्यटकांनी निसर्गाचे भान ठेवुन पर्यटनाचा आनंद घ्यावा, असे आवाहन प्रादेशिक व्यवस्थापक श्री. दिपक हरणे यांच्या कडुन करण्यात आले आहे.-दिपक हरणे, प्रादेशिक व्यवस्थापक,महाराष्ट्र पर्यटन विकास महामंडळ, पुणे.

Ad 3

भक्तीमय वातावरणात काकड्याची सांगता सोशल डिस्टंसिंग मध्ये संपन्न

अमोल भोसले,उरुळी कांचन 

“भक्तिचिये पोटी बोध काकडा ज्योति, पंचप्राण जीवे – भावे ओवाळू आरती’ अशी आराधना करीत सोशल डिस्टंसिंग व ध्वनीप्रदूषणाचे नियम पाळून गेली महिनाभरापासून परिसरात सुरू असलेल्या काकड्याची भक्तीमय वातावरणात सांगता झाली. सांगतेचा पारंपरिक पालखी मिरवणूक सोहळा करता आला नसल्याची रखरुख मात्र भाविकांच्या चेहऱ्यावर यावेळी स्पष्टपणे दिसून आली.

कार्तिक महिन्याच्या शुक्ल एकादशीपासून त्रिपुरी पौर्णिमेपर्यंत दररोज पहाटे देवाला जागविण्यासाठी मंदिरात काकडारती करण्याची प्रथा आहे. मांजरी बुद्रुक, साडेसतरानळी, फुरसुंगी, शेवाळेवाडी येथील मंदिरांमध्ये दरवर्षी हा सोहळा साजरा केला जातो. येथे पहाटेच्या प्रसन्न वातावरणात काकड्याचे अभंग, आरती व विविध स्तोत्रे म्हटली गेली. टाळ मृदंगाच्या गजरात कृष्णाच्या लीलांचे व सावळ्या विठ्ठलाचे वर्णन करणारी गीतेही यामध्ये गायली गेली.

मांजराई प्रासादिक दिंडी मंडळ मांजरी बुद्रुक विठ्ठल मंदिरात मोठ्या उत्साहात काकडा साजरा करण्यात आला. अध्यक्ष भाऊसाहेब मुरकुटे, उपाध्यक्ष राजेंद्र घुले, विणेकरी पांडुरंग घुले, पेटीवादक कुमार बेल्हेकर, जगन्नाथ घुले, मृदुंग वादक रमेश घुले, भीमसेन सुरवसे तसेच आप्पा थोरात, पांडुरंग घुले, रामभाऊ कुंजीर, आबासाहेब शिंदे, तुकाराम घुले, बापू टकले, डी. एम. घुले, माऊली घुले, संभाजी घुले यांनी काकडा उत्सव साजरा केला.

Ad 3

कौटुंबिक हिंसाचार कायद्याच्या प्रभावी अंमलबजावणीसाठी पुण्यात बैठक

अमोल भोसले, पुणे

कौटुंबिक हिंसाचार प्रकरणी पिडीतांना न्याय मिळावा, यादृष्टीने कायदा होऊनही नियोन आणि समन्वयाअभावी अपेक्षीत परिणाम होताना दिसत नाही. या त्रूटी निवारण्यासाठी संबंधीत अधिकाऱ्यांची परिषद विधी सेवा प्राधिकरणचे सदस्य सचिव चेतन भागवत नुकतीच पार पडली. या कायद्याच्या प्रभावी अंमलबजावणीसाठी त्यासंबंधीच्या सरकारी यंत्रणांनी यापुढे परस्पर समन्वयावर भर देण्याचा निर्णय यामध्ये झाला आहे.

चेतना महिला विकास केंद्र, पुणे व महिला व बाल विकास विभाग, पुणे महानगरपालिका आणि हंस सायडल फौंडेशन यांचे संयुक्त विद्यमाने “कौटुंबिक हिंसाचार पासून महिलांचे संरक्षण अधिनियम २००५’ च्या प्रभावी अंमलबजावणीसाठी नाना पेठ, पुणे येथे सर्व सरकारी यंत्रणांची परिषद आयोजित करण्यात आली होती. त्यावेळी हा निर्णय घेण्यात आला.

महिला व बाल विकास विभागाचे उपायुक्त दिलीप हिवराळे, जिल्हा महिला व बाल विकास अधिकारी अश्विनी कांबळे, चेतना महिला विकास केंद्राच्या असुंता पारधे, जिल्हा संरक्षण अधिकारी अंजना मोजर, बाल विकास प्रकल्प अधिकारी प्रशांत शिर्के, भरोसा सेलच्या सहायक पोलीस निरीक्षक श्रीमती शामली तसेच पुणे महानगरपालिका क्षेत्रीय कार्यालयाचे अधिक्षक व जिल्ह्यातील तेराही तालुक्यातील सर्व संरक्षण अधिकारी यांच्यासह अंगणवाडी सेविका, पर्यवेक्षिका, मदतनीस, समुपदेशक, विधी स्वयंसेवक, सेवादायी संस्थांचे पदाधिकारी आदी यावेळी उपस्थित होते.

दरम्यान यावेळी विधी सेवा प्राधिकरणचे सदस्य सचिव श्री. भागवत यांच्या हस्ते चेतना संस्थेने बनविलेल्या कौटुंबिक हिंसाचार पिडीतांसाठींच्या मदतीसाठी काम करणाऱ्या यंत्रणेची माहिती असलेल्या भित्तीपत्रकाचे प्रकाशन करण्यात आले. तसेच कौटुंबिक हिंसाचार पासून महिलांचे संरक्षण अधिनियम २००५ बाबत संस्थेच्या वतीने घेण्यात आलेल्या महानगरपालिका विभागातील क्षेत्रीय कार्यालयांतर्गत तसेच तालुकानिहाय प्रशिक्षण शिबिरातील सहभागी आशा सेविका, अंगणवाडी सेविका, पर्यवेक्षिका, मदतनीस, समुपदेशक, कायदा जाणकार यांना प्रमाणपत्रेही देण्यात आली.

“कौटुंबिक हिंसाचार प्रकरणातील पिडीत महिला, मुले, ज्येष्ठ नागरिक यांना तातडीने मदत मिळावी म्हणून त्याबाबतचा कायदा करण्यात आला आहे. मात्र, पिडीतांना अद्यापही योग्य मार्गदर्शन किंवा सेवा मिळत नसल्याचा अनुभव आहे. त्यासाठी या कायद्याच्या प्रभावी अंमलबजावणीकरिता संबधीत अधिकारी व कर्मचाऱ्यांचे सक्षमीकरण गरजेचे आहे.’
अँड. असुंता पारध्ये
समुपदेशक.

Ad 3

वडिलांच्या अस्थी नदीत विसर्जित न करता अस्थी व रक्षा माती मिसळून केलं  वृक्षारोपण

शिंदवणेचे माजी सरपंच अण्णासाहेब महाडीक कुटुंबाचा आगळा वेगळा आदर्श

अमोल भोसले,उरुळी कांचन

हवेली तालुक्यातील शिंदवणे गावचे माजी सरपंच आण्णासाहेब महाडिक व गणेश महाडिक यांचे वडील तसेच हवेली पंचायत समितीच्या माजी सभापती वैशालीताई गणेश महाडिक यांचे सासरे भाऊसाहेब आनंदा महाडिक यांचे अल्पशा आजाराने निधन झाले. त्यांच्या निधनानंतर महाडिक कुटुंबातील सर्वांनी एकत्र येऊन भाऊसाहेब महाडिक यांच्या अस्थी नदीत विसर्जन न करण्याचा निर्णय घेतला.अस्थी नदीत विसर्जन केल्याने जलप्रदूषण मोठ्या प्रमाणावर होते अस्थी बरोबर रक्षा नदीत विसर्जन केल्यानंतर रक्षा पाण्याच्या तळाला जाऊन पाणी जमिनीत मुरण्यासाठी अडथळा निर्माण होतो यासारख्या अनेक कारणांमुळे नदी प्रदूषित होते.

भाऊसाहेब महाडिक हे सांप्रदायिक होते त्यांनी त्यांच्या जीवनात अनेक धार्मिक कार्य केले श्री संत चांगावटेश्वर पालखी मध्ये शिंदवणे गावच्या दिंडीचे ते प्रमुख होते. त्यांनी गेली बारा वर्षं पालखीमध्ये पंढरपूरपर्यंत पायी वारी केली. या वारीमध्ये त्यांनी स्वखर्चाने वारीतील वारकऱ्यांना अन्नदान व औषध उपचार केले. त्यांच्या अचानक जाण्याने निश्चितच महाडिक कुटुंबाचा आधार गेला असे असले तरी वडिलांचा आदर्श डोळ्यासमोर ठेवून महाडिक कुटुंबाने दशक्रिया विधीच्या वेळी शिंदवणे दशक्रिया घाट परिसरामध्ये सात फुटाच्या आंब्याच्या वृक्षांची लागवड करताना वडिलांच्या अस्थी व रक्षा एकत्र करून वृक्षारोपण केले.

 

यावेळी शिरूर हवेलीचे आमदार अशोक पवार, पुणे जिल्हा राष्ट्रवादीचे अध्यक्ष प्रदीप गारटकर, जिल्हा परिषदेचे माजी अध्यक्ष प्रदीप कंद, हवेली तालुका राष्ट्रवादी काँग्रेसचे अध्यक्ष दिलीप वाल्हेकर ,हवेली खरेदी विक्री संघाचे अध्यक्ष गुलाब चौधरी, सरपंच संघटनेचे अध्यक्ष नवनाथ काकडे, उद्योजक एल बी कुंजीर , तंटामुक्ती अध्यक्ष अमित कांचन , पंचायत समिती उपसभापती हेमलता बडेकर यांच्यासह हवेली, पुरंदर, दौंड तसेच पुणे व सोलापूर जिल्ह्यातील मित्रपरिवार, विविध क्षेत्रातील मान्यवर, महिला उपस्थित होते.

दशक्रिया विधीच्या वेळी हरी भक्त परायण पुरुषोत्तम महाराज पाटील बुलढाणा यांचे प्रवचन झाले.
यावेळी उपमुख्यमंत्री अजित पवार यांच्या वतीने जिल्हाध्यक्ष प्रदीप गारटकर श्रद्धांजली अर्पण केली तसेच खासदार अमोल कोल्हे यांनीही पाठवलेला शोक संदेश वाचून दाखवण्यात आला.
आण्णासाहेब महाडिक परिवाराने वडिलांच्या अस्थी विसर्जन न करता अस्थी व रक्षा मातीत मिसळून वृक्षारोपण केलेल्या आदर्शाचे पुणे जिल्ह्यात कौतुक होत आहे.

Ad 3

महाविकास आघाडीचे दोन्हीही उमेदवार भरघोस मतांनी विजयी होतील – आढळराव पाटील

सिताराम काळे, घोडेगाव

मुख्यमंत्री उद्धव ठाकरे यांच्या सक्षम नेतृत्वाखाली राज्यातील महाविकास आघाडीचे सरकार शेतकरी व सर्व सामान्यांच्या हिताचे उत्तम निर्णय घेत आहे. विधान परिषद पदवीधर व शिक्षक मतदारसंघाचे दोन्हीही उमेदवार पहिल्या पसंतीचे मतदान मिळवून भरघोस मतांनी विजयी होतील अशी खात्री शिवसेना उपनेते, संपर्कप्रमुख व माजी खासदार शिवाजीराव आढळराव पाटील यांनी व्यक्त केली.

लांडेवाडी (ता. आंबेगाव) येथे शिवसेना शिरूर लोकसभा मतदार संघाच्यावतीने महाविकास आघाडीचे उमेदवार अरुण गणपती लाड व प्रा. जयवंत दिनकर आसगावकर यांच्या प्रचारार्थ प्रमुख पदाधिकारी व लोकप्रतिनिधींच्या उपस्थितीत बैठक संपन्न झाली. यावेळी उपस्थितांना मार्गदर्शन करताना आढळराव पाटील म्हणाले की, विधान परिषद पदवीधर व शिक्षक मतदारसंघाची निवडणूक लवकरच संपन्न होत असून शिवसेनेच्या वतीने तालुकानिहाय व गावनिहाय मतदार नोंदणी मोठ्या प्रमाणात करण्यात आली आहे. शिवसेना पदाधिकारी व लोकप्रतिनिधींनी गावोगावी असलेल्या मतदारांशी संपर्क साधून महाविकास आघाडीची कामे व उमेदवारांची माहिती पोहचवून जास्तीत जास्त मतदान महाविकास आघाडीच्या उमेदवारांना मिळवून देण्यासाठी जोमाने कामाला लागावे. राज्य व देश कठीण प्रसंगातून जात असताना मुख्यमंत्री उद्धव ठाकरे यांनी सर्वसामान्यांच्या हिताचे व आरोग्यासह सर्व क्षेत्रात महत्वपूर्ण निर्णय घेऊन लोकांची मने जिंकली आहेत. पदवीधर व शिक्षक वर्गाच्या समस्या सोडविण्यासाठी सरकार आपल्या पाठीशी असून त्यासाठी शासन दरबारी योग्य भूमिका मांडणाऱ्या महाविकास आघाडीच्या दोन्ही नेत्यांना विजयी करण्याचे आवाहन यावेळी त्यांनी केले.

शिवसेना जिल्हाप्रमुख माऊली कटके म्हणाले की, शिवसेना आदेशावर चालणार पक्ष आहे. महाविकास आघाडीचे दोन्ही उमेदवार शिक्षक व पदवीधरांचे प्रश्न सोडविण्यासाठी सक्षम आहेत. त्यामुळे शिवसेना व शिवसैनिक महाविकास आघाडीच्या उमेदवारांना निवडून आणण्यात कुठेही कमी पडणार नाही असा विश्वास त्यांनी व्यक्त केला.

उमेदवार अरुण लाड यांचे बंधू हृदयनाथ लाड म्हणाले की, या निवडणुकीसाठी पाच जिल्ह्यांचे कार्यक्षेत्र असल्याने या ठिकाणी वेळेअभावी पोहोचण्यास उशीर झाला. माजी खासदार आढळराव पाटील यांच्या नेतृत्वाखाली सर्व शिवसेना पदाधिकारी व लोकप्रतिनिधींनी घेतलेला निर्णय पाहता महाविकास आघाडीचे दोन्ही उमदेवार चांगल्या मताधिक्याने निवडून येथील अशी खात्री हृदयनाथ लाड यांनी व्यक्त केली.

यावेळी जिल्हा परिषद गटनेते देविदास दरेकर, शिवसेना सहसंपर्क प्रमुख सुरेश भोर, खेड पंचायत समिती सभापती भगवान पोखरकर, ज्येष्ठ नेते प्रा. राजाराम बाणखेले, शिवसेना जुन्नर तालुकाप्रमुख माऊली खंडागळे, खेड तालुकाप्रमुख रामदास धनवटे, आंबेगाव तालुकाप्रमुख अरुण गिरे, हवेली तालुकाप्रमुख प्रशांत काळभोर, गणेश जामदार, उपजिल्हाप्रमुख सुनील बाणखेले, अनिल काशिद, पोपट शेलार, रवींद्र करंजखेले, युवासेना विस्तारक सचिन बांगर, प्रवीण थोरात, विजय आढारी, शिवाजी राजगुरू, उपसभापती ज्योती अरगडे आदी मान्यवर उपस्थित होते. अरुण गिरे यांनी सूत्र संचालन तर सुरेश भोर यांनी उपस्थितांचे आभार मानले.

Ad 3

महासूर्योदय मित्र मंडळाच्या वतीने रक्तदान शिबीराचे यशस्वी आयोजन

नारायणगाव (किरण वाजगे)

जुन्नर तालुक्यातील नारायणगाव येथील महासूर्योदय मित्र मंडळाच्या वतीने माजी सरपंच स्वर्गीय दिलीप कोठारी व माजी ग्रामपंचायत सदस्य स्वर्गीय रमेश आण्णा पांचाळ यांच्या स्मृतिप्रीत्यर्थ आज रक्तदान शिबिराचे आयोजन करण्यात आले होते.

नारायणगाव येथील महावीर भवन येथे झालेल्या रक्तदान शिबिरामध्ये सुमारे ४०३ जणांनी रक्तदान केले. या शिबिराचे वैशिष्ट्य म्हणजे अनेक महिलांनी देखील या शिबिरात उत्स्फुर्तपणे रक्तदान केले. आपले प्रतिनिधी किरण वाजगे यांनी ३६ व्या वेळी रक्तदान करून एक वेगळा आदर्श निर्माण करण्याचा प्रयत्न केला आहे.

या शिबिरा प्रसंगी आमदार अतुल बेनके, अजिंक्यतारा पतसंस्थेचे अध्यक्ष गणेश वाजगे, युवा उद्योजक अमित बेनके, सरपंच योगेश पाटे, माजी उपसरपंच संतोष वाजगे, उद्योजक अशोक गांधी, अनिल दिवटे, सूरज वाजगे, रोहिदास केदारी, सागर दहितुले, जयेश कोकणे, निलेश गोरडे, सचिन तांबे, संदीप शिंदे, संकेत वामन, आरिफ आतार, हेमंत कोल्हे अजित वाजगे, ईश्वर पाटे आदी मान्यवर उपस्थित होते.

कार्यक्रमाचे आयोजन महासुर्योदय मित्रमंडळाचे अध्यक्ष सुदीप कसाबे, अक्षय कसाबे, किरण वारुळे, संकेत शेजवळ. अनिकेत कराळे, दशरथ कांबळे, राहुल दळवी, ऋषिकेश कुंभार, अनिकेत मते, अभय कोठारी, विजय पांचाळ, आनंद पांचाळ, अभिषेक बनकर, स्वरूप पांचाळ, सिद्धू कर्पे आदी कार्यकर्त्यांनी केले.

Ad 3

त्रिपुरी पोर्णिमेनिमित्त श्री क्षेत्र भीमाशंकर येथे दिपोत्सव

सिताराम काळे घोडेगाव

त्रिपुरी पोर्णिमे निमित्त श्री क्षेत्र भीमाशंकर येथे दिपोत्सव साजरा करण्यात आला. शंकर व पार्वती यांनी अर्धनारीनटेश्वराचे रूप धारण करून त्रिपुरासुराचा वध केला व या विश्वाचे रक्षण केले. या दिवसाची आठवण म्हणून भीमाशंकर मध्ये दरवर्षी त्रिपुरी पोर्णिमा साजरी केली जाते. याही वर्षी शिवलींगावर पोशाख चढवून मंदिरात आकर्षक फुलांची सजावट व विदयुत रोषनाई करण्यात आली.त्रिपुरी पोर्णिमेला भीमाशंकरचे आगळेवेगळे महत्व आहे.

वैकुंठचर्तुदशीच्या म्हणजेच त्रिपुरी पोर्णिमेच्या अधल्यारात्री बारा वाजता शिवलींगावर वर्शातून एकदाच हरिहरेश्वर भेट घडवून आणली जाते व तुळशीची पाने वाहिली जातात. तुळशीची पाने वाहण्यासाठी मोठया संख्येने भाविकभक्त व साधुसंत येथे येत असतात परंतु कोरोनाच्या प्रादुर्भामुळे यावेळी संख्या कमी होती. ब्रम्हदेवाने तारकासुरला पुरूष, स्त्री, पशु, पक्षी अशा कोणाकडूनच तुझा वध होणार नाही असा वर दिला होता. त्यामुळे तारकासुराने संपुर्ण विश्वात हाहाकार माजवला होता. या तारकासुराचा वध करण्यासाठी शंकर व पार्वती यांनी अर्धनटीनारेश्वराचे रूप धारण करून तारकासुराचा वध केला म्हणून या कार्तिकी पोर्णिमेला त्रिपुरी पोर्णिमाही म्हटले जाते.

या दिवसाची आठवण म्हणून भाविक भीमाशंकर मध्ये येतात व त्रिपुरवात पेटवतात. हि त्रिपुरवात विझे पर्यंत शंकराची अराधना करतात व वात विझल्यानंतर त्याचे भस्म घरी घेऊन जातात. हि प्रथा अनेक वर्षांपासुन येथे सुरू आहे. परंतु यावर्षी शासन नियमाप्रमाणे कोणालाही थांबु देण्यात आले नाही. मंदिर परिसरात दिवे लावण्यात आले. हि सजावट झाल्यानंतर मंदिरात महाआरती घेण्यात आली.

Ad 3

दौंड मध्ये महात्मा फुले यांच्या पुण्यतिथी निमित्त अभिवादन

दिनेश पवार,दौंड,प्रतिनिधी:-

थोरसमाजसेवक,क्रांतीसुर्य,महात्मा ज्योतिबा फुले यांच्या पुण्यतिथी निमिंत स्व.सुभाष आण्णा कुल मतिमंद व बहुविकलाॅग मुलांची विशेष शाळा दौण्ड,जि.पुणे येथील शाळेच्या प्रागणांत विनम्र अभिवादन करण्यात आले.समाज सेवेतुन समाज घडत असतो व सामाजीक कामाला महापुरुष्याच्या जीवन कार्यातुनच प्रेरणा मिळते आज कोरोना महामारीचा सामना करण्यासाठी समाजसेवा आणि सुरक्षेचे समाज प्रबोधन करणे गरजेचे असल्याचे मत यावेळी उपस्थित प्रमुख पाहुणे म्हणून सदाशिव रनदिवे सर(अध्यक्ष ज्ञानसंकल्प सामाजिक संस्था महाराष्ट राज्य) यांनी मार्गदशन केले,.

 भंडारी(मुख्याद्यापक) यांच्या हस्ते प्रतिमा पुजन झाले यावेळी दिगंबर पवार(विशेष शिक्षक),संजय बनसोडे,विक्रम शेलार,जाधव सर, सह आदी शिक्षक मान्यवर उपस्थित होते.

Ad 3
20,829FansLike
0FollowersFollow
68,533FollowersFollow
0SubscribersSubscribe